HEBRUMEI 12:2 - KARANU KABI SAMTAM

² Sateichii nyiimah kamalum mah abang ninado tiimatui kapyiipii Jisugo jusii, nyiidoi kalei pak maga tang karam tei lung leh kati tei kaswisii pakde. Ah doito kalei ka-nta jangpii ahnii kasangbam gotei samah kado maning supii Krosh tei leh wosii, Saraamah sagongbam bah ajiilam teito bam wotakle.

HEBRUMEI 12:2 Referans Kwoze

1 PITAR 3:18

Kadapokii Saraa dakii pang gong pyii tang karam jangpii, kakui kama meihang jangpii kasang kamajyii katunii, Kristaniido kem jangpii binii taipyii takle hang jangpii; mpougo pumpot lamto tai malei takle, nlenii rangii lamto ringkhii matu takle;

HEBRUMEI 1:3

Mpounii Saraamah pumtei kava tei seikalatsii leile sateichii mpounii nunuto kalei Saraamah jaitalui gotei njoichak thiile; Sazyii pouryiigo mpoumah teimaham kalei samkang teipii panglungsii leile. Sazyii pouryiimei mah kem jangpiinii kaleikapyii doukalu taito, dikaki teimaham, Sating gam Saraamah bah ajiilam teito mpounii bam takle.

IPISAMEI 5:2

Sateichii Kristanii nyiigo lungsyii pyiisanii, nyii jangpii mpou- mah pumsekpii pyiitoi tang karam manam kabi pot hangninii tiisii, Saraa dakii karat kapyii takumpii gonyiinii lungkasyii kito tatpyiilo.

PILIPIMEI 1:6

Teijangpii gonyii lungto ai ai kabi tha tiihao kapyii Saraa teinii Krista Jisu mah leimik piinei katang tei, lui kasuta kaswisii tha tiijou pyii tangle katu tei Inii malumle.

HEBRUMEI 9:28

meihang mah kem hangtei pungpyii tang karam jangpii, binii pyiitoi kalei Krista teinii kem jangpii supiinii, mpougo saryiisii koikalei meihang go keipyii tang karam jangpii, hangna kashang tiisii gong tangle.

JONNII KARYII KABI RASAM JUKAMATI 6:40

Kadapokii gu pfiinii kamaning kamazhii tei aile, meinah sapfii mpou gotei ngouwosii, ahgo malum kalumei hangteinii kalui kaga karing doumatu tang karam teile, Sateichii Inii ahnyiigo kalui piinei leimik tiimaringpyii tangle.”

1 PITAR 3:22

Mpounii sating gam khiisii Saraamah bah ajiilamto bam takle. Sating gamlui hangdo, sating gam mah teimaham kajum hangdo, sateichii pumtei kalei hangdo, mpoukang nkang matu takle.

TIILAMLWI KAPYIIMEI THA JUKAMATI 5:31

Isrel- meinah go lung kakali ninado kem tiimaga pyiitang karam jangpii, kaleikapyiipii ninado doimajang kapyiipii tiisii mpoubah ajiilam sek teipiinii poimakhii pyii takle.

LUKNII KARYII KABI RASAM JUKAMATI 24:26

Krista teinii kamage kalak hang ai lehsanii, mpou mah pumtei kava kitei liit kajyii makpo?”

JUD DATO KAGONG CHITI JUKAMATI 1:21

Sateichii Bangpii Jisu Kristanii mpoumah lungset kati kito gonyiigo kalui kaga karing pyiimatu tang karam jangpii gonyiinii koisii koisii, gonyii roinapii gonyiigo Saraamah lungkasyii kito mbamlo.

HEBRUMEI 8:1

Nyiinii tam kalei sam aikito kaang hangteinii aile: sating gam pumtei kava kadi mah sagongbam mah ajiilapangto kabam,

2 TIMOTHI 4:8

Aitoisekpiinii kasang kamajyii mah phyiihung tei gujangpiinii kaidek- bam takle, teitei kasang kamajyii samtak katii Bangpii teinii teipiinei leimik gudakii pyiitangle, sateichii teitei gudakii roinii makle, nlenii mpoumah nlai kagong maraisii koikalei meihang dakiido pyiitangle.

PILIPIMEI 3:20

Nlenii nyiinii sating gamto lungtang karam meihangle ninado sating gamto kagong Bangpii Jisu Krista, nyiigo kaleikapyiipiigo nyiinii saryiisii koileile.

