HEBRUMEI 10:29 - KARANU KABI SAMTAM

²⁹ Teitii leponii jumage kapyii mah rangiigo kalet kalou katii, ahgo kem kito tiimatei kapyii Saraamah zaimah sat tang karam samtam go mai kamalamah pot hangninii takumpii poikalei, Saraa nah sapfii mpougo mazhii kasu gotei kadaziikapii kaki kadwi karat tei doumajyiile sii gonyiinii maning leipo?

HEBRUMEI 10:29 Referans Kwoze

HEBRUMEI 6:6

ahnyiigo nlailoisii lung kali matu katu katang kiteikii kailoi katu tei tiipeiwo lakle; dapokii ahnyiinii Saraa nah sapfii mpou gotei ahnyii jangpii Krosh gamki gisii, mpougo madurahapii tii nrou aitakle.

IPISAMEI 4:30

Sa- teichii Saraamah rangii kamatei gotei swi tiimashyii sulo; kadapokii Saraanii gonyiigo matapii laat ka-mpat leimik tei gong tangle katu mah soisang soikalak, gonyii phyii- ryiito apum tiisii kalei Saraamah siiti tei rangiile.

1 KORENMEI 11:27

Teijangpiinii lukai majyii kasu jai teipii Bangpii mah tiirok kachii mak-kii peek kito kasakmei hangtei Bangpiimah pum sateichii Bangpii zai kito tiima aitakle.

LUKNII KARYII KABI RASAM JUKAMATI 12:10

“Sateichii Meinah Sapfii Mpou phyiiryiikii sam katam mei hang go magapyii tangle; nlenii Rangii kama- tei phyiiryiikii tam kamashyiimei goteinii magapyii lakle.

HEBRUMEI 2:3

Teitii leponii tei kakum kadi keikapyii karing gotei nyiinii alung liit suleponii, kada takumpii nyiinii nlek wotangpo? Bangpii sekpiinii karei reisang kito keikapyii karing ai saa mpat takle, sateichii mpounii katam swikasumei hang teinii maning kariirhii gasii ai ai kasangle katupii nyii dakii ma- ngoutakle,

TIILAMLWI KAPYIIMEI THA JUKAMATI 7:51

“Gonyii kadaziikapii kamalum gapo? Gonyii lung ai kadaziikapii teipo? Saraa sam shii tang karam kito gonyii khoi ai kadaziikapii teipo! Gonyii ai gonyii pfii gonyiipoumei takum takle; gonyiiniido rangii ka- mateigo mazhii makle!

HEBRUMEI 12:25

Tamkalei ah gotei gonyiinii mazhii kasu tiisii sakai wolo. Kadapokii sazyii pouryiito ahnyiigo tiilosii tam kakhat katu ah gotei ahnyiinii mazhii kasu kito ring sutakleponii, sating gamto tiilosii tam kakhatpyiisii kalei ah dateito nyiinii nlek wosekchii, nlailoisii kadaziikapii kisii ringlak takpo!

HEBRUMEI 9:13

Kadapokii amyiinah ninado twom madang hangmah zai ninado twomnah hangmah rukatu buinei tei kanat lamto matei kasu meihang gamkii kajuikai leile sateichii kanat lamto matei kasu hangtei poitoi katu aipiinii ahnyiigo tiimateipyii leile.

1 KORENMEI 11:29

Kadaponii mpounii chii kalei tiirok sateichii peek kito sak kalei kaktei Bangpii mah pum mah kaang tei mpounii jutisu leponii, mpounii kachii tiirok ninado kasak peek teipii mpounii mpou roinapii mpou phyiiryiikii samtak katii tei pung gong takle.

