HEBRUMEI 2:3 - KARANU KABI SAMTAM

³ Teitii leponii tei kakum kadi keikapyii karing gotei nyiinii alung liit suleponii, kada takumpii nyiinii nlek wotangpo? Bangpii sekpiinii karei reisang kito keikapyii karing ai saa mpat takle, sateichii mpounii katam swikasumei hang teinii maning kariirhii gasii ai ai kasangle katupii nyii dakii ma- ngoutakle,

HEBRUMEI 2:3 Referans Kwoze

HEBRUMEI 12:25

Tamkalei ah gotei gonyiinii mazhii kasu tiisii sakai wolo. Kadapokii sazyii pouryiito ahnyiigo tiilosii tam kakhat katu ah gotei ahnyiinii mazhii kasu kito ring sutakleponii, sating gamto tiilosii tam kakhatpyiisii kalei ah dateito nyiinii nlek wosekchii, nlailoisii kadaziikapii kisii ringlak takpo!

ROMMEI 2:3

Sateichii aikakum tha tiisii kaleimeigo samtak katiimei sateichii nangniido teitha tei tiisii tiisii kalei, he ameinah nangnii Saraa mah samtak katii kiteito nlek wobui lesii maning leipo?

HEBRUMEI 5:9

sateichii mpounii sajek gasii bimatui wokalu taiswisii, mpounii katam kaswimei hang jangpii kalui kaga keikapyii karing- mah kapat bam tei mpounii tiiwo takle,

TIILAMLWI KAPYIIMEI THA JUKAMATI 4:12

Sa- teichii mei kaki hangninii dakado keikapyii karing tei gale, kadapokii nyiigo keipyii tang karam, meihang dakii pyiikabam sating kang aito zei kaki hangninii kado gale.”

HEBRUMEI 4:11

Ahnyiinii katam swikasu jangpii tiidou kasu takumpii nyii kak kito mei kado tiidou kasu tei tiikasu tiisii nyiinii ngam kabuita teimah ka-ntak kitei liit kalu tiide.

HEBRUMEI 1:2

nlenii ai kalui tinglang leimik aikito nah sapfii mpou paikito nyii dakii mpounii sam rashiile. Mpougo mahlyii hangmah matou katou tei tiipyii takle, sateichii mpounii mpou paikito sazyii pouryiido tiipyiile;

LUKNII KARYII KABI RASAM JUKAMATI 1:2

Karei kito mik sekpiinii kangoumei sateichii teisam tamsii kalei meinii nyii dakii tam kapyii tei ahnyiinii ryiisii leile.

MATIMANGOU KAPYII 7:10

rok sagoisii saa mpatle, “Keikapyii karing teinii sagongbam gamto bam kalei nyiimah Saraa ninado Jaonah dateitole!”

TAITAS 2:11

Kadapokii meihangmah keika- pyii karing jangpii Saraamah jumage kapyii tei gongpyii takle.

1 TIMOTHI 1:15

Jisu Kristanii kakui kama meigo keipyii tang karam jangpii sazyii pouryii gongpyiile katu ai malum wobuile sateichii nyiinii lukai tang karam jangpii tam kalei sam ai kasangle sateichii kem kama mei hang kak kiteito kem tiikaki tei I-le,

METIU 23:33

Gonyii Sanhii ninado sanhii taa-nahmei hang! Gonyiinii kada takumpii mibam kiteito nlek wotangpo?

HEBRUMEI 4:1

Aitoinii mpounii tam kalei ntakbam tei nyiinii dou kabui tiisii Saraanii nyiigo riishii tei pyiibam takle. Teitii leponii, riishii tiikabam ka-ntak tei doutang karam kito gonyii mei kado tiidou kalak tei kadou kasu tiisii nyiinii sakai wode!

