HEBRUMEI 12:25 - KARANU KABI SAMTAM

²⁵ Tamkalei ah gotei gonyiinii mazhii kasu tiisii sakai wolo. Kadapokii sazyii pouryiito ahnyiigo tiilosii tam kakhat katu ah gotei ahnyiinii mazhii kasu kito ring sutakleponii, sating gamto tiilosii tam kakhatpyiisii kalei ah dateito nyiinii nlek wosekchii, nlailoisii kadaziikapii kisii ringlak takpo!

HEBRUMEI 12:25 Referans Kwoze

HEBRUMEI 8:5

Ahnyiinii kanat kajum atingmei takumpii, katii atha teinii sating gamto kalei mah nda ninado akhii teile. Kada- pokii Mosesnii dwipeiki tiimakhii- tuna tei Saraanii mpougo ralipyiisii tamle, “Zang gamto n-go mangou katu ajai agok taiswisii nangnii mahlyii hangtei tiilo.”

HEBRUMEI 11:7

Kamalum jangpii Nohanii mik ngoukasu tha hang mah kaang kito tiiloi sulosii tam kakhat tei dousanii mpou ninado mpouki kalung mpung go keipyii tang karam jangpii mpounii lungliitsii malyii garyii hangninii liwotakle. Aimah paikito sazyii pouryiigo mpounii malesii tam takle, sateichii kamalum kito gong katu kasang kamajyiimah mahtou toutang karam mei hangninii miwotakle.

METIU 8:4

Teito Jisunii mpou dakii tamle, “Nang meidakado tam mpat sulo; nlenii tat tulo Atingmei dakii maasii gopum tei mangou ailo, sateichii ahnyii dakii sakchyii pyiitang karam jangpii, Moses mah ajaitingshang taiswisii karat tang karam pot tei pyiitoi ailo.”

2 TIMOTHI 4:4

Ahnyiinii kasang sam shiitang karam kiteito mpaasii tat nrek tutangle sateichii meinahnii likalu kakadak rasam hang kiteikii ahnyiinii lung maswitangle.

1 THESOLONIKAMEI 5:15

Kashyii jangpii kashyii teipiinii mei kaniido powrui kalat matu sulo, nlenii hangninanii hangninii jangpii sateichii kalei kaga jangpii kabi tiitang karam jangpii tinglang kaleita fiilo.

TIILAMLWI KAPYIIMEI THA JUKAMATI 7:35

“Tanii n-go pum katii ninado samtak katiipii tiimatu pyiipo? sii ahnyiinii mazhii kasu Moses aigo rangum kabi kito mpou dakii mangou kapyii sating gamlui bah teipiinii apum katii ninado pang mpatpyii matutang karam jangpii Saraanii lang mpatpyii takle.

HEBRUMEI 3:17

Sateichii mpounii tata phyii ryiikii tingkum rekdai katang tei rarhiipo? Sazyii kamarong kito pum koukalei kem tiikalei ahnyii phyiiryiikii makpo?

METIU 17:5

Mpounii tam leibangpii julo, vakabi mongjyii hangninanii ahnyiigo gomnei wotakle, sateichii julo, mongjyii kiteito rok hangninanii tamle, “Ai ai Inii lungkasyii gunah sapfii mpou teile; Inii mpougo hangkapii lung mangle, gonyii mpounii katam tei shiilo!”

MATIMANGOU KAPYII 22:9

Nlenii Ahnii gudakii tamle, “Nangnii teitei tiilak tang karamle! Inii n-go go kang- sanamei lungkakalingmei hang go ninado larek aimah samkang hang go swisii kaleimei hang go njoi katu kikaleimei hangniniile, Saraago matalo.”

MATIMANGOU KAPYII 19:10

Teito Ahgo mata tang karam jangpii Inii ahmah pibang tei kou- mangle, nlenii ahnii gudakii tamle, “Nangnii teitei tiilak tang karamle! Inii n-go njoi katu kikalei ninado Jisumah sakchyii pungsii kalei go kangsanapiile. Saraago matalo.” Ka- dapokii Jisumah sakchyii teinii Saraa sam tam ka-mpatmah rangii teile.

1 PITAR 1:22

Kristamah kakhatsam hang gotei gonyiinii katam swiwo takle, teipiinii gonyiimah kem hangtei magapyii takle, sateichii rangii lamto gonyiinii matei takle. Aipiinii gonyii kangsanameigo mateisii lungsyii matu tang karam tei gonyiigo doumatu wole. Teijangpii gonyii mei hang- ninanii hangniniigo lung matum madumpii lungsyii tang karamle.

HEBRUMEI 1:1

Ndou kareiki Saraanii lungka- kalingmei paikito nyiipei nyii- paomeigo jairali kataam kataam kito nlai nlailoisii sam rashiile,

HEBRUMEI 3:12

Kangsanamei, gonyii kak kito mei kado kashyii lung kapung, sateichii malum kasu tei patsii mpounii karing Saraa dato dhiisii tat tu kasu tiisii sakai wolo.

HEBRUMEI 12:19

kachem mah rok ki, ninado samtam mah rok ki gonyii- nii manang gongmakle, roktei shii kalumei hangnii nlai loisii samkang hangninii kado tam matulak tang karam jangpii khangtakle.