HEBRUMEI 2:14 - KARANU KABI SAMTAM

¹⁴ Mpounii lat kalei nahmei hangtei pum zai kapungmei katu taiswisii, Jisunii ahnyii mah njoi tei poi wotakle, sateichii nunuto kalei meinah mah jaitalui tei Jisunii dou njoi takle. Mpoumah katai paikito kataimah teimaham kabam, seitan gotei mpounii tiimaga kabui tiisii mpounii ai ai tiile.

HEBRUMEI 2:14 Referans Kwoze

2 TIMOTHI 1:10

Nlenii aitoinii nyiigo kei- kapyiipii Krista Jisunii hum kapyii teipiinii mangoupyii takle, Mpounii katai gotei tii maga aisii kabi rasam paito karing ninado nlaikasu katai kaga tei kava kikii pung gongpyii takle.

ROMMEI 8:3

Kadapokii apum azainii kasui taiswisii ajaitingshangnii tiipei kalak tei Saraanii tiipyii takle: Saraanii mpounah sapfii mpou gotei kem katii pum zai mah jaitalui kito sateichii kem jangpii m-mang pyiisanii pum kito kalei kem gotei tam mashyii aitakle,

KOLOSIMEI 2:15

Apum katii ninado teimaham hang krosh gamto ahnyii phyiiryiito Judiwosii mpounii madulapii ahnyiigo mangou pyiitakle.

JONNII KARYII KABI RASAM JUKAMATI 1:14

Samtam teinii pumzai ndat totakle, sateichii jumage kapyii ninado kasang teipii tokryiisii nyiikak kito lungle, Pfii mah nah sapfiimei hangniniisang hangninii roinii tiisii kalei pumtei kava takumpii nyiinii mpoumah pumtei kava tei ngoutakle.

HEBRUMEI 9:15

Teijangpii Saraanii lat kalumeihang teinii riishii tiikabam kalui kaga satoi hangtei doumatu tang karam jangpiinii sat tang karam karanu samtam kak kiteito kamajung tha tiisii kalei ai Kristale, sazyii pouryiimei hangnii sat tang karam karei samtam kangto tiikabam kama kito matapii laat mpat kapyii taikapyii hangninii kalei taiswisii ai ai tiiwo buile.

1 KORENMEI 15:50

Inii gonyii dakii ai ai tam leile; kangsanamei: kangzai rou pungsii Saraamah sating sazyii kitei liitpeiwo lakle, sateichii gatu kabui teipiinii gatu kalaktei doupei wolakle.

MATIMANGOU KAPYII 1:18

sateichii karing teile. Inii taitakle nlenii julo, aitoinii Inii kalui gasii ring takle sateichii kataimei ninado kataimei- mah sazyii pouryii chabyii tei guda leile.

ROMMEI 14:9

Kadaponii Kristanii katai ninado karing hangna mah Bangpii tiitang karam jangpii, aikaang kito mpounii taido taipyii takle, sateichii ringdo ringkhiipyii takle.

HEBRUMEI 2:18

Kadapokii mpou pum sekpiinii kahem ninado kamage kalak leh katu doukalu jangpii kahemnii hem kalei meigo mpounii tiiha wobuile.

MATIMANGOU KAPYII 2:10

Gonyiinii doutang karam kamage kalak gotei hingsulo. Julo, gonyiigo jai jutang karam jangpii seitannii gonyii kangkagonii kabang kikii toikai tangle, sateichii gonyiinii leimik kearii kamage kalak tei doutangle. Gonyiinii katai katang tei malum kabuimei tiilo, sateichii Inii gonyii dakii karingmah phyiihung tei pyiitangle.

HEBRUMEI 4:15

Kadapokii nyii- mah tang kasu kasui hang go lungsyii pei kalak kanat kajum tingdipii tei nyiinii bam makle, nlenii nyii takumpii mahlyiihang kito nyiigo takumpii hem katu doukalei, nlenii kem kaga, kanat kajum tingdipii tei nyiimah leile.

GALATIMEI 4:4

Nlenii kadou tinglang tei kagong kak, Saraanii mpounah sapfii mpougo lang m-mangpyiile. Mpounii meinah sapfii mpou hangninii tiisii gongle, sateichii Jehudimei mah ajaiting- shang kangto lungle,

JONNII KARYII KABI RASAM JUKAMATI 12:24

Kasang kasangpii Inii gonyii dakii tam leile, Gihuti hangninii ai sazyii takmangsanii tai kasutanii, tei tei mpouroinapii teitiisii leihumle, nlenii tei tei tai aileponii, ti hangka matile.

MATIMANGOU KAPYII 20:2

Sateichii ahnii mwigatpwi, peipao sanhii katunii, sara kashyii mak-kii seitan, gotei jum wosii, tingkum tangkii jangpii ahgo rengpeinei sanii,

MATIMANGOU KAPYII 12:9

Ndou peipaomei mah sanhii, mwigatpwi sii kalat sara kashyii ninado seitan–- kasang kasupii chuisii kahem ah gotei sazyii pouryiikii toi m-mang aitakle, sateichii ahmah sating gamlui hangtei ahgo kaswisii toi m-mang aitakle.

1 TIMOTHI 3:16

Nyiimah dormomah kamakum kathok sam ai kada- ziikapii dipo katu ai meikaniido mazhii kasu tei tiiwo lakle: Mpounii meinah mah pumzai pungsii gong pyiile, kasangle katu tei rangiinii mangoule sateichii sating gamlui hangnii ngoule, mpou go luihang dakii tam ralipyii takle, sateichii sazyii pouryii bamlyii hang kito malum wotakle, sateichii pumtei kava kito sating gam pangkhiitu takle.

METIU 25:41

“Teito mpounii mpou-bah abilam pangto kalei hang dateikii tam tangle, ‘He Saraa sheeng doukalumei, gonyii gudato tat mpasii seitan ninado mpou mah sating gamlui hang jangpii tiida kabam kalui kaga mibam kitei tat tulo;

METIU 16:17

Teito Jisunii mpougo kheka- latle, “Simon Bar Jonah, nang sadoi bile!” “Kadapokii sating gamto kalei gu pfiinii supiinii, pum zainii ai godakii mati mangou kapyii tei makle.

1 KORENMEI 1:28

Sateichii sazyii pouryiito rou katiilesii kaleihang gotei samah kado kasu tiimatu tang karam jangpii sazyii pouryiimah kasana ka-nkang meinii maning kamala gotei sateichii sazyii pouryiito kaga mahlyii hang gotei Saraanii kalai wotakle.

HEBRUMEI 2:17

Teijangpii mpounii meimah kem tiimagapyii tang karam jangpii Saraa tha katii kito lungsyii kati ninado malum kabui kanat kajum tingdipii tiitang karam jangpii, mpounii mpou kangsanameigo mahlyii hang kito njoi tang karam takle.

HEBRUMEI 10:5

Teijangpii mpounii sazyii pouryii kagong kak tamle, “Kakarat ninado pyiikatoi hangtei nangnii marei sutakle, nlenii nangnii gujangpii pumrong hangninii tiikadapyii bamtakle,

HEBRUMEI 10:10

Meihang jangpii binii Jisu Kristamah pumrong pyii katoi teimah kamaning kamazhii pai- kito nyiihang go tiimateipyii takle.

1 PITAR 1:20

Sazyii pouryii tii mpat kasunato Saraanii mpougo kalaiwo takle, nlenii kalui tinglang kinii gonyii jangpii mangoupyiile.