HEBRUMEI 13:5 - KARANU KABI SAMTAM

⁵ Gonyiimah tiilung tei sanah marei matusulo, gonyiinii gonyiimah kabam teipii lung kashaat tei dou- matulo; kadapokii Saraanii tamle, “Inii n-go mpatsang mpat lakle sateichii Inii n-go toisang toipyii lakle.”

HEBRUMEI 13:5 Referans Kwoze

METIU 6:25

Teijangpiinii Inii gonyii dakii tamleile, gonyiinii ringtang karam jangpii kadapei chiitang, kadapei saktang sateichii gonyii mah pumpot jangpii kadapei kaitangposii lung- naang sulo. Karing ainii kachii kasak sung maitingki makpo? Sateichii pumpot ainii peimani sung kisii maitingki makpo?

METIU 6:34

Teijangpii supounei jangpii lungnaang sulo, kadapokii supounei tei ah-jangpiinii lungnang tang karam hangkii leitangle. Tingneikii mah mage teiroinii teipiinii teileimik mah tei bui matulo.

KOLOSIMEI 3:5

Teijangpii gonyii lungto sazyii pouryiimah kamaning kamarei tha tiisii kalei, katunii, sapwimei sapfiimei kashyii kahong tha katii, matei kasu, matei kasu marai majang katii, kashyii go kamarai sateichii lukanyii (ai tingtugo kamaning mahjai hangniniile) gotei tiitat ailo.

LUKNII KARYII KABI RASAM JUKAMATI 3:14

Sateichii Saryii katiimei teiniido mpou dato n-nhiile, “Nyiinii kada dapei tiitangpo?” teito mpounii ahnyii dakii tamle, “Mei mah kado satui sajyii tiisii poisulo, meigo kado kama kikii lwikai sulo, sateichii gonyii mah magemai teipii biwo kabui tiilo.”

2 PITAR 2:14

Ahnyiinii meinou meinahgo ma- shung maha kanyiimah mikjot teipii tokryiile, sateichii mik tei kem kito shaatsang shaat makle. Ahnyiinii kasui rangiigo mphee kikii chyiikaile, ahnyii lung tei lukanyii teinii apum tiiwo takle; ahnyii teinii Saraanii sheeng kalei nahmei teile.

1 TIMOTHI 3:3

ahnii jou kapanhii, mak-kii n-girazyii tiikasu, nlenii kamanoi kamajung sa- teichii sanahgo marei kasumei tang karamle.

IPISAMEI 5:5

Gonyiinii ai tigat tolo, katunii kashyii kahong tha katiimei, matei kasu, mak-kii lukanyii... (kadapokii lukanyii ai tingtugo kariita hang- niniile) mei teinii Saraamah ninado Kristamah sagong sazyii kiteito njai dousang doulakle.

2 PITAR 2:3

Ahnyiimah lukanyii kito kasang kasu ralikapyii meinii kasang kasu kanat kanhii hang tei gonyii dakii tamsii gonyii phyiiryiito liipat tei fiitangle. Ndoukato ahnyiimah sam- tam tiitang karam tei tiikadabam takle sateichii ahnyiigo tiimaga tang karampii Saraa teinii zyiisii bam makle!

IPISAMEI 5:3

Gonyii ai Saraago kamalum mei katu taiswisii, sapwimei sapfiimei mah kashyii kahong tha katii, mak-kii matei kasu, mak-kii lukanyii mah samlat katangdo tamlak tang karamle.

1 KORENMEI 5:11

Nlenii Inii gonyii dakii ryii kapyii teinii Krista zei kito kangsanapii lesii lat kaleimei kata kangkanii; kashyii kahong tha tiisii, mak-kii kadi chii nyiisii, mak-kii ting tugo matasii, meigo satui sadzyii tiisii, jou sak panhiisii mak-kii ragasii lei le leponii, tei kakum mei gotei kajasulo katu roi- supii mah kachii katangpii kaswisii chii sulo siile.

LUKNII KARYII KABI RASAM JUKAMATI 8:14

Sateichii tiirat kak tak kaliit lwirou teinii, ahnyiinii shiiwo takpokii, Sazyii pouryii mah swi kito pusii naangsii sateikii kani kahii, sateikii kasamou aihang aipii moijusii ahnyiigo ghiitmai aitakle, sateichii ahnyii mah riiti teinii mwisang mwi leimakle.

MARK 7:22

mei-nou meinah-go kachyii, lukanyii, kashyii tha hang, meigo satui sadzyii katii, matei kasu, meigo ngoukarou, mikjot kashyii, tam kamashyii, detkatii, swi kaga,

JUD DATO KAGONG CHITI JUKAMATI 1:11

Ahnyii jangpiinii kadaziikapii kamagepo! Kadapokii Ken mah pwidi tei ahnyiinii swiwo takle, sana jangpii Balam mah kama kiteikii ahnyii roinapii ahnyiigo pyii aitakle, Koranii rangkapa takumpii ahnyiinii rangpale sateichii Kora takumpii ahnyiigo tiimaga aitakle.

1 KORENMEI 6:10

mak-kii karaga, mak-kii lukanyii, mak-kii kapanhii, mak-kii meisam tam kamashyii, mak-kii karagamei, ahnyii teinii Saraamah sating sazyii doulakle.

ROMMEI 1:29

Ahnyii teinii kashyii kahong, ajaitingshang kashyii, lukanyii, kamaimhii, kama- lung piinii katokryii, meigo kagi, n-girazyiipii, kachuipii, kakaloupii, kasampeipii.

METIU 6:19

“Kharak ninado dwihetnii tiikamaga sateichii karagameinii ki ramsii karaga sazyii aikikii gonyii jangpii kani kahii tei poi nkom sulo;

2 KORENMEI 4:9

nyiigo ngou karoumei hangkii leile, nlenii nyiinii kang gasii toumakle; sateichii tinglang daziikii kito nyiigo deng mashyii ai kido, nyiigo tiimaga aimakle.