HEBRUMEI 11:28 - KARANU KABI SAMTAM

²⁸ Nah lung karei hang go kataimah rangii teinii ahnyiigo deng matu kasu tiisii, kamalum kito kaa- kamaju mah takbai ninado takam gamkii zai kajuikakai tei mpounii tiimakhii takle.

HEBRUMEI 11:28 Referans Kwoze

HEBRUMEI 9:19

Kadapokii ajaitingshang hangmah kakhatsam hangtei Mosesnii meihang dakii saa ka-mpat tinglang kak mpounii twomnah ninado amyiinah hangmah zai tei dwi, langkong kaghang, ninado hyssop tei kaswisii poisii larekbung ninado meihang gamkii kajuikai pyiisanii tamle,

1 PITAR 1:2

Apfii Saraamah kama- ning kamarei ninado reipiinii tikalei taiswisii gonyiigo kalai wotakle, sateichii mpoumah rangii teipii gonyiigo kamateimei hangninii tiipyii takle; Jisu Kristanii katam swisii mpoumah zai teipiinii tiima- teipyii matu tang karam jangpii: Jumage kapyii ninado kamajung tei gonyii dato moibui matulo.

HEBRUMEI 12:24

sat tang karam karanu samtam tiida kapyii Jisuda, ninado Abel mah zai sung kisii kabi pyiitangle sii tamsii kalei kajui kakai zai datei gonyiinii manang gong wotakle.

1 KORENMEI 10:10

Sa- teichii kangkanii manam marang katu sateichii ahnyiigo katai mah rangii teinii tiimaga kalei takumpii, nyiinii manam marangh lak tang karamle.