HEBRUMEI 13:1 - KARANU KABI SAMTAM

¹ Sung kating taikarhii mah kalungsyii katu tei taksupii leimatulo.

HEBRUMEI 13:1 Referans Kwoze

1 JON 4:20

Mei kata kangkanii, “Inii Saraago lungsyiile” sii tam takpokii, kangsanapiigo ngourou leponii, ahnii kachuimeile. Kadapokii ngoukalu kangsanapiigo lungsyii kasu ah teinii mikpiinii ngoukasu Saraago lung- syiipei wolakle.

1 PITAR 3:8

Kalui kito, kamaning lungswi hangninii, ti njoi katu, lung kamanoi, lungkasyii, sateichii detdi kasu lung- swi tei gonyii hang leilo.

1 PITAR 1:22

Kristamah kakhatsam hang gotei gonyiinii katam swiwo takle, teipiinii gonyiimah kem hangtei magapyii takle, sateichii rangii lamto gonyiinii matei takle. Aipiinii gonyii kangsanameigo mateisii lungsyii matu tang karam tei gonyiigo doumatu wole. Teijangpii gonyii mei hang- ninanii hangniniigo lung matum madumpii lungsyii tang karamle.

2 PITAR 1:7

Gonyiimah Saraa kamaning ki- teikii asanamei takumpii kakukabi, sateichii gonyiimah asanamei ta- kumpii kaku kabi kiteikii lungkasyii tei kai mpam kalu tiilo.

1 PITAR 2:17

Meihang go sadzyii ngariit tiilo, kangsanameigo lungsyiilo, Saraago hinglo sateichii sagong go sadzyii ngariit tiilo.

HEBRUMEI 10:24

Hangninanii hangniniigo tiihasii lungkasyii mangou tang karam ninado kabi tha tiitang karam jangpii, hangninanii hangninii jang- pii maningde.

2 THESOLONIKAMEI 1:3

Kangsanamei, gonyii jangpii tinglang kaleita nyiinii Saraago hakalang tam tang karamle. Ai ai nyiinii tiimajyiile, kadaponii gonyii- mah kamalum tei hangkapii dikhiisii leile sateichii gonyiihang mei hang- ninanii hangniniigo kalungsyii katu tei dibuibuisii leitakle.

1 PITAR 4:8

Mahlyiihang phyii- ryiito gonyii hangninanii hangni- niigo kalungsyii katu kito lung liitlo; kadapokii lungkasyii teipiinii kem hangkii gomtwum pyiile.

GALATIMEI 5:22

Nlenii rangiimah riiti teinii, lungkasyii, ka-nta, kamajung, lung leh kati, lungsyii kati, kabi, maning makhang wokabui,

GALATIMEI 5:13

Kadaponii kangsanamei, Go- nyiigo rangra tiimatu tang karam jangpii Saraanii lat totakle; pum- zainii kamarei ka-ntha tiitang karam jangpii gonyiimah rangra katii tei jum sulo, nlenii lungkasyii kito hang- ninanii hangninii mah anga ngalo.

MATIMANGOU KAPYII 2:4

Nlenii go phyiiryiito mazhii kasu gumah sam ai leile; katunii nangnii gomah kareiki lungkasyii tei rat toi aitakle.

1 JON 3:23

Sateichii ai ai mpoumah kakhatsamle, katunii, mpounah sapfii mpou Jisu Krista zei kito nyiinii malum tang karamle sateichii mpounii nyii dakii kakhat kabam takumpii, hangninanii hangniniigo nyiinii kalungsyii tang karamle.

GALATIMEI 5:6

Kadapokii Krista Jisu dato tiigyii kamalem mak-kii tiigyii malem kasu teipii mah kado tham kaki gale. Nlenii lungkasyii paito tha tiikalei kamalum teile.

JONNII KARYII KABI RASAM JUKAMATI 15:17

Gonyii hangninanii hangniniigo kalungsyii matutang karam jangpii kakhatsam ai Inii gonyii dakii pyii leile.

IPISAMEI 5:2

Sateichii Kristanii nyiigo lungsyii pyiisanii, nyii jangpii mpou- mah pumsekpii pyiitoi tang karam manam kabi pot hangninii tiisii, Saraa dakii karat kapyii takumpii gonyiinii lungkasyii kito tatpyiilo.

IPISAMEI 4:3

Kamajung kito gonyiigo pei ndwi kapyii rangiimah swi njoi katu tei mbam tang karam jangpii lungnhiilo.

TIILAMLWI KAPYIIMEI THA JUKAMATI 4:32

Teito kamalum mei hangtei aswi alung hangninii tiisii bamle, sateichii ahnyii mei hangninii ka- niido mpou mpoumah amah kabam hangtei gumah roinale katu tei tam makle, nlenii ahnyiinii mah kabam hangtei meihang mah tiisii jumle.

TIILAMLWI KAPYIIMEI THA JUKAMATI 2:1

Pentikos piinei leimik tei gongsek-kii, kamalum meihang teinii bam hangninii kito gong nduiwo takle.