HEBRUMEI 12:3 - KARANU KABI SAMTAM

³ Kadapokii gonyiinii gonyiimah lungswi kamagesii koumang kasu tiisii, ah phyiiryiiki kem katiimei hangnii aiziikapii ngoukarou leh kalu mpou gotei maninglo.

HEBRUMEI 12:3 Referans Kwoze

GALATIMEI 6:9

Teijangpiinii kabi tha katii kiteito nyiinii laksude. Kadapokii nyiinii lung nkhii suleponii, nyiinii rachet tang karam tinglang kabi tei gongtangle.

2 KORENMEI 4:16

Aijangpii nyiinii lung taisang taimakle, nyii pumzainii adoidoi huilatsii leikado, nyii rangii teinii tingnei tingneikii tiiranu aitakle.

MATIMANGOU KAPYII 2:3

Nangnii lung lehsii bamle, sateichii guzei jangpiinii lehsii bamle sateichii nangnii matoupyii aimakle katu Inii tile.

1 KORENMEI 15:58

Teijangpiinii Gu kangsanamei, gonyii mah tha tiikalei tei Bangpii dato kadak makle katu tei tisii, gonyii sangtingsii, nlaisupiinii Bangpii mah tha katii kito tinglang kaleita tiilo.

HEBRUMEI 12:2

Sateichii nyiimah kamalum mah abang ninado tiimatui kapyiipii Jisugo jusii, nyiidoi kalei pak maga tang karam tei lung leh kati tei kaswisii pakde. Ah doito kalei ka-nta jangpii ahnii kasangbam gotei samah kado maning supii Krosh tei leh wosii, Saraamah sagongbam bah ajiilam teito bam wotakle.

HEBRUMEI 3:1

Teijangpii Saraanii lat kalu, kamatei gukangsanamei, nyiinii tam mpatsii kalei kamalum mah kanat kajum tingdipii tiimatu tang karam jangpii Saraanii lang m-mang kapyii Jisu gotei maninglo.

2 KORENMEI 4:1

Saraanii mpoumah lungsyii kapyii kito aitha ai tiilosii nyii dakii pyiitakle, teijangpii nyiinii lung taimakle.

JONNII KARYII KABI RASAM JUKAMATI 5:16

Teijangpii Jehudimeinii Jisugo tiimaset tiimalakhou tutakle, dajangpiiponii mpounii tha ai bam ntak piinei leimik tiitakle.

HEBRUMEI 12:5

Sateichii Saraanii gonyiigo mpou nahmei takumpii lung tiikamadi sam katam tei gonyiinii mangai aitakpo? “Gunah, Bangpiinii n-go tiimajyii katu tei malasii poisulo, sateichii mpounii n-go kadwi karat tinglang kak nang lung taisulo.

LUKNII KARYII KABI RASAM JUKAMATI 14:1

Ntak piinei leimik hangniniiki kabijai katiimei kak kito Apum katiimei hangniniiki kikalungto Jisunii mah chiitang karam jangpii gongle, teito meimoinii mpougo shoisii jule.

2 THESOLONIKAMEI 3:13

Nlenii kangsanamei, gonyiinii kabi katii kito set sulo,

JONNII KARYII KABI RASAM JUKAMATI 18:22

Mpounii ai ai tamsek-kii, Mpou dato sat kalei kadimei hangninanii Jisugo kaphyiisanii tamle, “Kanat kajum Tingditupiigo nangnii tei tiisii kheleipo?”

JONNII KARYII KABI RASAM JUKAMATI 8:52

Jehudimeinii mpou dakii tamle, “Nang sara kashyii kaswi leile katu aitoinii nyiinii titakle! Abraham taitakle ninado lungkakalingmei hangdo taitakle, nlenii nangnii tamle, mei kata hangninanii gusam swisii leileponii ahnii katai tei ngou- sang ngoulakle.

JONNII KARYII KABI RASAM JUKAMATI 8:59

Teipiinii ahnyiinii mpougo rot tang karam jangpii kuitu poimakhii takle, nlenii Jisunii mpouroinapii mbeiwosii, Saraa kamaning kilung teito tatpat totakle.

