HEBRUMEI 10:22 - KARANU KABI SAMTAM

²² Teipiinii kabi kashyii tikabui kama lungswi kiteito tiimatei kalei ninado dwi kamatei piinii shyii matei kalei pumrong hangtei pung- sii, lung kamatei ninado soikalak kamalum teipii nyiinii Saraada manang gongde.

HEBRUMEI 10:22 Referans Kwoze

JONNII KARYII KABI RASAM JUKAMATI 3:5

Jisunii khekalatle, “Inii godakii kasangpii tam leile, mei kata hang- ninanii dwi ninado rangii kito manaa kasutanii ahnii Saraa mah sating sazyii kitei liitpei wolakle.

1 PITAR 3:21

Dwi ainii teimah ajai nda tei tiisii, katunii, dwi ka-mpum teipiinii, aitoi gonyiigo keipyiile, pumpotmah kahong kara poitoi tang karam jangpii makle, nlenii Jisu Kristamah ringkakhii paikito lung mateisii Saraa dakii riishii katii teile.

IPISAMEI 5:26

Dwi kito shyiisii tii- matei kalei tai charshgo Saraa dakii pyiitoi tang karam jangpii, mpounii ai ai tiile.

1 KORENMEI 6:11

Sateichii gonyii mei kangkanii teitakumpii leile. Nlenii nyii Bangpii Jisu Krista zei kito sateichii nyii Saraamah rangii kito gonyiigo shyiido shyii matei pyiitakle, tiido tiimateipyii takle sateichii tiido tiimajyii tiimatuipyii takle.

HEBRUMEI 7:19

Kadapokii Moses mah ajaiting- shang teinii samah kado bimatwi matu womakle, sateichii kisii bikaki maning kamalum gotei pung gongpyiile, teimah paikito nyiinii Saraa mah bam kitei manang gongle.

2 KORENMEI 7:1

Lungkasyii gukanghemei, riishii aihang ai nyii dakii pyii kabam taiswisii, nyiinii nyii roinapii nyii pum ninado nyii rangiigo tiihangsii kalei matum madum kito tiimatei aisii, Saraago dzyiirousii kahing kito nyii mah kamatei tei mashang matwileje.

HEBRUMEI 4:16

Teitii leponii nyiinii tiikaha mareisii kalei kak, lungsyii kati doutang karam ninado jumage kapyii tei nyiinii ngoutang karam jangpii, lung kalum tei kaswisii jumage kapyii mah sagongbam kitei nyiinii tat manang liitde.

HEBRUMEI 12:24

sat tang karam karanu samtam tiida kapyii Jisuda, ninado Abel mah zai sung kisii kabi pyiitangle sii tamsii kalei kajui kakai zai datei gonyiinii manang gong wotakle.

TAITAS 3:5

nyiinii kasang kamajyii kito tiikabam tha kito makle, nlenii mpoumah lungsyii kapyii kito mpounii nyiigo nlai loisii kamanaamah dwi shyii kamatei ninado rangii kamatei mah tiiranu kapyii kito mpounii nyiigo keipyii takle.

1 PITAR 1:2

Apfii Saraamah kama- ning kamarei ninado reipiinii tikalei taiswisii gonyiigo kalai wotakle, sateichii mpoumah rangii teipii gonyiigo kamateimei hangninii tiipyii takle; Jisu Kristanii katam swisii mpoumah zai teipiinii tiima- teipyii matu tang karam jangpii: Jumage kapyii ninado kamajung tei gonyii dato moibui matulo.

IPISAMEI 3:12

Mpougo nyiinii kamalum paikito ninado nyiinii Kristago hangninii tiisii nja kalu kito, maning kamalum hangteipii lungnyii lunghou katu gasii lungdisii Saraa doi liit tang karam tei nyiinii doule.

JEMS 4:8

Saraada manang liitlo, teito mpounii gonyiida manangliit pyii tangle. Gonyii bah tiimatei ailo, gonyii kem kama mei, sateichii gonyii lung tiimatei ailo, gonyii lungswi hangna kapungmei!

