HEBRUMEI 10:24 - KARANU KABI SAMTAM

²⁴ Hangninanii hangniniigo tiihasii lungkasyii mangou tang karam ninado kabi tha tiitang karam jangpii, hangninanii hangninii jang- pii maningde.

HEBRUMEI 10:24 Referans Kwoze

1 THESOLONIKAMEI 5:11

Gonyiinii tiikalei takumpii, gonyii hangninanii hangniniigo lung tiimakhii pyiilo sateichii hangninanii hangniniigo tiimakhii halo.

1 JON 3:18

Gunahmei, nyiinii samkangpii ninado sam katam kamalhiipii lungsyii sude, nlenii tha teipii sateichii kasang teipii kalungsyiide.

HEBRUMEI 13:1

Sung kating taikarhii mah kalungsyii katu tei taksupii leimatulo.

GALATIMEI 5:13

Kadaponii kangsanamei, Go- nyiigo rangra tiimatu tang karam jangpii Saraanii lat totakle; pum- zainii kamarei ka-ntha tiitang karam jangpii gonyiimah rangra katii tei jum sulo, nlenii lungkasyii kito hang- ninanii hangninii mah anga ngalo.

KOLOSIMEI 3:16

Kristamah samtam tei gonyii lung kito moisii leimatulo, swirek kabi hang kito hangninanii hangniniigo ralipyiilo sateichii dwisii tiimajyii tiimatui pyiilo, sateichii Saraago tam kamatoi lhii, Saraago kamata lhii ninado rangii lhii hang- teipii gonyiihang lung kito Saraago hakalang katam teipii lhii tei tiilo.

TAITAS 3:8

Tam kalei ai kasangle, Saraago kamalum mei teinii kabi tha tiitang karam jangpii, ahnyiimah tinglang tei ahnyii roinapii jumatou kabui tiisii nangnii tiigatpii kaang aihang ai tam kapyii Inii mareile, aihang ai meihang jangpii bi kabui ninado liipat doukabui mareile.

1 TIMOTHI 6:18

Ahnyiinii kabi tei tima- tulo, kabi tha kito mahni matulo, meigo pyiiti matu katu ninado seiti matulo;

HEBRUMEI 13:3

Kabang kilungto kalei ahnyiigo gonyiinii kaswisii bang kabam tiisii kalei takumpiinii maning gonglo; ahnyii takumpii gonyiiniido kamage kalak pung leile katupii, kamage kalak pungsii kalei ahnyiigo maning gonglo.

GALATIMEI 6:1

Kangsanamei, kem kamaki takliit kaleimei hangniniigo jum woleponii, rangii lamto kalei, gonyii- nii ahgo tiimajyiipyii tang karamle. Nlenii teitei gonyiinii sotniimakpii tiitang karamle, sateichii n-godo hemwo kasu tiisii, goroinapii n-go julo.

1 KORENMEI 10:33

Inii katii takumpii tiilo; Inii gumah kabi jangpiinii maning supii, nlenii meihang mah kabi jangpiinii maningsii, katii kapung hang kito Inii dzyii karanga tiitang karam jangpii tiile. Kadapokii ahnyiinii keikapyii tei douwo tang karam jangpii.

GALATIMEI 5:6

Kadapokii Krista Jisu dato tiigyii kamalem mak-kii tiigyii malem kasu teipii mah kado tham kaki gale. Nlenii lungkasyii paito tha tiikalei kamalum teile.

2 KORENMEI 8:8

Ai ai kakhatsam hangninii takumpiinii Inii tam makle, nlenii Mesidoniya kito kalei charsh charsh hangnii kadaziikapii lungliitsii pyii leipo katu kamangou teipii gonyiimah lungkasyii ai kadaziikapii kasangpo katu tei Inii fii-mpat tang karam jangpii Inii tiileile.

TIILAMLWI KAPYIIMEI THA JUKAMATI 11:29

Sateichii Judiya kito kalei kangsanameigo meihangpii mpou mpounii kangam taiswisii tiiha kamaga matutang karam jangpii boumei teinii raangsii maning wotakle.

2 THESOLONIKAMEI 3:9

kadapokii nyiimah majyii kaga jangpii makle, nlenii gonyiinii nyiijai rali matutang karam jangpii, nyiimah jairali kito gonyiigo nda tiisii tiima- ngou tang karam jangpiile.

GALATIMEI 5:22

Nlenii rangiimah riiti teinii, lungkasyii, ka-nta, kamajung, lung leh kati, lungsyii kati, kabi, maning makhang wokabui,

2 KORENMEI 9:2

Kadapochiinii gonyiinii tiiha kanyii tei Inii tile, teipiinii Inii gonyiimah kaang kito Mesidoniya kito kaleimei doito detdile, katunii Akaiya kito kalei kangsanameinii, ntaikumto tiiha tang karam jangpii datii wotakle sateichii gonyiinii lungliitsii tiikanyii teipiinii ahnyiigo lung tiimatu pyiitakle.

ROMMEI 12:15

Ranga kaleimeigo kaswisii rangalo; hat kaleimeigo kaswisii hatlo,

TAITAS 2:4

Saraamah samtamgo tam mashyii matu kasu tiisii, sapwi- mei karanumeinii ahnyii naamei ninado ahnyii nahmeigo lungsyii matutang karam,

1 KORENMEI 9:22

Inii kamalum kasuimeigo douwo kabui jangpii, kamalum kasuimei dato Inii kasuimei hangninii takum takle; katalyii tiisii Inii mei kangkago keiling tang karam jangpii, Inii mahlyii mitakle meihang dato.

1 THESOLONIKAMEI 1:3

Kadapokii gonyiimah kamalum tei dakumpii poisii tha tiileipo, gonyii mah lungkasyii teinii dakumpii gonyiigo teisii tha tiimatupo, satei- chii nyii Bangpii Jisu Krista dakii gonyii maning kamalum tei daziikapiinii sangtingpo katu tei nyiinii maningle.

ROMMEI 11:4

Nlenii mpoudakii Saraanii khela kapyii tei kadalesii tampo? “Bal dakii nkwimang kok kum kasumei tang sana tei Inii Gujangpii kaibam takle.”

HEBRUMEI 3:13

Nlenii gonyii kata kangkago kem mah kasang kasu chuisii kahem teipii gonyii lung tei teimatu kasu tiisii “Tingnei” katu lat kaleita tei, sating kata hangninanii hangniniigo lung tiimadilo.