HEBRUMEI 13:3 - KARANU KABI SAMTAM

³ Kabang kilungto kalei ahnyiigo gonyiinii kaswisii bang kabam tiisii kalei takumpiinii maning gonglo; ahnyii takumpii gonyiiniido kamage kalak pung leile katupii, kamage kalak pungsii kalei ahnyiigo maning gonglo.

HEBRUMEI 13:3 Referans Kwoze

METIU 25:36

Inii peimani kaga tinglang kak, gonyiinii n-gu peimani pyiile, Inii rakani tinglang kak, gonyiinii n-gu makot pyiile, Inii kabang kilungto kalei tinglang kak, gonyiinii guda gong pyiile.’

HEBRUMEI 10:34

Kabangki kabam meimah kamage kalak njai tei gonyiinii dou njoi takle, sateichii gonyiimah mahbam hangtei soukalu tinglang kak, gonyiimah maga kalei tei gonyiinii nta ntasii leh wotakle, dapodinchii kalui tiisupiinii bam tang karam kisii bikaki tei doutakle katu gonyiinii tile.

ROMMEI 12:15

Ranga kaleimeigo kaswisii rangalo; hat kaleimeigo kaswisii hatlo,

1 KORENMEI 12:26

Sateichii pum mah njai hangninanii kalak kanhii pung leponii, pum njai kaki kaki hangdo kalak kanhii tei pung njoile, sateichii pum mah njai hangniniigo sadzyii ngariit tiileponii, kalei kaganii nta njoile.

KOLOSIMEI 4:18

Pol, Inii salam ai gubah sekpiinii ryiileile, maning seilo n-gu peinai kabam! Saraamah jumage kapyii tei gonyiigo kaswi pyii matulo.

1 PITAR 3:8

Kalui kito, kamaning lungswi hangninii, ti njoi katu, lung kamanoi, lungkasyii, sateichii detdi kasu lung- swi tei gonyii hang leilo.

METIU 25:43

Inii siisangmei hangninii tiisii kalei tinglang kak, gonyiinii n-gu lukaipyii makle, peimani kaga tinglang kak, gonyiinii n-gu peimani pyii makle, ra kani ninado kabang kilungto kalei tinglang kak, gonyiinii guda gongpyii makle.’

TIILAMLWI KAPYIIMEI THA JUKAMATI 24:23

Mpounii mwija pyiisanii koikalei kadipii dakii Pol gotei koi mbilosii tam takle. Nlenii mpougo mpou rangra katii sateichii mpou kangmeinii mpougo nga ngakajyii kito nam matu sulosii tam takle.

IPISAMEI 4:1

Teijangpii gonyiigo lat kalu kiteito tiigatpii matwisii lung pyiilosii, Bangpii jangpii kabangki kaleimei hangninii tiisii kalei Inii gonyii dato khangleile.

TIILAMLWI KAPYIIMEI THA JUKAMATI 27:3

Adoipiinei leimik tei nyiinii malyii hoisii Sidon ki gong takle, Juliyanii tiisamoupyii tang karam jangpii mpougo mpat pyiile.

HEBRUMEI 11:37

Ahnyiigo kuitupii rotle, ahnyiigo hangna tiisii rumle, ah- nyiigo saryiikhangpii gile, ahnyiinii Amyiinah mah ninado Jaonah mah tiigyii peimani kaisii tatle, mah kaga, karajam, ninado tiikamashyii tiika- maka tei ahnyiinii doutakle.