HEBRUMEI 9:19

Kadapokii ajaitingshang hangmah kakhatsam hangtei Mosesnii meihang dakii saa ka-mpat tinglang kak mpounii twomnah ninado amyiinah hangmah zai tei dwi, langkong kaghang, ninado hyssop tei kaswisii poisii larekbung ninado meihang gamkii kajuikai pyiisanii tamle,

METIU 3:11

“Lungkali kalu jangpii Inii dwi kito gonyiigo dwi mpum pyiile; nlenii gutaito gongtang karam Ah teinii gudoito dikile; Inii mpoumah pichot kapoi katangdo tiikajyii makle, Ahnanii gonyiigo rangii kamatei kito ninado mipii dwi mpumpyii tangle.

JEMS 1:6

Nlenii ahnii maning kariirhii tei gasii kamalum kito khang matulo. Dapokii maning kariirhiimei hangteinii tingkainii gwipungsii katat ninado gwipat gwiliitsii kalei dwijaimah nloi kalei dwi n-now tei takumle.

HEBRUMEI 11:28

Nah lung karei hang go kataimah rangii teinii ahnyiigo deng matu kasu tiisii, kamalum kito kaa- kamaju mah takbai ninado takam gamkii zai kajuikakai tei mpounii tiimakhii takle.

HEBRUMEI 10:19

Teipiinii gukangsanamei, Jisunii taikapyii teipii kamatei bamni liit tang karam mah laat kabam tei nyiinii doutakle.

HEBRUMEI 9:10

Kadapokii ahnyiinii kachii kasak ninado tiikamatei mah kanat hang gotei kaswisii kalei taiswisii, aihang ainii bitang karam jangpii tiikaliloi katumah tinglang tei gong kasuta jumtang karam poumah tat kalei ajaihang teile.

1 TIMOTHI 4:2

ai ai kachuimei mah kabijai tiikanyii kito patle, sateichii ahnyiinii ahnyiimah kasang kama- jyii tikabui lungswi kikii miru kama- gang sagyiipii rusii kaleimei teile;

MATIMANGOU KAPYII 1:5

Sateichii malum kabui sakchyii, kataimei kak kito ringkhii karei, sateichii sazyii pouryii hangmah apum tiikalei Jisu Krista dato jumage kapyii ninado kamajung tei gonyiigo kaswipyii matulo. Nyiigo lungsyii kapyii mpoumah zai teipiinii nyiimah kem kito nyiigo laat mpatpyii takle;

IPISAMEI 6:5

Kikaleimei, kahing ninado ka- nchyii tei njasii Krista dakii tiikalei takumpiinii lung mateisii gonyiimah sazyii pouryiimah apum meinii katam tei swilo.

TIILAMLWI KAPYIIMEI THA JUKAMATI 8:21

Atha aiki aito go njai mak-kii golangh samah kado gale, kadapokii golung matei makle.

JONNII KARYII KABI RASAM JUKAMATI 8:9

Teito ahnyiinii ai shiiwosek-kii, kating sekto housii nsang nsangpii tat tutakle; sateichii Jisu roinii nei sumto kalei sapwi mpei tei roinii leitakle.

LUKNII KARYII KABI RASAM JUKAMATI 1:1

Lungkasyii Theophilas: Nyii kakto pat kalei nha aigo mei moinii ryiisii bamtakle.

TIILAMLWI KAPYIIMEI THA JUKAMATI 22:16

Sateichii aitoi nang kadajangpii koileipo? Gungtu sat wolo, Bangpii zeigo latsii dwi mpum wolo sateichii gokem hangtei shyii mateilo.

HEBRUMEI 6:11

Sateichii gonyiinii mahat supii, kamalum ninado lung leh kati paikito riishii tiikabam tei doukalu ahnyiimah jai karalimei tiitang karam jangpii,

HEBRUMEI 10:1

Kadapokii ajaitingshang tei- nii ai kasang hang mah ajai agok kasang teisupiinii gong tang karam kabi hang mah khiina katu taiswisii, tingkum satui taksupii pyiitoisii kalei njoi katu kakarat hang teipiinii Saraada manang kagongmei hang gotei sajek kaga tei tiisang tiipeiwo lakle.