Biblia Todo Logo
Bib sou entènèt

- Piblisite -




HEBRUMEI 12:14 - KARANU KABI SAMTAM

14 Meihang go majungsii lung tang karam ninado kamatei tiilung lung tang karam tei tiilo, dapodinchii kamatei ai haisupii mei kaniido Bangpiigo ngoulakle.

Gade chapit la Kopi




HEBRUMEI 12:14
48 Referans Kwoze  

Lungkasyii gukanghemei, riishii aihang ai nyii dakii pyii kabam taiswisii, nyiinii nyii roinapii nyii pum ninado nyii rangiigo tiihangsii kalei matum madum kito tiimatei aisii, Saraago dzyiirousii kahing kito nyii mah kamatei tei mashang matwileje.


Kadapokii Saraanii nyiigo kashyii kahong kito lung matu tang karam jangpii latmakle, nlenii kamatei kito lung matu tang karam jangpii latle.


Kashyii kahong kito ahnii tat nrek wosii, kabi tei tiitang karamle; mpounii kamajung tei fiisii, teitei kabasii fiimatulo.


Mazhii kabuita gonyiinii meihang go kaswisii majungsii lunglo.


Teijangpiinii tiikamajung satei- chii hangninanii hangniniigo tiimadi tiimathang tang karam tha taitei swisii tatde.


Aitiisii nyii Bangpii Jisunii mpoumah kama- teimei hang go kaswisii kagong ki, nyii Pfii Saraa doito mpounii gonyiigo sajek gasii kamatei kito tiisangting pyiitangle.


Nlenii aitoinii gonyiigo kem kito laat mpatpyiisii Saraa mah kabang- nah tiikalu kito, gonyiinii doukalat kalu teinii tiimatei kapyii teile. Sateichii teikito dou kalu teinii, kalui kaga karing tiilung teile.


Lungkasyii gukangpii, kashyii jairali tei rali sulo, nlenii kabi jairali tei ralilo. Kabi katiimei hangtei Saraa mahle; Kashyii katiimei hang teinii Saraago ngou womakle.


Gonyiinii ai tigat tolo, katunii kashyii kahong tha katiimei, matei kasu, mak-kii lukanyii... (kadapokii lukanyii ai tingtugo kariita hang- niniile) mei teinii Saraamah ninado Kristamah sagong sazyii kiteito njai dousang doulakle.


Kadapokii ahnyiinii bilesii katam taiswisii tinglang shangniikii jangpiinii nyiigo tiimajyiipyiile, nlenii mpoumah kamatei njai tei dou njoi matu tang karam jangpii, nyiimah bitang karam jangpii mpounii nyiigo tiimajyii pyiisii leile.


Nlenii Saraamah mei, gojang- piinanii aihang ki aito pakgalo; sateichii kasang kamajyii, Saraa kamaning, kamalum, lungkasyii, lung leh kati, ninado lung kamanoi kiteikii mik leenglo.


Sateichii gonyiinii kasang kabi tei tiinyiisii leitak leponii tanii gonyiigo tam mashyii tangpo?


“Athai ai kabile; nlenii thai teinii ahmah kakum tei maga aitakleponii kada takumpii nangnii thai tei tiimakumloi wotangpo? Thai takumpii kakum tei gonyii dato leilo, sateichii hangninanii hangniniigo majungsii lunglo.”


Mahlyii hang ai aitiisii gatu tang karam taiswisii Saraamah leimik gong tang karam tei, koisii koisii sateichii kalangsii gong matu- nyiisii, mateisii kalung kito ninado Saraa kamaning kito gonyiinii kada kakum mei tiitang karampo!


He kangsanamei, gonyii hang- ninanii hangniniigo mazhiisii bamle, sateichii gonyii kak kito njairiit-riit katu tei galo, nlenii njoi katu kamaning lungswi ninado njoikatu tiitang karam kaang kiteito gonyii- hang kangkii tiisii njalosii, nyii Bangpii Jisu Krista zei kito Inii gonyii dato khang leile.


kamatei kito, kasang kamajyii kito, nyii tiilung mata mpougo kahing gasii nga ngakabui jangpii tiipyii takle.


Teijangpiinii rahang ralhii mah marai majang hang kiteito nlek wole, kamatei lung- swi kiteito Abangpiigo kalatmeigo kaswisii kasang kamajyii lungkasyii sateichii kamajung teitei swilo.


Kashyii jangpii kashyii teipiinii mei kaniido powrui kalat matu sulo, nlenii hangninanii hangninii jangpii sateichii kalei kaga jangpii kabi tiitang karam jangpii tinglang kaleita fiilo.


Nlenii jumage kapyii kito sateichii nyii Bangpii, nyiigo keikapyiipii Jisu Kristamah swirek kati kito dikhiilo. Mpou dakii aitoido kalui kaga katangdo pumtei kava tei matulo Amen.


Aitoinii Inii doutakle mak-kii bimatui takle katumah makle, nlenii Krista Jisunii n-gu mpou dakii jum- kai kapyiimah alangh tei doutang karam jangpii Inii mahungsii tiileile.


Teijangpii Bangpiinii tamle, “Ahnyii kak kito gonyiinii sipat tosii thaam wolo, sateichii matei kasu tei hangninii kado deng sulo; teitii leponii Inii gonyiigo lukaipyii tangle.


Kadaponii aitoi nyiinii ngoukalei ainii skhiibung kito myii mararyii ryiisii ngou kalei khiina hangninii takumle; nlenii atainii jukarapii kadou tangle. Aitoi Inii kati ainii timashang womakle, nlenii atainii (Saraanii n-gu tikamashang takumpii) Iniido mashangsii titang- le.


Teitiileponii ajaitingshang ai Saraamah riishii tiikabam hang gotei mazhii sutakpo? Teisang tei makle! Kadapokii karing pung gong kabui mah ajaitingshang ai mei- nahnii doutakponii teigotei majaisii meihang ai Saraa doito matwi majyiiwo buitakle.


meihang mah kem hangtei pungpyii tang karam jangpii, binii pyiitoi kalei Krista teinii kem jangpii supiinii, mpougo saryiisii koikalei meihang go keipyii tang karam jangpii, hangna kashang tiisii gong tangle.


Swiv nou:

Piblisite


Piblisite