HEBRUMEI 10:5 - KARANU KABI SAMTAM

⁵ Teijangpii mpounii sazyii pouryii kagong kak tamle, “Kakarat ninado pyiikatoi hangtei nangnii marei sutakle, nlenii nangnii gujangpii pumrong hangninii tiikadapyii bamtakle,

HEBRUMEI 10:5 Referans Kwoze

1 PITAR 2:24

Kem kito tai aisii nyiinii kasang kamajyii kito ringtang karam jangpii mpou sekpiinii Krosh gamto mpoumah pumpot kikii nyiimah kakui kama hangtei pungpyii takle; mpoumah rajam jam teipiinii gonyiigo tii mbipyii takle.

HEBRUMEI 1:6

Sateichii Saraanii lungkarei mpounah sapfii mpougo sazyii pouryiikii lang m-mang katu kak, mpounii tamle, “Saraamah sating gamlui hangnii mpougo mata tang karamle.”

HEBRUMEI 10:7

Teito Inii tamle, ‘julo, ajaitingshang mah larek bung kiteikii gumah kaang kito ryii kabam takumpii, gomah kamaning kamarei tei tiitang karam jangpii Inii gongtakle, O Saraa.’ ”

HEBRUMEI 2:14

Mpounii lat kalei nahmei hangtei pum zai kapungmei katu taiswisii, Jisunii ahnyii mah njoi tei poi wotakle, sateichii nunuto kalei meinah mah jaitalui tei Jisunii dou njoi takle. Mpoumah katai paikito kataimah teimaham kabam, seitan gotei mpounii tiimaga kabui tiisii mpounii ai ai tiile.

HEBRUMEI 10:10

Meihang jangpii binii Jisu Kristamah pumrong pyii katoi teimah kamaning kamazhii pai- kito nyiihang go tiimateipyii takle.

GALATIMEI 4:4

Nlenii kadou tinglang tei kagong kak, Saraanii mpounah sapfii mpougo lang m-mangpyiile. Mpounii meinah sapfii mpou hangninii tiisii gongle, sateichii Jehudimei mah ajaiting- shang kangto lungle,

2 JON 1:7

Kadapokii Jisu Kristanii pumzai pungsii gongpyiile katu tisei kasumeigo chuisii kahem mei hangkii sazyii pouryii lung tatpat takle. Ai ai meigo chuisii kahem mei teile–sateichii Kristago ngou karoumei teile.

HEBRUMEI 8:3

Kadapokii kanat kajum tingdi- mei hang gotei kapyii ninado kouring karat matu tang karam jangpii bam kaipyii bamle; teijangpii kanat kajum tingdipii ainiido mah pyiitoi tang karam tei bam tang karamle.

1 TIMOTHI 3:16

Nyiimah dormomah kamakum kathok sam ai kada- ziikapii dipo katu ai meikaniido mazhii kasu tei tiiwo lakle: Mpounii meinah mah pumzai pungsii gong pyiile, kasangle katu tei rangiinii mangoule sateichii sating gamlui hangnii ngoule, mpou go luihang dakii tam ralipyii takle, sateichii sazyii pouryii bamlyii hang kito malum wotakle, sateichii pumtei kava kito sating gam pangkhiitu takle.

JONNII KARYII KABI RASAM JUKAMATI 1:14

Samtam teinii pumzai ndat totakle, sateichii jumage kapyii ninado kasang teipii tokryiisii nyiikak kito lungle, Pfii mah nah sapfiimei hangniniisang hangninii roinii tiisii kalei pumtei kava takumpii nyiinii mpoumah pumtei kava tei ngoutakle.

LUKNII KARYII KABI RASAM JUKAMATI 1:35

Teito Sating gamlui teinii mpoupei dakii tamle, “Rangii kama- tei teinii go phyiiryii humpyii tangle, Sateichii sagoi kaki mah teimaham teipii n-go akhii lakpyii tangle; teijang teipii lungtang karam nah tei Saraa nah, kamatei sii lat tangle.

METIU 11:3

Gongtang karam tei nang manii kaki hangniniigo nyiinii koitangpo?

LUKNII KARYII KABI RASAM JUKAMATI 7:19

sateichii sam n-nhii tang karam jangpii Bangpii dakii mpounii lang matu takle: “Gongtang lesii Jon dwi mpum kapyiipanii tam kalei tei nang manii mak-kii, nyiinii kakimeigo koitangpo?”

HEBRUMEI 5:7

Mpounii sazyii pouryiimei tiisii lung kalei kak, katai kito mpougo keipyii wokabui kangam ah dakii hungsii kahat ninado mikdwi kapat tei njasii kariita ninado kakhang tei Jisunii pyiile, sateichii Saraago hingsii kamaning jangpii, mpougo shiipyiile,

HEBRUMEI 10:8

Mpounii kareiki tamle, “Kakarat, pyiikatoi, kouring rusii pyiikatoi ninado kem jangpii pyiikatoi hangtei nangnii marei sutakle, ninado lung- mang sutakle.” (Aihang ai ajaiting- shang taiswisii pyiitoi ai kido mpounii ai ai tamle;)