HEBRUMEI 11:17 - KARANU KABI SAMTAM

¹⁷ Abraham go jaikaju tinglang kak, kamalum kito mpounii Isak go kakarat pot hangninii tiisii Saraa dakii pyiitoi aitakle, sateichii riishii hang doukalu ah teinii mpounah sapfii mpou fiilipiigo tei kakarat pot hangninii tiisii Saraa dakii pyiitoi tang karam jangpii tiikada wotakle;

HEBRUMEI 11:17 Referans Kwoze

MATIMANGOU KAPYII 3:10

Gumah lung leh kati samtei nangnii swikalu jang- piinii, sazyii pouryiito lungkalei hang go jaiju tang karam jangpii sazyii pouryii bamlyii hangki gongtang karam jai kaju tinglang kiteito Iniido n-go jupyii tangle.

JEMS 5:11

Julo, lung nlai kasumeigo nyiinii sadoi kabimeilesii latle, Job mah lung nlai kasumah kaang kito gonyiinii shiitakle, sateichii Bang- piinii kalui luisang kito mpougo kada takumpiinii pyiipo katu tei gonyiinii tile, kadapokii Bangpiinii lungsyii kati ninado lungset katipiinii tokryiile.

1 PITAR 4:12

Lungkasyiimei, gonyiigo jaiju tang karam jangpii gonyii phyiiryii gongkalei mi karumah kamage kiteito asung kaga tha gonyii dato pat leitakle katupii sung gasulo.

HEBRUMEI 7:6

Melkizedeknii Levi mah taa nahmei makle, nlenii njai kearii kito njai hangninii tei mpounii Abraham dato poiwo takle... Sateichii Saraanii pyiitanglesii riishii tiikabam doukalu mpougo tei satoi pyiitakle.

2 KORENMEI 8:12

Nangnii ntasii pyii leponii, nangnii kagatai tei swisupiinii, nangnii pyii kabam kangam taiswisii nangnii kapyii tei Saraanii lukaipyii tangle.

JONNII KARYII KABI RASAM JUKAMATI 3:16

Kadapokii Saraanii sazyii pou- ryiigo hangkasii lungkasyii jangpii, mpounah sapfii mpou hangniniisang hangninii roinii kalei go tei pyiitakle, teipiinii nah sapfii mpou gotei malum kalumei hang teinii gasupii, kalui kaga karing tei doutang karamle.

HEBRUMEI 11:13

Riishii tiikabam tei dousupii, nlenii teigo tei ngou wosii, teigotei kadhii kito salam tiisii, ninado sazyii pouryiito ahnyii ai sapumnahle ninado sabameile katu tei tisii ahnyii hang tei kamalum kito taitakle.