MARK 14:36

Sateichii mpounii tamle, “Pfii-o, gojangpiinii matum madum tiiwo kalak gale; peek ai gudato poitoi pyiilo; nlenii Inii kamaning kamarei tei sulo, nlenii nangnii kamaning kamarei teilo sii mpounii riitale.”

MATIMANGOU KAPYII 2:8

“Smarna charshmah rangii dakii ryiilo: katai kito ringkhii kalu karei ninado kana, Ah teinii sam hang ai tam leile.

HEBRUMEI 13:13

Teijangpii nyiiniido mpoumah ka-nrou njai tei dou njoitang karam jangpii namki saba mpou datei tat tude.

HEBRUMEI 5:9

sateichii mpounii sajek gasii bimatui wokalu taiswisii, mpounii katam kaswimei hang jangpii kalui kaga keikapyii karing- mah kapat bam tei mpounii tiiwo takle,

JONNII KARYII KABI RASAM JUKAMATI 13:3

tingkhii malot poileibangpii Jisunii, Pfiinii mpou bah kikii kalei kaga pyii aitakle ninado mpounii Saraa dato gongle ninado Saraada tat tutang takle katu tei tiwosanii,

LUKNII KARYII KABI RASAM JUKAMATI 17:5

Sateichii Tiilamlwi kapyiimeinii Bangpii dakii tamle, “Nyiimah kamalum tei dibui matulo!”

MARK 9:24

Binasek-kii nah sapfii mpou mah pfii teinii saasii tamle, “I-ma- lumle; gumah kamalum tang kasu ai tiihalo!”

HEBRUMEI 12:3

Kadapokii gonyiinii gonyiimah lungswi kamagesii koumang kasu tiisii, ah phyiiryiiki kem katiimei hangnii aiziikapii ngoukarou leh kalu mpou gotei maninglo.

IPISAMEI 2:16

Mpounii Krosh gamto taikapyii teipii ahnyii mah kangourou kalei hangtei tiimagapyii takle. Krosh teipiinii lui hangna gotei pum hangninii kikii jum njapyii takle; sateichii ahnyiigo Saraa dakii pang nlaigong pyii takle.

TIILAMLWI KAPYIIMEI THA JUKAMATI 5:41

Teipiinii ahnyiinii Jisu zei kito ka-nrou ai doumajyii lesii ntasii samtak katii katingmei doiteito tatpat takle.

JONNII KARYII KABI RASAM JUKAMATI 12:32

Sateichii sazyii pouryiito poimakhii sekchii, meihang gotei gudakii Inii chyii gong tangle.”

1 PITAR 1:11

Kristamah rangii teinii lungkakalingmei lung kito liit tosii, Kristanii kamage kalak pungtang takle, nlenii kamage kalak pung kaleitai mpounii ngam tangle katu tei rangiinii mati mangoupyiile. Ai ai kadadou pat tangpo sateichii kada takumpii pat tangpo katu tei Lung- kakalingmeinii fiile.

HEBRUMEI 10:14

Kadapokii mpounii binii pyiikatoi teipii tiimatei kaleimei hang go kalui kaga jangpiinii sajek kaga tei tiipyii takle.

JONNII KARYII KABI RASAM JUKAMATI 12:24

Kasang kasangpii Inii gonyii dakii tam leile, Gihuti hangninii ai sazyii takmangsanii tai kasutanii, tei tei mpouroinapii teitiisii leihumle, nlenii tei tei tai aileponii, ti hangka matile.

JONNII KARYII KABI RASAM JUKAMATI 8:56

Gonyii pfii Abrahamnii gumah leimik tei ngou tanglesii ntasii leile, mpounii tei tei ngou wosii ntale.”

JONNII KARYII KABI RASAM JUKAMATI 1:29

Adoipiinei tei Jisunii mpoulam pang gongkalei tei ngouwosii mpounii tamle, “Julo, Saraa mah Jaonah, sazyii pouryiimei mah kem kama hang poitoi kapyii tei!

LUKNII KARYII KABI RASAM JUKAMATI 23:11

Sateichii Herotnii mpou saryiimeigo kaswisii Jisugo maning malasii ninado hoksii nuisii mpougo sagong natkai kai malu wosii Pailat dakii lang mpatloi takle.

METIU 20:28

Teita- kumpii meinah sapfii mpou teinii nga-ngamatu tang karam jangpii gong makle, nlenii nga ngatang karam jangpii sateichii mei hang- kago kaleipyii tang karam jangpii mpou mah karing tei pyiilesii gongle.”

