HEBRUMEI 11:1 - KARANU KABI SAMTAM

¹ Kamalum ai nyiinii maning kamalum mah soisupii dou- leng tang karam, nyiinii mikpii ngou- peiwo kalak mah pot mah timaseng kalu aile.

HEBRUMEI 11:1 Referans Kwoze

2 KORENMEI 5:7

Kadapokii nyiinii mik kangoupii tat makle, nlenii nyiinii kamalum paikito tatle.

2 KORENMEI 4:18

Kadapokii nyiinii mik leeng kalei teinii mikpii ngoukalei gotei makle, nlenii mikpii ngoukasu mah goteile. Mikpii ngou kabui pot teinii shangniikii jangpiile, nlenii mikpii ngoupei wokalak teinii kalui gale.

HEBRUMEI 11:7

Kamalum jangpii Nohanii mik ngoukasu tha hang mah kaang kito tiiloi sulosii tam kakhat tei dousanii mpou ninado mpouki kalung mpung go keipyii tang karam jangpii mpounii lungliitsii malyii garyii hangninii liwotakle. Aimah paikito sazyii pouryiigo mpounii malesii tam takle, sateichii kamalum kito gong katu kasang kamajyiimah mahtou toutang karam mei hangninii miwotakle.

HEBRUMEI 10:22

Teipiinii kabi kashyii tikabui kama lungswi kiteito tiimatei kalei ninado dwi kamatei piinii shyii matei kalei pumrong hangtei pung- sii, lung kamatei ninado soikalak kamalum teipii nyiinii Saraada manang gongde.

HEBRUMEI 11:27

Kamalum kito mpounii sa- gongmah rakarhii tei hingsupii Izip tei toi aisii tatpat totakle; kadapokii mikpiinii ngoupei kalak ah gotei ngoukalu takumpii mpounii leh wotakle.

HEBRUMEI 6:12

gonyii hangnii kalui katang maning malum katu tiigatpii lung leh kati katang tei lungliit katu tei katang gonyiinii tiikamangou nyiinii mareile.

HEBRUMEI 10:39

Nyiinii tailampang nlai katu ninado maga kaleimei hangtei makle, nlenii nyiinii malumsii keipyii kalumei teile.

1 KORENMEI 13:13

Teijangpiinii maning kamalum sateichii lungkasyii ai taksupii leile; sateichii ai hangtum kak kito kadi disang teinii lungkasyii teile.

HEBRUMEI 11:13

Riishii tiikabam tei dousupii, nlenii teigo tei ngou wosii, teigotei kadhii kito salam tiisii, ninado sazyii pouryiito ahnyii ai sapumnahle ninado sabameile katu tei tisii ahnyii hang tei kamalum kito taitakle.

HEBRUMEI 3:14

Kadapokii nyiinii nyiimah lung kalum tei karei sekto kalui katang tei sangtingsii jum woleponii, nyii hang ai Kristago kaswisii njai dou njoi katumei takle:

GALATIMEI 5:6

Kadapokii Krista Jisu dato tiigyii kamalem mak-kii tiigyii malem kasu teipii mah kado tham kaki gale. Nlenii lungkasyii paito tha tiikalei kamalum teile.

2 KORENMEI 5:17

Teijangpii mei kata hangninanii Krista dato leileponii, ahnii karanu baichemle; kaham tei tat maju aitakle; julo, karanu tei gong takle.

2 PITAR 1:1

Jisu Krista kikalei ninado tiilamlwi kapyiimei tha tiisii kalei Saimon Pitar Inii nyii Saraa, nyii Bangpii Jisu Kristamah kasang kamajyii kito nyiigo kaswisii maikateeng njoi katu kamalum dou njoi kalumei hang dakii:

TIILAMLWI KAPYIIMEI THA JUKAMATI 20:21

mah kata bitang karam sam gonyii dakii tam ka-mpat kito sateichii mei machii doikii, aki-ki lungkado gonyii- go tam ralikapyii kito kada takumpii Inii nkhiimang makpo katu gonyiinii tile.

TAITAS 1:1

Saraanii kalai kalumei mah kamalum gotei tiiha matu tang karam jangpii sateichii Kristenmei mah dormonii ralikapyii kasang kiteikii pang gongpyii matutang karam jangpii, Saraa nga kangamei ninado Jisu Kristamah Tiilamlwi kapyiimei hangninii tiisii kalei Pol, Inii,

HEBRUMEI 2:3

Teitii leponii tei kakum kadi keikapyii karing gotei nyiinii alung liit suleponii, kada takumpii nyiinii nlek wotangpo? Bangpii sekpiinii karei reisang kito keikapyii karing ai saa mpat takle, sateichii mpounii katam swikasumei hang teinii maning kariirhii gasii ai ai kasangle katupii nyii dakii ma- ngoutakle,

2 KORENMEI 11:17

Inii aitoi tam kalei ainii Bangpiimah teimaham kito tam makle; detkadi ai kaang ki aito Inii swikagamei hang- ninii takumpii tam leile.

2 KORENMEI 9:4

Nlenii Mesidoniya kito kalei mei kangkanii n-gu kaswi gongsii gonyiinii tiida kasu tei gong ngouwo leponii, gonyii- mah ka-nrou tei toi aisii, nyiinii kadaziikapii nrou tangpo; kadaponii gonyiigo malum gatsii kalei kiteito!

HEBRUMEI 3:6

Nlenii Saraamah ki kalung teito nah sapfii mpou tei tiisii Kristanii malum kabui tei tiile. Nyiinii maning malumsii kalei kiteito nyiinii lung kadi ninado nyiimah lung kalum tei jumsii lei leponii, nyiinii mpoumah ki teile.