HEBRUMEI 10:28 - KARANU KABI SAMTAM

²⁸ Moses mah ajaitingshang go swikasumei hang gotei, meihangna mak-kii, teisung moisii kalei sakchyii teinii samtak tiisii kama tei dou wosek-kii, mah kado lungkasyii tei gasii girang leile.

HEBRUMEI 10:28 Referans Kwoze

HEBRUMEI 2:2

Nyiipei nyiipaomei dakii sating gamluinii pyii katu samtam tei kasangle katu mangou takle, sateichii teigo tei swikasu mak-kii katam swikasumei teinii mpounii doukamajyii kadwi karat tei doutakle.

2 KORENMEI 13:1

Aitoinii Inii gonyiida roigong tang karam aipii hangtum kashangle, meigo tam kamashyii sam hangtei mei hangna mak-kii hangtum mah sakchyii teipii jumtang karamle kabi rasam kito katam takumpii,

JONNII KARYII KABI RASAM JUKAMATI 8:17

Gonyii mah ajaitingshang kito mei hangna mah sakchyii teinii kasangle katu tei ryiibamle.

METIU 18:16

Nlenii nangnii katam tei mpounii shiisu leponii, sakchyii hangna hangtum mah mwi kito samkang hangtei sat matutang karam jangpii, mei hangninii mak-kii mei hangna n-go kaswisii hai wolo.

JEMS 2:13

kadapokii lungsyii kapyii mangou kasu ah dakii samtak katii teinii lungsyii kapyii tei haimakle; nlenii lungsyii kapyii teinii samtak goteinii ngamle.

ROMMEI 9:15

Kadaponii mpounii Moses dakii tamle, “Inii jumagepyii kanyiimei kata hangniniigo Inii jumage pyii- tangle sateichii Inii lungsyii kanyii- mei kata hangniniigo Inii lungsyii tangle.”

HEBRUMEI 12:25

Tamkalei ah gotei gonyiinii mazhii kasu tiisii sakai wolo. Kadapokii sazyii pouryiito ahnyiigo tiilosii tam kakhat katu ah gotei ahnyiinii mazhii kasu kito ring sutakleponii, sating gamto tiilosii tam kakhatpyiisii kalei ah dateito nyiinii nlek wosekchii, nlailoisii kadaziikapii kisii ringlak takpo!