HEBRUMEI 2:11 - KARANU KABI SAMTAM

¹¹ Kadapokii tiimatei kapyii ahdo, tiimateipyii kalei ahnyiihangdo Pfii hangninii datole. Teijangpii Jisunii ahnyiigo mpou kangsanameile sii lat katu nroumakle,

HEBRUMEI 2:11 Referans Kwoze

HEBRUMEI 10:14

Kadapokii mpounii binii pyiikatoi teipii tiimatei kaleimei hang go kalui kaga jangpiinii sajek kaga tei tiipyii takle.

HEBRUMEI 10:10

Meihang jangpii binii Jisu Kristamah pumrong pyii katoi teimah kamaning kamazhii pai- kito nyiihang go tiimateipyii takle.

JONNII KARYII KABI RASAM JUKAMATI 20:17

Jisunii mpoupei dakii tamle, “N-gu deng sulo, kadapokii Inii gu pfii bamki pi womakle rei, nlenii gukangsanamei hangda mangsanii ahnyii dakii tampyiilo, Inii gu pfiido gonyiipfiido, gu Saraado gonyii Saraado tiisii kalei Ah bam kitei pitune leitakle.”

HEBRUMEI 13:12

Mpoumah zai sekpiinii meinahgo kem kito tiimatei pyii tang karam jangpii Jisuniido namdimah sabato taipyii takle.

ROMMEI 8:29

Kadaponii mpounii reipii juti kalumeigo mpou nah sapfii mpou- mah jaitalui gotei njoi matu tang karam jangpii ndouto reipii tiikada aitakle. Nah sapfii mpou teinii kangsanamei hang kak kito manaa karei tei tiimatu tang karam jangpiile.

JONNII KARYII KABI RASAM JUKAMATI 17:19

Ahnyiihang godo kasang teipiinii tiimateipyii ma- tutang karam jangpii, ahnyii jangpii Inii guroinapii n-gu pyiitoi leile.

JONNII KARYII KABI RASAM JUKAMATI 17:21

ahnyii hang ai hangninii tiimatu tang karam jangpii Inii riita leile; nangnii n-gu lang magongle katu sazyii pouryiinii malum matu- tang karam jangpii, he Pfii-o, nangnii gudato sateichii Inii godato kalei takumpiinii, ahnyiinii nyii dato leimatu tang karam jangpii Inii riita leile.

METIU 25:40

Sateichii Sagong teinii ahnyiigo khekalat tangle, ‘Inii gonyii dakii kasangpii tam leile, gukang sanamei kacheng chengsang hangninii dakii gonyiinii tiikapyii tatei gonyiinii gudakii tiipyii bamle.’

HEBRUMEI 2:14

Mpounii lat kalei nahmei hangtei pum zai kapungmei katu taiswisii, Jisunii ahnyii mah njoi tei poi wotakle, sateichii nunuto kalei meinah mah jaitalui tei Jisunii dou njoi takle. Mpoumah katai paikito kataimah teimaham kabam, seitan gotei mpounii tiimaga kabui tiisii mpounii ai ai tiile.

GALATIMEI 4:4

Nlenii kadou tinglang tei kagong kak, Saraanii mpounah sapfii mpougo lang m-mangpyiile. Mpounii meinah sapfii mpou hangninii tiisii gongle, sateichii Jehudimei mah ajaiting- shang kangto lungle,

TIILAMLWI KAPYIIMEI THA JUKAMATI 17:26

Sateichii mei hangninii gamto mpounii sazyii pouryii lui hang go tiipyii takle sateichii ahnyiigo sazyii pouryii bamlyii hangki lung matu takle; sateichii mpounii ahnyii mah tingkum tinglang ninado lung tang karam ating-azyii hangtei arei ret- pyiibam takle,

HEBRUMEI 11:16

Nlenii kisii bikaki sazyii katunii, sating gam mah ki hangninii, ai ahnyiinii dounyiiwo takle. Teijang- piinii ahnyiimah Saraale sii lat tang karam ai Saraanii nroumakle, kada- pokii mpounii ahnyii jangpii namdi hangninii tiikadapyii bamtakle.

MARK 8:38

Kadapokii mei-nou mainahgo kachyii ninado kakui kama ai-haki aito kalei mei kata kangkanii gujangpii ninado gusam jangpii n-rou lepochiinii ah dato meinah sapfii mpou teinado n-rou tangle, mpounii kamatei sating gamlui hang go kaswisii Pfii mah pumtei kava kito kagong kak tei.

METIU 28:10

Teito Jisunii mpoupeina dakii tamle, “Hingsulo, tat tulo, gukang sanameigo Galiliki tat tulosii tampyiilo, teito ahnyiinii n-gu ngoutangle.”

TIILAMLWI KAPYIIMEI THA JUKAMATI 17:28

Kadapokii ‘mpou dato nyiimah karing, ka-nlai ninado kalung ai dousii bamle.’ Gonyii kak kito sampok kapokmei kangkanii tam kabam takumpiinii, ‘kadapochiinii nyii ai kasangpiinii mpounah mpoutaa meile.’

LUKNII KARYII KABI RASAM JUKAMATI 9:26

Kadapochii gujangpii sateichii gusamtam hang jangpii mei kata kangkanii nrou leponii, meinah sapfii mpou teinii mpou doito nrou- tangle–mpoumah pumtei kava kito sateichii sating gamlui mah pumtei kava kito mpounii kagong kak.

MARK 3:34

Mpou ku kabam meigo tei ju maguisii mpounii tamle, “Julo, aiki kalei meihang ai gu pwile ninado gusanameile.

HEBRUMEI 3:1

Teijangpii Saraanii lat kalu, kamatei gukangsanamei, nyiinii tam mpatsii kalei kamalum mah kanat kajum tingdipii tiimatu tang karam jangpii Saraanii lang m-mang kapyii Jisu gotei maninglo.