HEBRUMEI 11:26 - KARANU KABI SAMTAM

²⁶ Izip mah kani kahiigo sungnii Krista mah ngou kasaba teinii kisii mai teeng kile sii mpounii poi wotakle. Kadapokii tinglang kanaki doutang karam alangh tei mpounii jubamle.

HEBRUMEI 11:26 Referans Kwoze

HEBRUMEI 11:6

Sateichii ka- malum haisupiinanii mpougo dzyii- kabi tei tiipeiwo lakle; kadapokii Saraada manang kagongmei hang- teinii mpou ringleile ninado mpougo kafiimei hang dakii mpounii alangh pyii leile katu ai malum tang karamle.

HEBRUMEI 10:35

Teijangpiinii alangh kadi kaswi kalei, gonyiimah maning kamalum tei rat toi aisulo.

MATIMANGOU KAPYII 3:18

Teijangpii gonyiinii mah nikabui tiisii mipiinii rumatei kalei sona sateichii gomah peimani kaikasu mah ka-nrou tei ngoumatu kasu tiisii sateichii gomik ngoumatu tang karam jangpii, gomik kikii thei tang karam thao tei, gudato lyii wolosii Inii gonyiigo tam leile.

1 PITAR 4:14

Gonyiinii Krista tai kaswi jangpii, gonyiigo kalet kalou tiileponii, gonyii sadoi bile, kadapokii pumtei kavamah sateichii Saraamah rangiinii gonyii phyiiryiito leile.

HEBRUMEI 2:2

Nyiipei nyiipaomei dakii sating gamluinii pyii katu samtam tei kasangle katu mangou takle, sateichii teigo tei swikasu mak-kii katam swikasumei teinii mpounii doukamajyii kadwi karat tei doutakle.

2 KORENMEI 6:10

Nyiigo swi tiika- mage kado, tinglang kaleita nyiinii ntale; nyiinii mah kagamei takumle, nlenii mei hangkiigo nyiinii mah tiimani pyiile; nyiinii mah kado kaga takumle, nlenii kasangpii nyiinii mahlyii hangtei bamle.

LUKNII KARYII KABI RASAM JUKAMATI 14:14

teitii lepochiinii nangnii doibi tangle, dapochiinii ahnyiinii n-go rui kaleipyii peiwo lakle, Saraa nii n-go rui kaleipyii tangle, mei kabimei hangnii katai kito ring kakhii piinei leimik.”

METIU 5:12

Ntalo ninado rangalo, kadapokii gonyii jangpii alangh kadi tei sating gamkii kaibam takle, kada- pokii gonyii doito kalei Lungkakaling meihang go aitiisii tiimaset tiimalakle.

IPISAMEI 3:8

Saraago kamalum meihang kak kito ka-nkhii khiisang tei I-le, teitii kido fiipei kalak Kristamah kani kahiimah kaang kito luikakimei dakii kabi rasam ai tam ralipyii matu tang karam tinglang kabi ai Saraanii n-gu pyiile.

2 KORENMEI 12:10

Krista jangpii Inii kasui hang kito, kalet kalou katii kito, kahung kanang kito, kaset kalak kapyii kito, sateichii kamage kalak kiteito Inii lung samoule, kadapokii Inii suisii kalei tinglang kak Inii teimaham tei leile.

1 PITAR 1:11

Kristamah rangii teinii lungkakalingmei lung kito liit tosii, Kristanii kamage kalak pungtang takle, nlenii kamage kalak pung kaleitai mpounii ngam tangle katu tei rangiinii mati mangoupyiile. Ai ai kadadou pat tangpo sateichii kada takumpii pat tangpo katu tei Lung- kakalingmeinii fiile.

HEBRUMEI 13:13

Teijangpii nyiiniido mpoumah ka-nrou njai tei dou njoitang karam jangpii namki saba mpou datei tat tude.

HEBRUMEI 10:33

Tinglang hangninii kinii gonyiigo machii doito kalet kalou tiipyii takle, ninado ju tiimashyii takle. Sateichii tinglang kaki hang- ninii kinii aitiisii tiikaleimei gotei gonyiinii haitang karam jangpii tiikada takle.

PILIPIMEI 3:7

Nlenii Inii katonglesii fiikabui hangtei, kagalesii Krista jangpii Inii aitoinii poitakle.

IPISAMEI 1:18

Mpoumah kava tei ngoukabui tiisii gonyiimah lungswi hangtei laatpyii matusii, mpounii gonyiigo lat kalu tei kadapei maning kamalum jangpiipo katu sateichii mpoumah meigo pyii tanglesii riishii tiikabam kamadat satoi hangtei kadaziikapii dipo katu tikabui jangpii,

TIILAMLWI KAPYIIMEI THA JUKAMATI 5:41

Teipiinii ahnyiinii Jisu zei kito ka-nrou ai doumajyii lesii ntasii samtak katii katingmei doiteito tatpat takle.

METIU 10:41

Lungkakalingmei hangni- niigo Lungkakalingmei lesii lukakai mei teinii lungkakalingmei hangninii mah alangh tei doutangle; sateichii kasang kamajyiimei hangniniigo kasang kamajyiimei lesii lukakaimei teinii kasang kamajyiimei hangninii mah alhang tei doutangle.

METIU 6:1

“Meigo mangoutang karam jangpii gonyii mah kasang kamajyii tha tei tiikasu tiisii sakai wolo, teisuleponii sating gamto kalei gonyii Pfii dato gonyii lhang doulakle.

MATIMANGOU KAPYII 2:9

“‘Gonyiimah kamage kalak ninado kaga tei Inii tile–Nlenii gonyiinii kasangpii mah nile! Satei- chii Jehudimei kasangsupii, ahnyii roinapiinii ahnyii Jehudimei lesii tamsii kalei, Seitanmah abemei tiisii kaleimei teinii gonyii phyiiryiikii samlat kashyii tam kalei tei Inii tile.

LUKNII KARYII KABI RASAM JUKAMATI 14:33

Tei takumpiinii mei hangninii kaniido gutai kaswimei tiipeiwo lakle, mpou mah kalei hangtei pyiitoi lahok kasuta tei.