HEBRUMEI 2:17 - KARANU KABI SAMTAM

¹⁷ Teijangpii mpounii meimah kem tiimagapyii tang karam jangpii Saraa tha katii kito lungsyii kati ninado malum kabui kanat kajum tingdipii tiitang karam jangpii, mpounii mpou kangsanameigo mahlyii hang kito njoi tang karam takle.

HEBRUMEI 2:17 Referans Kwoze

HEBRUMEI 4:14

Saraa nah sapfii mpou Jisu, sating gam hang ki pitang kalu kadi kanat kajum tingdipii nyiimah kalei taiswisii, nyiinii tam ka-mpat tei sangtingsii jumde.

HEBRUMEI 2:14

Mpounii lat kalei nahmei hangtei pum zai kapungmei katu taiswisii, Jisunii ahnyii mah njoi tei poi wotakle, sateichii nunuto kalei meinah mah jaitalui tei Jisunii dou njoi takle. Mpoumah katai paikito kataimah teimaham kabam, seitan gotei mpounii tiimaga kabui tiisii mpounii ai ai tiile.

HEBRUMEI 7:26

Kadapokii ai kakum kamatei, tam kamashyiini kaga kahongrum kasu, kem katiimei hang dato poitaam kabam sateichii sating gam sung kisii poi kasagoi, kanat kajum Tingditupii hangninii nyiinii dou- tang karam sekle.

ROMMEI 5:10

Nyiinii Saraago ngou karoumei tiisii leile, nlenii mpounah sapfii mpounii taikapyii paito mpounii nyiigo mpou kangmei tiipyiile. Aitoinii nyii ai mpou kangmei tiikalutai swisii, Kristanii taikapyii teipii kadaziika kisii nyiigo keipyii tangpo!

HEBRUMEI 2:11

Kadapokii tiimatei kapyii ahdo, tiimateipyii kalei ahnyiihangdo Pfii hangninii datole. Teijangpii Jisunii ahnyiigo mpou kangsanameile sii lat katu nroumakle,

HEBRUMEI 3:5

Ki kaleimei hangninii tiisii Mosesnii Saraa kilungto malum kabui tha tei tiile, sateichii gong tang karam tinglang kanaki Saraanii tam tang karam mah hang mah kaang kito mpounii tamle.

KOLOSIMEI 1:21

Gonyiiniikashyii katii ninado kamaning jangpii tinglang hang- niniiki gonyiinii Saraa dato dhiisii mpoumah ngou karoumei tiisii leile.

HEBRUMEI 7:28

Moses mah ajaitingshang teinii meinahgo ahnyiimah kasui kiteito kanat kajum Tingditupii tiisii kalaile, nlenii ajaitingshang tainii kagong riishii mah samkang teinii kalui gasii bikamatui nah sapfii mpou gotei kalaile.

IPISAMEI 2:16

Mpounii Krosh gamto taikapyii teipii ahnyii mah kangourou kalei hangtei tiimagapyii takle. Krosh teipiinii lui hangna gotei pum hangninii kikii jum njapyii takle; sateichii ahnyiigo Saraa dakii pang nlaigong pyii takle.

ROMMEI 15:17

Teipiinii Krista Jisu dato Saraa jangpii Inii tha tiikajyii kaang jangpii Inii det tiitang karam leile.

HEBRUMEI 3:2

Saraa kilungto Mosesnii malum kabui tha tiikatu takumpii ai tha tiimatu tang karam jangpii mpougo kalai kapyii, Saraa sam tei swisii leile.

HEBRUMEI 2:16

Kadapokii kasangpii mpounii sating gamluigo tiiha makle, nlenii mpounii Abraham taa nahmeigo tiihale.

HEBRUMEI 3:1

Teijangpii Saraanii lat kalu, kamatei gukangsanamei, nyiinii tam mpatsii kalei kamalum mah kanat kajum tingdipii tiimatu tang karam jangpii Saraanii lang m-mang kapyii Jisu gotei maninglo.

HEBRUMEI 4:15

Kadapokii nyii- mah tang kasu kasui hang go lungsyii pei kalak kanat kajum tingdipii tei nyiinii bam makle, nlenii nyii takumpii mahlyiihang kito nyiigo takumpii hem katu doukalei, nlenii kem kaga, kanat kajum tingdipii tei nyiimah leile.

HEBRUMEI 5:1

Kadapokii meihang kak kito kalai kalu kanat kajum tingdimei hang teinii Saraa nga kanga kito meihang tung tiisii pyiikatoi ninado kem hang jangpii karat matu tang karam jangpii bam kaipyiibamle.

HEBRUMEI 5:2

Mpou godo kasui teinii bang maguisii kalei taiswisii tikasu ngoukasumei ninado tiikama meigo lung manoisii mpounii kaswiwo buile;

HEBRUMEI 5:5

Teitakumpii Kristaniido kanat kajum Tingdimei hangninii tiitang karam jangpii mpou roinapii mpougo poisagoi makle, nlenii mpou dakii, “Nang gunah sapfii mpoule, tingnei leimik Inii n-go manaapyii takle” sii katam mpouniile.

HEBRUMEI 5:10

Sateichii Melkizedek taito adoidoi tiisii lung kadoihum kalei taiswisii, “Saraanii mpougo kanat kajum atingmei hangniniile katupii saa mpat takle.”

HEBRUMEI 6:20

Nyiihang tung tiisii Jisunii nyiidoi reisii teiki tei tat tutakle, sateichii Melkizedek taito adoidoi tiisii lung kadoihum kalei taiswisii kalui kaga kanat kajum Tingditupii hangninii tiiwo takle.

HEBRUMEI 8:1

Nyiinii tam kalei sam aikito kaang hangteinii aile: sating gam pumtei kava kadi mah sagongbam mah ajiilapangto kabam,

HEBRUMEI 8:3

Kadapokii kanat kajum tingdi- mei hang gotei kapyii ninado kouring karat matu tang karam jangpii bam kaipyii bamle; teijangpii kanat kajum tingdipii ainiido mah pyiitoi tang karam tei bam tang karamle.

HEBRUMEI 9:11

Nlenii Kristanii aikito kabam mah kabi hang mah kanat kajum tingdipii hangninii tiisii gongpyii takle. Mpounii nga ngakalei dwipei ki ai dibwile sateichii kisii sajek gale, ai ainii meinahnii katii dwipeiki makle, katunii ainii sazyii pouryii baichem aimah makle.

HEBRUMEI 10:21

Saraamah ki phyiiryiito koipyii tang karam kanat kajum atingmei kadi hangninii nyiinii doutakle.