METIU 16:21

Teitinglang sekpii Jisunii mpou boumei dakii mpounii Jerosalem ki maasii katingmei, tingdimei sateichii ajaitingshang kati ojamei bah kito kamage kalak hangka doutang karamle; sateichii gitangle ninado leimik hangtum piineinii ringkhii tangle katu ai mangoutu takle.

MATIMANGOU KAPYII 1:17

Inii mpougo ngou wosek-kii kataimei takumpii Inii mpou doito koumang takle. Sateichii mpounii mpou bah ajiilam tei guphyiiryiikii poikai pyiisii tamle, “Hingsulo, karei ninado kana tei Ile,

MATIMANGOU KAPYII 1:11

“Nangnii ngou- kalei hangtei larek kikii ryii wosii Charsh sana dakii, katunii, Ipisa kikii, Smarna kikii, Pergamam kikii, Taiyatira kikii, Sardis kikii, Philadelphiya kikii, ninado Laodisiya kikii teitei matat ailo.”

HEBRUMEI 7:19

Kadapokii Moses mah ajaiting- shang teinii samah kado bimatwi matu womakle, sateichii kisii bikaki maning kamalum gotei pung gongpyiile, teimah paikito nyiinii Saraa mah bam kitei manang gongle.

HEBRUMEI 1:13

Inii n-go ngou karoumeigo gopi kangkii kai kasuta “Gubah ajiilam aito bamlo sii Saraanii mpoumah Sating gamlui hangninii dakiido tamsang tam makle.”

TIILAMLWI KAPYIIMEI THA JUKAMATI 2:36

“Teijangpii gonyiinii krosh gamkii dhangsii gitoi kalei Jisu aigo Saraanii Abangpiido Kristado tiipyii takle katu Isrelmeinah hangnii tiigatpii timatulo.”

MARK 9:12

Jisunii ahnyii dakii khekalatle, “Kasangle, Ilaijahnii gongrei tangle amahlyii tiikada tang karam jangpii, nlenii meinah sapfii mpou teinii kamage hangka leh-tangle sateichii mpougo mazhiilakle katu ai kada- jangpii kabi rasam kikii ryiibampo?

MATIMANGOU KAPYII 1:8

Tingneishang, ndoushang ninado sushang gongtang karam kadi kathang, Saraa Bangpii teinii tamle, “Karei ninado kana tei Ile.”

HEBRUMEI 11:36

sateichii kakimei hang- teinii hoksii kanui ninado tingrang lak katu, sagyiirengpii kapei ninado kabang kikii bang katu tei leh wotakle.

HEBRUMEI 10:33

Tinglang hangninii kinii gonyiigo machii doito kalet kalou tiipyii takle, ninado ju tiimashyii takle. Sateichii tinglang kaki hang- ninii kinii aitiisii tiikaleimei gotei gonyiinii haitang karam jangpii tiikada takle.

MARK 16:19

Aitiisii ahnyii dakii tam kalei tai Bangpii Jisugo sating gam pang makhii takle ninado mpounii Saraamah bah ajiilamto bam takle.

TIILAMLWI KAPYIIMEI THA JUKAMATI 3:15

Sateichii karing bangpiigo gi aitakle; mpougo Saraanii kataimei kak kito tiima- ringpyii takle, aikaang kito nyiihang- nii sakchyii tiileile.

1 KORENMEI 1:18

Kadapokii Kristanii Krosh gamto kataimah samtam ai magasii kaleimei jangpiinii kamangle, nlenii keikapyii doukalu nyii jangpiinii teitei Saraa mah teimaham teile.

1 KORENMEI 1:23

Nlenii Jehudimei jangpiinii pi kapaswi kuitu sateichii lui kakimei jangpiinii kapang kamang tiisii kalei, krosh gamkii dhangsii gikalei Krista mah kaang kito nyiinii tam ralipyiile.

JEMS 2:1

Gu kangsanamei, pumtei kavamah Bangpii, nyii Bangpii Jisu Kristago kamalum mei tiisii, meinah mah apouju taiswisii gonyiinii kaghu kaphang tei tiisang tiilak tang ka- ramle.

MARK 15:28

(aitiisii kabi rasam kito: “Mpounii meigo kagi kabamei mah sadoi kashyiitei dou njoi takle” sii tam kabam samtei gong matwi takle.)