HEBRUMEI 12:23 - KARANU KABI SAMTAM

²³ sating gamkii zei ryiikai kabam lung karei nah sapfiimei hang go ndwini sateichii samtak tiitang karampii Saraada, sateichii mei kabimeigo sajek kaga tiikapyii rangii hangda,

HEBRUMEI 12:23 Referans Kwoze

JEMS 1:18

Mpoumah karing kounah hang kak kito nyiinii riiti karei hangninii tiimatu tang karam jangpii mpoumah kamaning kamarei kito kasang mah samkang teipii mpounii nyiigo manaapyiile.

HEBRUMEI 11:40

Kadapokii Saraanii nyii jangpii kisii kabi tei reipii ngoubamle. Mpounii kamaning tei nyiigo kaswi katu roinii kito ahnyiigo tiimatuipyii tangle katu teile.

LUKNII KARYII KABI RASAM JUKAMATI 10:20

Nlenii sara kashyii hangteinii gonyii sam swile katu aipii gonyiinii nta sulo; nlenii gonyii zei sating gamkii ryiibam taklesii ntalo.”

MATIMANGOU KAPYII 14:4

Ahnyii teinii sapwimeigo ka- swisii mashung kamaha tha tiisupii ahnyii roinapii ahnyiigo mateisii mbam katumeile, ahnyiinii satumle. Jaonah teinii katatlyii hangki ahnyiinii swile. Ahnyii teinii sazyii pouryiimei kak kito kalai wotakle sateichii Saraa dakii ninado Jaonah dakii pyiitoi tang karam riiti karei teile.

MATIMANGOU KAPYII 20:15

Sateichii karingmah larekbung lungkii mei kata hangniniimah zei ryiikabam tei dousuleponii, ah gotei mimah jailungkii toikai aitakle.

HEBRUMEI 9:27

Sateichii meinah jangpii binii tai matu katu sateichii tei taito samtak katii gong katu ai retkabam takumpii,

MATIMANGOU KAPYII 13:8

Sateichii gikalei Jaonah mah karingmah larekbung kiteikii sazyii pouryii tii mpat kasunato zei ryiikai hai kasu, sazyii pouryiito lungkalei hangnii ahgo mata tangle.

1 PITAR 2:23

Mpougo kalet kalou katii tinglang kak, kalet kalou katii teipii mpounii khekalat makle; mpounii kamage kalak kadou tinglang kak, mpounii tiimahing katu tiimakle, nlenii kasang kamajyii samtak katii Saraa gotei mpounii malumle.

HEBRUMEI 11:4

Kamalum jangpii Abel-nii Ken sung kisii Saraa dakii kisii kabi kakarat pot tei pyiitoi takle; teimah paikito Saraanii mpoumah luha kapyiihang phyiiryii teikii kamazhii sakchyii pyiisii, mpounii kasang kamajyiimei hangniniile sii kamazhii sakchyii doutakle; mpounii taitakle, nlenii mpoumah kamalum paikito mpounii aitoido tamsii leile.

1 TIMOTHI 3:5

Kadapokii mei hangni- nanii mpouki kalung mpung go kada takumpiinii jutangpo katu tei tisu leponii, mpounii Saraamah Charshgo kada takumpiinii jutangpo?

PILIPIMEI 4:3

Kamaswi pot pung njoi katu meihang, karing mah larekbung ki zei kalei, sapwimei aimeigo tiihalosii gonyii godo Inii khangleile, Daponii Klement sateichii n-gu njoisii tha katiimei hang go kaswisii kabi rasam tam katat kito ahnyiinii n-gu kaswisii teisii tha tiibamle.

IPISAMEI 1:22

Saraanii Krista pi kangkii mahlyii hangtei kaipyiile ninado mahlyii hang doito dikaki Bangpii tiisii Charsh hang jangpii mpougo pyiile.

TIILAMLWI KAPYIIMEI THA JUKAMATI 20:28

Mpounah mah zai sekpiinii lyii kalu Saraamah Charsh go kamakot, gonyii roinapii ninado Jaokoi hang kiteito machyii wolo; rangii kamateinii gonyiigo jaokoi teimah kakoimei tiipyii takle.

JONNII KARYII KABI RASAM JUKAMATI 5:27

Sateichii nah sapfii mpou tei meinah sapfii mpou katu taiswisii samtak katii tei mpounii mpou dakii teimaham pyiitakle.

KOLOSIMEI 1:24

Aitoinii gonyii jangpii Inii kamage kalak leh kalei kaang kito Inii ntale, kadapokii gupum guzai kito Inii kamage kalak leh kalei aipiinii Kristamah pum, katunii charsh tung tiisii Kristamah kamage kalak tangkasu hangtei tiimashang matu tang karam jangpii Inii tiiha leile.

KOLOSIMEI 1:12

kama- teimei hangnii kava kito doukamajyii mahtou kiteito njai dou njoi matu- tang karam jangpii nyiigo tiimajyii kapyii tiikapyii pfii dakii hakalang tamlo.

2 KORENMEI 5:8

Nyiinii lung disii bamle, sateichii nyii pum kito thamsii bam tang karam sateichii Bangpiigo kaswisii bam tang karam tei nyiinii mareisang mareibwile.

1 KORENMEI 15:54

Sateichii gatu kabui ai gatu kalak kikii sateichii tai kabwi ai tai kalak kikii tiikalikai takle sekchii, tei tinglangki ryii kabam sam ai kasangpii gong tangle: “Katai gotei kangam teinii majungwo takle.”

1 KORENMEI 13:12

Kadaponii aitoi nyiinii ngoukalei ainii skhiibung kito myii mararyii ryiisii ngou kalei khiina hangninii takumle; nlenii atainii jukarapii kadou tangle. Aitoi Inii kati ainii timashang womakle, nlenii atainii (Saraanii n-gu tikamashang takumpii) Iniido mashangsii titang- le.

1 KORENMEI 15:49

Sazyii rangrhiipii tiika- bam mei hangniniimah akhii njoitei nyiinii poi kalei takumpii sating gamto kahum mei hangniniimah akhii njoitei nyiinii poitangle.

HEBRUMEI 2:12

mpounii Saraa dakii tamle, “Inii gomah zei tei gukangsanamei dakii saa mpat tangle, meimoi ndwi kalei sum teito Inii n-go tam matoi tangle.”

MATIMANGOU KAPYII 6:9

Sateichii ahnii mangii kashang seal tei kalaat tinglang kak, Saraamah samtam jangpii sateichii ahnyiinii pyiikalei sakchyii tei jangpii gikalei ahnyiimah rakot hangtei pyiikatoibam kang teikii Inii ngoutakle;

MATIMANGOU KAPYII 6:11

Teito ahnyii mei nsang nsang go paijou pi rot katang kaha pyiitakle. Sateichii ahnyiigo takumpii gitang karam, ahnyiigo kaswisii kikaleimei tiisii kaleimei hangdo ahnyiimah kangsanameido gikat kasuta, ahnyiinii aitoi tinglang shangniikii jangpii ntak matulosii ahnyii dakii tampyii takle.