HEBRUMEI 10:25 - KARANU KABI SAMTAM

²⁵ Kangkanii tiisii kalei takumpii, nyii hangnii gong ndwi kalei tei nyiinii matou sude, nlenii Bangpiimah leimik tei nagong bui buisii kalei tei gonyiinii ngoukatu taiswisii, hangninanii hangniniigo kisii lung tiimakhiide.

HEBRUMEI 10:25 Referans Kwoze

TIILAMLWI KAPYIIMEI THA JUKAMATI 2:42

Sateichii ahnyiinii tam ralikapyii kito, riita ndwi kiteito, tiirok tiirak katu kiteito sateichii kariita kiteito taksupiinii lungliitsii tiile.

METIU 18:20

Kadapokii gu zei kito hangna mak-kii hangtumnii ndwi kalei kitei Inii ahnyiigo kaswisii leile.”

1 THESOLONIKAMEI 5:11

Gonyiinii tiikalei takumpii, gonyii hangninanii hangniniigo lung tiimakhii pyiilo sateichii hangninanii hangniniigo tiimakhii halo.

HEBRUMEI 3:13

Nlenii gonyii kata kangkago kem mah kasang kasu chuisii kahem teipii gonyii lung tei teimatu kasu tiisii “Tingnei” katu lat kaleita tei, sating kata hangninanii hangniniigo lung tiimadilo.

HEBRUMEI 10:24

Hangninanii hangniniigo tiihasii lungkasyii mangou tang karam ninado kabi tha tiitang karam jangpii, hangninanii hangninii jang- pii maningde.

1 KORENMEI 5:4

Gonyiinii gong ndwi katukak, sateichii Inii gonyiigo gu rangii lamto kadou katu kak, nyii Bangpii Jisu Krista mah teimaham kaswisii,

1 THESOLONIKAMEI 4:18

Teijangpii gonyii hangninanii hangniniigo samtam hang aipii lung tii ntapyiilo.

TIILAMLWI KAPYIIMEI THA JUKAMATI 2:1

Pentikos piinei leimik tei gongsek-kii, kamalum meihang teinii bam hangninii kito gong nduiwo takle.

TIILAMLWI KAPYIIMEI THA JUKAMATI 20:7

Sateichii hapta kito karei piinei leimik tei nyiinii tiirok tiirak tang karam jangpii gong ndwi katu tinglang kak, Polnii supounei tatpat tanglesii maning kalu kito ahnyiigo tampyii ralipyii sanii mpounii sam katam tei tinghum asumkii pitakle.

1 KORENMEI 14:3

Nlenii Saraa sam tam ka-mpat ah teinii meinah dakii ahnyii jangpii tiikamakhii, lung tiikamadi sateichii lung tiisamou kapyii sam tam pyiile.

ROMMEI 12:8

Meigo lung tiimaring tang karam mah leponii, nyiinii teitei tiitang karamle, meigo njaipyii kaleimei hangteiniido kamathii katu gasii tiitang karamle; apum tiitang karam mah teimaham kajum meihang teinii, teisii tha tiitang karamle, meigo lungsyii kapyii tha tiikamangou mei teiniido, nta ntasii tiitang karamle.

PILIPIMEI 4:5

Gonyii lung kamanoi tei mei- hangnii timatulo, Bangpiinii kalangsii gong leile.

2 PITAR 3:9

Mei kangkanii kamanyiisii maning kalei takumpii, mpounii tiitanglesii riishii tiikabam tei tiitang karam jangpii Bangpiinii manyii makle, nlenii mpounii gonyii jangpii lung lehpyiile, mpounii mei kagodo tiimaganyii makle, nlenii meihangnii lung kaligong katu mareile.

JEMS 5:8

Gonyiido lung lehtilo, gonyii lung tiisangtinglo, ka- dapokii Bangpiimah kagong tinglang tei natakle.

1 KORENMEI 14:23

Teijangpii Charsh hangnii gong ndwisii mei kalei kaga hangnii lat katham katham tiisii tamtu leponii, sateichii sabamei mak-kii malum kasumeinii tatliit leponii, gonyii n-goklei lesii ahnyiinii tam lakpo?

JUD DATO KAGONG CHITI JUKAMATI 1:19

Aimei ainii meigo tiikapak, saram koumah tingshangrali katat, rangii doukasumei teile.

2 PITAR 3:14

Teijangpii lungkasyiimei, gonyii- nii aijangpii koikalei taiswisii, mpou mikjot kito sajek ninado kama gasii, majungsii gonyiigo mpounii dou wokabui tiilo.

1 PITAR 4:7

Mahlyiihang mah kalui tei natakle, teijangpii gonyii roinapii gonyii pumpot jum majyii jum matuiwolo, sateichii riita wokabui tiisii sakai wolo.

2 PITAR 3:11

Mahlyii hang ai aitiisii gatu tang karam taiswisii Saraamah leimik gong tang karam tei, koisii koisii sateichii kalangsii gong matu- nyiisii, mateisii kalung kito ninado Saraa kamaning kito gonyiinii kada kakum mei tiitang karampo!

1 KORENMEI 11:20

Gonyiinii gong ndwi katu kak, gonyiinii kachii tei Bangpii mah takbai makle.

1 KORENMEI 3:13

Kadapokii Krista mah leimik piinei teitei mangou tangle, kadapokii teitei mipiinii tam mangou tangle sateichii mei nsang nsangnii tiikabam tha tei kadapeipo katu mipiinii ruju tangle, sateichii ah mah tei kabimanii kashyiipo katu tei mangou tangle,

TIILAMLWI KAPYIIMEI THA JUKAMATI 16:16

Tingneikii nyiinii kariita bamki tat leibangpii sara kashyii kaswi kalei, ki kalei ralhiimeinah hangni- nanii nyiigo kadou wotakle, sara kashyii teinii mpoupeigo pat kasunakii reipii tam mpat kabuimah teimaham tei pyii leile. Mpoupeinii Peimhiisii gongtang karam sam tam kapyii kito mpoupei mah apum meihang teinii hangkapii sana liipat dou woleile.

METIU 10:15

Inii gonyii dakii kasangpii tam leile, samtak katii piinei namdi teigo teisungnii Sodom ninado Gomara go Saraanii kisii lungkasyii tei mangou tangle.

JONNII KARYII KABI RASAM JUKAMATI 12:48

N-gu mazhii kasu ninado gusam lukasu ahgotei samtak tiitang karam hangninii leile, Inii tam kabam sam teipiinii kalui piinei leimik mpoumah samtak tiitangle.

HEBRUMEI 10:37

Kadapokii kabi rasam kito tamle, “Tinglang shangniikii tai gongtang karam ahtei gong tangle, sateichii ahnii rilakle.

HEBRUMEI 13:22

Kangsanamei, Inii gonyiigo khang leile, lung tiikamadimah sam tei leh pyiilo, kadapokii Inii gonyii dakii dwisii ryiipyii bamle.