HEBRUMEI 13:7 - KARANU KABI SAMTAM

⁷ Gonyiimah doimajang katatmei, gonyii dakii Saraa samtam tam kapyiimei hang gotei maning gonglo, sateichii ahnyiimah tiilung kito pat kalei tei maninglo, sateichii ahnyii- mah kamalum mah ajai-gok tei rali wolo.

HEBRUMEI 13:7 Referans Kwoze

HEBRUMEI 13:17

Gonyiimah doimajang katatmei sam swilo, sateichii ahnyii kang nkanglo, kadapokii gonyiinii tha tiikabam mah azhii mashak kabam tei ahnyiinii Saraa dakii pyiitang karam taiswisii, ahnyiinii ntasupii gonyiimah rakot hang go jupyiisii leile. Ahnyiinii katam tei gonyiinii swileponii, ahnyiinii ahnyii tha tei nta ntasii tiitangle, teisu dinchii ahnyiinii lung magesii tiitangle, sateichii tei teinii gonyii jangpii kabi tei gatangle.

PILIPIMEI 3:17

Gu kangsanamei, gonyii hang- nii gu jai karalimei tiipyiilo, sateichii nyiinii gonyii jangpii tiikamangou teitakumpii katat ahnyiigo tiigatpii julo.

HEBRUMEI 6:12

gonyii hangnii kalui katang maning malum katu tiigatpii lung leh kati katang tei lungliit katu tei katang gonyiinii tiikamangou nyiinii mareile.

1 THESOLONIKAMEI 1:6

Sateichii nyiinii rangii kamatei mah ka-nta tei njasii kamage kalak kadaziikii kito samtam tei douwosii, nyiimah ninado Bangpiimah jaika- tiimei tiitakle.

TIILAMLWI KAPYIIMEI THA JUKAMATI 14:23

Sateichii ahnyiinii malot karyii ninado kariita njasii Charsh hang kito ahnyii jangpii katingmei hang kalai mpatpyii kaleitai, ahnyiinii kamalum Bangpii dakii ahnyiinii ahnyiigo pyii aitakle.

METIU 24:45

“Teitiileponii malum kabui ninado kasakai kikaleimei ai tapo? Mpou ai tinglang tinglangki ahnyiigo kachii kasak pyii matutang karam jangpii mpoumah apumpiinii ki kalung mah julosii tung kaikabampii teile.

1 TIMOTHI 3:5

Kadapokii mei hangni- nanii mpouki kalung mpung go kada takumpiinii jutangpo katu tei tisu leponii, mpounii Saraamah Charshgo kada takumpiinii jutangpo?

HEBRUMEI 13:24

Gonyiinii doimajang katatmei hang go sateichii kamateimei hang go nyii mah salam tei pyiiseilo.

1 THESOLONIKAMEI 2:13

Sateichii kaang aijangpii tak- supiinii Saraago halangle, katunii gonyiinii nyii dato shiikalu Saraamah samtam tei dou wosek-kii, meinah mah samtam tei supii, gonyii kamalum mei kak kito tha tiipyiisii kalei Saraa samlesii gonyiinii lukai wotakle, teitei Saraa samtam ka- sangle.

1 KORENMEI 4:16

Teijangpii Inii gonyiigo khangleile, gonyiinii gumah jairali taiswilo.

ROMMEI 10:17

Teipiinii kamalum tei shiiwo kalu kito gongle, sateichii shiiwo kalu tei Krista mah tam rali kapyii kito gongle.

TIILAMLWI KAPYIIMEI THA JUKAMATI 4:31

Sateichii ahnyiinii riita ka- leitai, ahnyiinii ndwisii kalei bamtei nlai takle sateichii ahnyiihang tei rangii kamateipii tokryiisanii, kahing gasii Sara sam tam mpat takle.