HEBRUMEI 6:4

Kadapokii binii swi tii-mvapyii kalei, sating gam mah luha masei kalei, sateichii rangii kamatei mah njai dou njoi kalumei,

HEBRUMEI 2:11

Kadapokii tiimatei kapyii ahdo, tiimateipyii kalei ahnyiihangdo Pfii hangninii datole. Teijangpii Jisunii ahnyiigo mpou kangsanameile sii lat katu nroumakle,

JONNII KARYII KABI RASAM JUKAMATI 17:19

Ahnyiihang godo kasang teipiinii tiimateipyii ma- tutang karam jangpii, ahnyii jangpii Inii guroinapii n-gu pyiitoi leile.

METIU 7:6

“Kamatei pot tei Achyiigo pyiisulo sateichii mai kating sana kangtei bak doikii toikai pyiisulo, ahnyiinii pipii kapiidiit tangle satei- chii nryiigong n-go deng aitangle.

HEBRUMEI 13:20

Aitoinii kalui gasii sat tang karam samtam mah zai teipiinii Jaonah mah kadi Jao kakoipii, Nyii Bangpii Jisugo katai kito tiima- ringloi kapyii,

JONNII KARYII KABI RASAM JUKAMATI 10:36

Inii Saraa nah sapfii mpoulesii Inii tam katu jangpii, Pfiinii kalai wosii sazyii pouryiikii lang m-mang kapyii ah gotei, nang Saraago tam mashyiilesii mpoumah kaang kito gonyiinii tam leipo?

HEBRUMEI 9:20

“Ai ai Saraanii gonyii dakii kakhatpyii kabam sat tang karam samtam mah zai teile.”

1 KORENMEI 15:25

Kadaponii ngou karoumei hang gotei Saraanii Krista mah pi pazhii kangkii kaipyii kasuta, Kristanii magongsii lungtang ka- ramle.

ROMMEI 16:20

Teitii- leponii kamajung mah Saraa teinii seitan gotei kalangsii gonyii pi kang- kii koumang biitnai matu tangle. Nyii Bangpii Jisu Krista mah jumage kapyii tei gonyiigo kaswipyii matulo.

METIU 26:28

“Kadapokii ai ai kem kito kaleipyii tang karam mei hangka jangpiinii majou mang kapyii sat tang karam karanu samtam mah gumah zai teile.

1 KORENMEI 15:27

Kadapokii kabi rasam kito tamle, “Saraanii mahlyii hangtei mpou pi pazhii kangkii kaitakle.” Nlenii aikito bam kalei “Mahlyii- hang” katu samkang aiki ai Krista kangkii mahlyiihang go kaipyiisii kalei, Saraa mpou sekteinii haimakle.

MARK 7:2

Teito Jisu boumei kangkanii matei kasu katunii bah baitek supiinii tiirok chii kalei tei ahnyiinii ngoutakle.

1 KORENMEI 6:11

Sateichii gonyii mei kangkanii teitakumpii leile. Nlenii nyii Bangpii Jisu Krista zei kito sateichii nyii Saraamah rangii kito gonyiigo shyiido shyii matei pyiitakle, tiido tiimateipyii takle sateichii tiido tiimajyii tiimatuipyii takle.

IPISAMEI 5:26

Dwi kito shyiisii tii- matei kalei tai charshgo Saraa dakii pyiitoi tang karam jangpii, mpounii ai ai tiile.

HEBRUMEI 4:14

Saraa nah sapfii mpou Jisu, sating gam hang ki pitang kalu kadi kanat kajum tingdipii nyiimah kalei taiswisii, nyiinii tam ka-mpat tei sangtingsii jumde.

HEBRUMEI 10:10

Meihang jangpii binii Jisu Kristamah pumrong pyii katoi teimah kamaning kamazhii pai- kito nyiihang go tiimateipyii takle.

MATIMANGOU KAPYII 1:5

Sateichii malum kabui sakchyii, kataimei kak kito ringkhii karei, sateichii sazyii pouryii hangmah apum tiikalei Jisu Krista dato jumage kapyii ninado kamajung tei gonyiigo kaswipyii matulo. Nyiigo lungsyii kapyii mpoumah zai teipiinii nyiimah kem kito nyiigo laat mpatpyii takle;