HEBRUMEI 10:33 - KARANU KABI SAMTAM

³³ Tinglang hangninii kinii gonyiigo machii doito kalet kalou tiipyii takle, ninado ju tiimashyii takle. Sateichii tinglang kaki hang- ninii kinii aitiisii tiikaleimei gotei gonyiinii haitang karam jangpii tiikada takle.

HEBRUMEI 10:33 Referans Kwoze

1 KORENMEI 4:9

Kadapokii madupii doito taitang karam mei takumpii, Saraanii nyii tiilamlwi kapyiimeigo bam tei pyiitaklesii Inii maningle, kadapokii sazyii pouryii doito, sating gam luihang doito sateichii meinah doito nyii ai hang mah mik hoi kapungmei tiitakle.

PILIPIMEI 4:14

Nlenii gonyiinii gumah kamage kalak hang pung njoi kapyii kito hangkapii bitakle.

PILIPIMEI 1:7

Gonyiihang jangpii Inii aitiisii maning majyiile, kadapokii gonyiinii gulung kito leile, sateichii n-gu sagyiirengpii kapei tinglang kak, sateichii kabi rasam katam kito, saryii tiisii kadang kito, sateichii tiisangting katu, gonyii hangnii n-gu kaswisii jumage kati mah njai dou njoi katu meihangle.

HEBRUMEI 11:36

sateichii kakimei hang- teinii hoksii kanui ninado tingrang lak katu, sagyiirengpii kapei ninado kabang kikii bang katu tei leh wotakle.

1 THESOLONIKAMEI 2:14

Kadapokii kangsanamei, Judiya kito kalei, Jisu Krista dato kalei Saraanii lat mpat kalumei jai karalimei tei tiitakle; kadapokii ahnyiinii Jehudimei dato kamage kalak doukatu takumpiinii, gonyii- niido tei takumpii njoisii gonyiinii gonyiimah sazyii kito kaleimei dato kamage kalak tei doutakle.

HEBRUMEI 13:13

Teijangpii nyiiniido mpoumah ka-nrou njai tei dou njoitang karam jangpii namki saba mpou datei tat tude.

HEBRUMEI 11:26

Izip mah kani kahiigo sungnii Krista mah ngou kasaba teinii kisii mai teeng kile sii mpounii poi wotakle. Kadapokii tinglang kanaki doutang karam alangh tei mpounii jubamle.

2 TIMOTHI 1:8

Nyii Bangpii jangpiinii sakchyii kapyii tei nrou sulo mak-kii Krista jangpiinii kabangki kaleimei tiisii kalei gujangpii nrou sulo nlenii Saraamah teimaham taiswisii kabi rasam jangpii kamage kalak tei leh njoipyiilo.

2 KORENMEI 12:10

Krista jangpii Inii kasui hang kito, kalet kalou katii kito, kahung kanang kito, kaset kalak kapyii kito, sateichii kamage kalak kiteito Inii lung samoule, kadapokii Inii suisii kalei tinglang kak Inii teimaham tei leile.

HEBRUMEI 12:4

Kada- pokii gonyiinii kemgo saryii tiisii kalei kiteito joumang kalei gonyii mah zai katangpii gonyiinii nam womakle rei.