MATIMANGOU KAPYII 6:9

Sateichii ahnii mangii kashang seal tei kalaat tinglang kak, Saraamah samtam jangpii sateichii ahnyiinii pyiikalei sakchyii tei jangpii gikalei ahnyiimah rakot hangtei pyiikatoibam kang teikii Inii ngoutakle;

MATIMANGOU KAPYII 20:4

Sateichii sagongbam hangtei Inii ngoutakle, sateichii teigamto bam kaleimeihang dateikii samtak katii- mah teimaham tei pyiitakle. Satei- chii Jisumah sakchyii kapung jangpii sateichii Saraamah samkang jang- piinii phyiibaatoi kaleimei hangmah, ninado saramkownahgo mak-kii ahmah tingtu paramgo mata kasu ninado ahnyiimah seiphang gamkii mak-kii bah gamkii siiti tei doukasu ahnyiimah rakot hang gotei Inii ngoutakle; sateichii ahnyiinii ring- khiisanii, Kristago kaswisii tingkum tangkii magong takle.

MATIMANGOU KAPYII 1:9

Gonyii sanapii ninado Jisutai kaswimei hangninii tiisii gonyiigo kaswisii kamage kalak, ninado sagong sating sazyii ninado lung leh kati mah njai dou njoisii kalei Jon Inii Saraamah samtam ninado Jisunii kamati kamangou tei saa ka-mpat jangpii Patmos-sii kalat dwipii maguisii kalei sazyii kiteikii n-gu kai aitakle.

2 THESOLONIKAMEI 3:9

kadapokii nyiimah majyii kaga jangpii makle, nlenii gonyiinii nyiijai rali matutang karam jangpii, nyiimah jairali kito gonyiigo nda tiisii tiima- ngou tang karam jangpiile.

1 KORENMEI 11:1

Inii Krista jai karali takumpii, gonyiiniido gujai karalimei tiilo.

LUKNII KARYII KABI RASAM JUKAMATI 12:42

Teito Bangpiinii tamle, “Teitii lepochiinii tapii tei malum kabui ninado kasakai ki kaleipiipo? Teiteinii ki apumpiinii kalung mah sanglosii mei hangniniigo kaibam taklepokii mpounii kikaleimei kaki- mei hang go tinglang tiisii kachii kasak jaipyiisii kabampii teile.

LUKNII KARYII KABI RASAM JUKAMATI 8:11

“Ndasam tiisii tam kalei sam teinii aile: Lwirou teinii Saraa mah samtam teile.

2 THESOLONIKAMEI 3:7

Kadapokii kada takumpii gonyiinii nyii jai rali tangpo katu tei gonyii sekpiinii tile; kadapokii nyiinii gonyiigo kaswisii kalei kak nyiinii mahatshyii makle.

1 KORENMEI 10:13

meinahnii lehwo kabui doito kisii kahemnii jum makle, nlenii Saraanii malum kabwi teile, gonyiinii ngam wokabui doito kisii gonyiigo mpounii hem matulakle; nlenii gonyiinii lehwo kabui jangpii kahem gotei kaswisii nlek tang karam pwidido mpounii pyiitangle.

TIILAMLWI KAPYIIMEI THA JUKAMATI 13:46

Teito Pol nei Barnabasnii lungdisii tamle, gonyii dakii Saraa mah kabi rasam ai tamrei tang karamle. Nlenii teitei gonyiinii gonyii dato kataitoisii kalui kaga karing doutang karam ai doumajyii maklesii gonyii roinapiinii maning kalu jangteipii, julo, nyiinii lui kakimeida tat tutakle.

LUKNII KARYII KABI RASAM JUKAMATI 5:1

Sateichii meihangnii mpougo bam maguisii Saraa mah samtam gotei khoikingsii kalei kak, mpounii Genesaret Dwijai sum satle.

1 PITAR 4:11

Tam ralipyiisii kaleimei teinii Saraamah samtam takumpii tam ralipyii tang karamle; nga ngasii kaleimei teinii ahgo Saraanii pyiisii kalei teimaham teipiinii nga ngatang karamle, dapokii teipiinii mahlyii hang kito Saraago Jisu Krista zei kito tam matoi tang karam jangpiile. Mpou dato kalui kaga pumtei kava ninado teimaham tei leile, Amen.