JONNII KARYII KABI RASAM JUKAMATI 8:13

Teito Farasismei teinii mpou dakii tamle, “Nang goroinapii gomah sakchyii pyiileile, gomah sakchyii teinii kasang makle.”

JONNII KARYII KABI RASAM JUKAMATI 7:12

Sateichii mpou kaang kito meihang teinii hangkapii samtiit tutakle. Meikangkanii tamle, “Mpou ai mei kabimei hangniniile,” kakimei teinii, “Makle, mpounii meihang go chyiitatma leitakle” sii tamle.

LUKNII KARYII KABI RASAM JUKAMATI 16:14

Sanahgo kamarei, Kabijai katiimei teinii tam kalei hangtei shii wosanii, ahnyiinii Jisugo hoksii nuile.

LUKNII KARYII KABI RASAM JUKAMATI 15:2

Teito Kabijai katiimei ninado jaitingshang kati ojamei tei- nii manam maraangsii tamtu takle, “mei aipounii kem kama katiimeigo lukaile sateichii ahnyiigo kaswisii mah chiile.”

LUKNII KARYII KABI RASAM JUKAMATI 5:21

Teito ajaitingshang kati ojamei sateichii kabijai katiimei hangteinii mpoumii karapii karashiitu takle, “Saraago tam mashyii kalei ai tapo? Saraa supiinii kem kama magapyii kabui taleipo?”

LUKNII KARYII KABI RASAM JUKAMATI 2:34

Simion nii ahnyiigo satoi pyiile sateichii mpou pwi Meri dakii tamle, “Julo, ai nah ai, Isrel kito kalei mei hangkii jangpii tiikakou sateichii tiikamatu jangpii Saraanii kalaibam takle, sateichii mpou ai Bangpii dato kagong siiti tiikamangou hangninii meihangkanii tam kamashyii tei tangle.

METIU 22:15

Teito Farasismei teinii maasii Jisugo kada takumpii mpoumah samtam kito maiwo tangpo katupii sam rashii takle.

METIU 21:46

Nlenii ahnyiinii mpougo jumlesii tiikido, ahnyiinii meimoi gotei hing takle; kadapokii ahnyiinii mpougo Lungkakalingmei hangniniilesii poile.

METIU 21:23

Sateichii mpounii Saraa kama- ning kilung tat kaliit tinglang kak, Tingdimei ninado katingmei hangnii, mpounii ralipyii kalei kak, mpouda gongsii tamle, “Nangnii kadapei tei- mahampii aihang ai tiileipo, sateichii teimaham ai tanii n-go pyiipo?”

METIU 15:2

“Kadajangpii go boumeinii nyiipei nyiipaomei mah ajai tiipak aipo? Kadapokii ahnyiinii mah chii kasunii bah baitek makle!”

METIU 12:24

Nlenii Farasismei teinii ai ai shii wosek-kii, “Sara kashyii hang mah sagong mah Beelzabul mah paikito supiinii, mei aipou ainii sara kashyii hang go baatoi mak lesii tam takle.”

METIU 11:19

Meinah sapfii mpou teinii chiisii saksii gongle, sateichii ‘Julo, apokrai kadi ninado Jou kasakpii, aha kahamei ninado kem kama katiimei mah kangpiilesii ahnyiinii tamle,’ Teitii kido Saraa mah swirek aigo Ah mah tha hangteipii kasangle katu mangou pyiitakle.”

JONNII KARYII KABI RASAM JUKAMATI 9:40

Mpou dato manangsii kalei Farasismei kangkanii ai shii wosii mpou dakii tamle, “Nyiido mik chetpo?”

JONNII KARYII KABI RASAM JUKAMATI 10:20

Ahnyii mei hangkanii tamle, “Mpounii sara kashyii hangninii kaswi leile ninado n-gok leile, gonyiinii dajangpii mpou sam shii leipo?”

1 PITAR 2:23

Mpougo kalet kalou katii tinglang kak, kalet kalou katii teipii mpounii khekalat makle; mpounii kamage kalak kadou tinglang kak, mpounii tiimahing katu tiimakle, nlenii kasang kamajyii samtak katii Saraa gotei mpounii malumle.