HEBRUMEI 13:9 - KARANU KABI SAMTAM

⁹ Kataam ninado katwum katwum ralikapyii hang teipiinii gonyiigo kasang pwidi kiteito chyiisii tat matu sulo; chiitak mah ajaitingshang go swikatu teisupiinii, Saraamah jumage kapyii kiteito alungmah teimaham doukatu ai bile, Aihang aigo swikalumei hang gotei tei teipiinii kabi tei pyiimakle.

HEBRUMEI 13:9 Referans Kwoze

IPISAMEI 4:14

Teitii leponii nyiinii meinahnii poi ka-mpat chem katham kathampii meigo kama kikii tiikai tang karam jangpii ralikapyii dwi n-nok kapat sateichii tingkainii lulam lulamkii gwipungsii katat nahmei takumloi lakle.

IPISAMEI 5:6

Kapang kamang sam hangteipii gonyiigo meikaniido chuisii tamsii hem maluwo sulo; kadapokii katam swikasumei hang phyiiryii Saraa mah rakarhii gongliit tang karam teinii ai kakum hang jangpii sekle.

ROMMEI 14:6

Leimikgo ryii kaleimei teinii Bangpii jangpii tiiziile, kadaponii mpounii Saraago hakalang pyii kalei taiswisii sateichii chiikasupii teinii Bangpii jangpii chiisupii Saraago hakalang pyiile.

1 JON 4:1

Lungkasyiimei, rangii hang go malum sulo, nlenii rangii hangtei Saraa datopo katu ai ajaijulo; kada- pokii kasang kasu lungkakalingmei hangkii sazyii pouryii lung tatpat takle.

TIILAMLWI KAPYIIMEI THA JUKAMATI 20:30

Sateichii gonyii kak ki sek aito ahnyiitai switang karam jangpii boumeigo chyii mpat tang karam jangpii tiikarampou sam katam sapfiimei pat tangle.

JUD DATO KAGONG CHITI JUKAMATI 1:12

Aihang ainii gonyiimah lungkasyii takbai hang kito gonyiigo kaswisii chii njoi sak njoi kalei kamakum kuitu kadile, kahing gasii ahnyii roinapii ahnyiigo makot kalei meile, tingkainii gwi- pungsii katat dwi haikasu mongram takumle, ti mati kasu ruibang, tainakii taikalei, maa pai mpat kalei, sateidou mah ruibang takumle.

1 TIMOTHI 6:20

He Timothi, tiilosii godakii pyii kabam tei ryii wolo, mei kangkanii “Swirek kati” lesii lat kalei kiteito kapat Saraa haikasu sam katam kamalhii hang kito sateichii kaka- daksam kazyiisii kalei hang kiteito mpaa wolo.

JUD DATO KAGONG CHITI JUKAMATI 1:3

Lungkasyiimei, kamalum mei- hangnii dousii kalei Kristenmei mah kamalum, keikapyii karingmah kaang kito gonyii dakii Inii chiti ryiinesii tiidasii leile. Nlenii Saraanii mpoumah meihang dakii pyii kabam gakalak kamalum jangpii saryii tiimatu tang karam jangpii gonyiigo lung tiimadi tang karam jangpii ryiisu kashyii ai aitoisekkii Inii kadou takle.

2 THESOLONIKAMEI 2:17

sateichii kabi tha ninado samtam hang kito tiimashangpyii matulo.

METIU 24:24

Kadapokii kasang kasu Krista ninado kasang kasu Lungkakalingmei gong tangle; satei- chii mazhii leponii Saraanii kalai kalumeigo katangdo hemsii kama pwidi kikii chyiitat tang karam jangpii mei tiikalak tiikamangou siiti kadi hang sateichii sung kaga hang tiimangou tangle.

METIU 24:4

Jisunii ahnyiigo khekalatle, mei kaniido gonyiigo chyiitatma matu kasu tiisii sakai wolo.

KOLOSIMEI 2:4

Mei kaniido gonyiigo kasang kasu sam hang teipii choisii hem matu lak tang karam jangpii Inii ai ai tam leile.

2 KORENMEI 1:21

Gonyiigo njasii nyiigo tiikapyii ninado nyiimah tiilung ai Kristago hangninii tiisii nja katu kito tiisangting kapyii tei Saraa ah sekle, nyiigo poi mpat tham kapyii tei Saraa ah sekle;

1 KORENMEI 8:8

Nlenii chiitak teinii nyiigo Saraa dakii chyiigong manangpyii makle, nyiinii chiimak kido kisii shyiibui tang makle, sateichii chii kido kisii bibwi tang makle.

ROMMEI 14:17

Kadaponii Saraa mah sating sazyii teinii kachii kasak tei makle, nlenii rangii kamatei kito kasang kamajyii, kamajung sateichii ka-nta teile;

ROMMEI 14:2

Kamalum kito kasui mei teinii sagei hiinhii roinii chii kalei kak, mah kata kara hang chii katu mazhiile katumei hangninii mah kamalum tei leile.

TIILAMLWI KAPYIIMEI THA JUKAMATI 20:32

“Sateichii aitoinii Inii gonyiigo Saraa dakii ninado mpou mah jumage kapyii mah samtam kikii pyiitoi leile; samtam aipiinii gonyiigo tiikamakhii ninado tiimatei kaleimei ahnyii hang kak kito dou kamajyii tei gonyii dakii pyii wobuile.

2 THESOLONIKAMEI 2:2

katunii, rangii kado, samtam piinii kado, nyiinii karyiigo njoi chiti piinii kado, Bangpiimah leimik aitoi gongtakle katu teipii gonyiimah kamaning lungswi kito kalangsii tiirampou matu sulo, mak-kii lung tiimatai matu sulo.

1 KORENMEI 6:13

Mei kangkanii tam tangle, “Chiitak ainii moi jangpiile, sateichii moi ainii chiitak jangpiile.” Nle kasangle, nlenii hangna gotei Saraanii tiimaga tangle. Apum ainii sapwimei sapfiimei kashyii kahong tha tiitang karam jangpiinii makle, nlenii Bang- piigo nga ngatang karam jangpiile; sateichii Bangpiinii pumpot jangpii pyiichiile.

GALATIMEI 6:1

Kangsanamei, kem kamaki takliit kaleimei hangniniigo jum woleponii, rangii lamto kalei, gonyii- nii ahgo tiimajyiipyii tang karamle. Nlenii teitei gonyiinii sotniimakpii tiitang karamle, sateichii n-godo hemwo kasu tiisii, goroinapii n-go julo.

LUKNII KARYII KABI RASAM JUKAMATI 5:38

Nlenii jou kasatai tei bung kasatai kikii ruikai leile.