HEBRUMEI 12:5 - KARANU KABI SAMTAM

⁵ Sateichii Saraanii gonyiigo mpou nahmei takumpii lung tiikamadi sam katam tei gonyiinii mangai aitakpo? “Gunah, Bangpiinii n-go tiimajyii katu tei malasii poisulo, sateichii mpounii n-go kadwi karat tinglang kak nang lung taisulo.

HEBRUMEI 12:5 Referans Kwoze

MATIMANGOU KAPYII 3:19

Inii lungkasyii hang go duido duile, raatdo raatle, teipiinii lungnhiilo sateichii lung kaliwolo.

1 KORENMEI 11:32

Nlenii Bang- piinii nyiigo samtak tiile sateichii dwisii ratle, daponii nyii aigo sazyii pouryiigo kaswisii kama luikailak tang karam jangpii.

JEMS 1:12

Jaikaju lehsii kaleimei sadoi bile, kadapokii jaikaju kiteito mpounii satto sekchii, mpougo lungkasyii meigo Saraanii pyiitanglesii riishii tiikabam karingmah phyiihung tei mpounii doutangle

HEBRUMEI 12:7

Gonyiinii leh katu tei tiimajyii katu jangpiiniile; Saraanii nah sapfiimei hang dakii tiikalei takumpii gonyii dakii tiisii leile, kadapokii Pfiinii tiimajyii kasu nah sapfiimei ta leipo?

LUKNII KARYII KABI RASAM JUKAMATI 24:6

Mpounii aiki gatakle, nlenii mpounii ringkhii takle. Mpounii Galili kito kalei tinglang kak gonyiigo tam kabam tei maning gonglo.

LUKNII KARYII KABI RASAM JUKAMATI 24:8

Teito ahnyiinii mpou samtam hangtei maning nlaigong takle.

GALATIMEI 6:9

Teijangpiinii kabi tha katii kiteito nyiinii laksude. Kadapokii nyiinii lung nkhii suleponii, nyiinii rachet tang karam tinglang kabi tei gongtangle.

1 TIMOTHI 1:20

Ahnyii kak kito Heninios ninado Alekjendarle; tam kamashyii sam tam matulak tang karam jangpii ahnyiinii rali matulak tang karam jangpii, Inii ahnyiigo seitan dakii pyiitoi aitakle.

HEBRUMEI 13:22

Kangsanamei, Inii gonyiigo khang leile, lung tiikamadimah sam tei leh pyiilo, kadapokii Inii gonyii dakii dwisii ryiipyii bamle.