TIILAMLWI KAPYIIMEI THA JUKAMATI 2:22

“He Isrelmeinah, sam hang ai shiipyiilo–Nazaretki Jisu, Saraanii gonyii kak kito mpou tha kadi ninado kamadat tha hang sateichii tiika- mangou hang kamangou, teipiinii mpou ai Saraanii mazhii kapyiimeile katu tei gonyii pum sekpiiniido tile.

TIILAMLWI KAPYIIMEI THA JUKAMATI 1:22

nyiigo kaswisii bangpii Jisunii tatpat tatliitsii tinglang kaleihang kito nyiigo kaswisii tat kaleimei sapfiimei kak kito mei hangninanii nyiigo kaswisii mpounii ring kakhii mah sakchyii tiitang karamle.”

JONNII KARYII KABI RASAM JUKAMATI 15:27

sateichii gonyii hangdo sakchyiile, dapodinchii saroisekto gonyiinii n-gu kaswisii leile.

LUKNII KARYII KABI RASAM JUKAMATI 24:19

Teito mpounii mpoupiina dakii tamle, “Kada dapei pat tak khe?” Teito mpoupiinanii mpou dakii tamle, “Saraa doito meihang doito tha katii sateichii sam katam hang kito teimaham kabam, Lungkaka- lingmei hangninii tiisii kabam, Nazaret ki Jisumah kaang kitole;

MARK 1:14

Jon dwi mpum kapyiipiigo kabang kikii kai kaleitai, Jisunii Galiliki liitsii Saraa mah sating sazyii mah kabi rasam tei tam ralipyiile.

1 THESOLONIKAMEI 5:3

“Ahnyiinii majung takle sateichii doikadang gale,” katu tinglang kiteito tisang tisupii sapwimeinii nah kamanaa ki tiikapi takumpii tiikamaga tei ahnyii phyiiryii gongtangle; teito ahnyiinii nleksang nlekpei wolakle.

LUKNII KARYII KABI RASAM JUKAMATI 1:69

sateichii mpou kikaleipii Devit mah atat-areng kito Keikapyiipii hangninii nyiijangpii pyiitakle.

METIU 4:17

“Lungkali wolo, Kadaponii sating gam sazyii tei natakle.” Sii tamsii Jisunii tei tinglang sekpii tam ralipyiihou tutakle.

ROMMEI 11:14

Mazhiileponii gupum guzai lamto n-gu njoisii kalei Jehudimei gotei tii maimhii pyiisanii ahnyii mei cheng- niikiigo keiwo tang karam jangpii- niile.

1 KORENMEI 1:21

Kadaponii Saraanii mpoumah swirek kabi kito, sazyii pouryiimeinii ahnyiimah swirek kabi teiroinapii mpougo timatu sutakle. Nlenii nyiinii tam ralikapyii kapang kamang mah samtam teipii malum kalumei hang go keipyii tangle katupii Saraanii satto takle.

HEBRUMEI 1:1

Ndou kareiki Saraanii lungka- kalingmei paikito nyiipei nyii- paomeigo jairali kataam kataam kito nlai nlailoisii sam rashiile,

HEBRUMEI 1:14

Sating gamlui hang ai kada- peipo, teitiileponii? Ahnyiinii Saraa nga ngasii kalei ninado keikapyii karing doutang karam meigo tiiha matu tang karam jangpii mpounii m-mang kabam rangii teile.

HEBRUMEI 9:28

meihang mah kem hangtei pungpyii tang karam jangpii, binii pyiitoi kalei Krista teinii kem jangpii supiinii, mpougo saryiisii koikalei meihang go keipyii tang karam jangpii, hangna kashang tiisii gong tangle.

1 JON 1:1

Nukarei kito kabam, nyiinii shiikalu, nyii mikpiinii ngou kalu, nyiinii ngou wosii nyii bahpiinii dengkalu karingmah samkangmah kaang kito–

JUD DATO KAGONG CHITI JUKAMATI 1:17

Nlenii lungkasyiimei, nyii Bangpii Jisu Kristamah tiilamlwi kapyiimeinii ndou karei kito tam kabam sam hang tei gonyiinii ma- ninglo;