HEBRUMEI 10:10 - KARANU KABI SAMTAM

¹⁰ Meihang jangpii binii Jisu Kristamah pumrong pyii katoi teimah kamaning kamazhii pai- kito nyiihang go tiimateipyii takle.

HEBRUMEI 10:10 Referans Kwoze

HEBRUMEI 10:14

Kadapokii mpounii binii pyiikatoi teipii tiimatei kaleimei hang go kalui kaga jangpiinii sajek kaga tei tiipyii takle.

HEBRUMEI 10:12

Nlenii Kristanii kem jangpii karat binii sek-kii kalui kaga jangpii pyiitoi aisanii Saraa- mah bah ajiilam teito bam takle.

1 KORENMEI 6:11

Sateichii gonyii mei kangkanii teitakumpii leile. Nlenii nyii Bangpii Jisu Krista zei kito sateichii nyii Saraamah rangii kito gonyiigo shyiido shyii matei pyiitakle, tiido tiimateipyii takle sateichii tiido tiimajyii tiimatuipyii takle.

HEBRUMEI 7:27

Kanat kajum Tingditupii teinii karei reisang kito ahnyii mah kem jangpii, sateichii tei taito meihangmah jangpii sating kata kakarat pot pyiitoi kalei takumpiinii, mpounii tiitang karam kabi tei gale, mpounii mpou roinapii mpougo pyiikatoi tinglang kak, mpounii ai ai binii ahang jangpiinii tiitakle.

JONNII KARYII KABI RASAM JUKAMATI 17:19

Ahnyiihang godo kasang teipiinii tiimateipyii ma- tutang karam jangpii, ahnyii jangpii Inii guroinapii n-gu pyiitoi leile.

HEBRUMEI 13:12

Mpoumah zai sekpiinii meinahgo kem kito tiimatei pyii tang karam jangpii Jisuniido namdimah sabato taipyii takle.

1 KORENMEI 1:30

Nlenii Saraanii gonyiigo Krista Jisu dakii poi njapyii takle, sateichii Saraanii nyiijangpii Krista aigo nyiimah swirek kabi tiipyii takle, mpou paikito nyiihang go Saraa doito tiimadi pyiitakle; nyiinii Saraa mah kamateimei tiitakle sateichii matapii laat mpatpyii takle.

HEBRUMEI 9:28

meihang mah kem hangtei pungpyii tang karam jangpii, binii pyiitoi kalei Krista teinii kem jangpii supiinii, mpougo saryiisii koikalei meihang go keipyii tang karam jangpii, hangna kashang tiisii gong tangle.

HEBRUMEI 9:12

Kristanii matei kaki bam kitei meihang jangpii binii tat kaliit tinglang kak, kakarat pot hangninii tiisii Saraa dakii pyiitoi tang karam jangpii mpounii amyiinah ninado twomnah mah zai tei poimakle, nlenii mpoumah zai sektei mpounii poi wotakle ninado kalui kaga kaleikapyii karing tei nyii jangpiinii doupyiile.

1 PITAR 2:24

Kem kito tai aisii nyiinii kasang kamajyii kito ringtang karam jangpii mpou sekpiinii Krosh gamto mpoumah pumpot kikii nyiimah kakui kama hangtei pungpyii takle; mpoumah rajam jam teipiinii gonyiigo tii mbipyii takle.

HEBRUMEI 10:20

Mpounii nyii jangpii kalampei kitei katunii, mpou- mah pumrong paikito, karing pwidi, pwidi kasatai hangninii laatpyii bamtakle.

HEBRUMEI 9:26

Teitii leponii, mpounii sazyii pouryii tii mpat saroisekto nlai nlai loisii kamage kalak tei pungsii lei tangle. Nlenii aitoinii meilui meiha kalui kito mpouroinapii mpougo karat kapyii teipiinii kem tei poitoi matu tang karam jangpii mpounii kalei kaga hang jangpiinii binii tat liitpyii takle.

HEBRUMEI 2:14

Mpounii lat kalei nahmei hangtei pum zai kapungmei katu taiswisii, Jisunii ahnyii mah njoi tei poi wotakle, sateichii nunuto kalei meinah mah jaitalui tei Jisunii dou njoi takle. Mpoumah katai paikito kataimah teimaham kabam, seitan gotei mpounii tiimaga kabui tiisii mpounii ai ai tiile.

1 JON 5:6

Dwi nei zai njasii kagong mpou tei aile, katunii, Inii Kristale, dwi teiroinii supii, dwi nei zai kaswisii gongle.

JONNII KARYII KABI RASAM JUKAMATI 19:34

Nlenii saryiimei hangninanii mpoumah katu kalaat kikii angiipiinii hui takle, sateichii binasek-kii zai ninado dwi tei pat takle.

HEBRUMEI 2:11

Kadapokii tiimatei kapyii ahdo, tiimateipyii kalei ahnyiihangdo Pfii hangninii datole. Teijangpii Jisunii ahnyiigo mpou kangsanameile sii lat katu nroumakle,

HEBRUMEI 10:5

Teijangpii mpounii sazyii pouryii kagong kak tamle, “Kakarat ninado pyiikatoi hangtei nangnii marei sutakle, nlenii nangnii gujangpii pumrong hangninii tiikadapyii bamtakle,

JONNII KARYII KABI RASAM JUKAMATI 6:51

Sating gamto kahum ringkalei tiirok tei I-le, mei kata hangninanii tiirok ai chii le- ponii, kalui gasii ringtangle sateichii sazyii pouryii meinii ringtang karam jangpii Inii pyiitang karam tiirok tei gumah kamyii teile.”

IPISAMEI 5:2

Sateichii Kristanii nyiigo lungsyii pyiisanii, nyii jangpii mpou- mah pumsekpii pyiitoi tang karam manam kabi pot hangninii tiisii, Saraa dakii karat kapyii takumpii gonyiinii lungkasyii kito tatpyiilo.

IPISAMEI 5:26

Dwi kito shyiisii tii- matei kalei tai charshgo Saraa dakii pyiitoi tang karam jangpii, mpounii ai ai tiile.

HEBRUMEI 5:7

Mpounii sazyii pouryiimei tiisii lung kalei kak, katai kito mpougo keipyii wokabui kangam ah dakii hungsii kahat ninado mikdwi kapat tei njasii kariita ninado kakhang tei Jisunii pyiile, sateichii Saraago hingsii kamaning jangpii, mpougo shiipyiile,

HEBRUMEI 9:14

Ai ai kasang katu taiswisii, kadaziikapiinii moikaki kabi ai Kristamah zai teipiinii kaswi leipo? Kalui kaga rangii paikito mpounii mpou roinapii Saraa dakii sajek kaga kakarat pot hangninii tiisii pyiitoi aitakle. Nyiinii karing Saraa gotei nga ngakabui tiisii, kakadak kanat hang kiteito kabi kashyii tikabui nyiimah lungswi hangtei mpoumah zai teipiinii tiimateipyii tangle.

HEBRUMEI 10:29

Teitii leponii jumage kapyii mah rangiigo kalet kalou katii, ahgo kem kito tiimatei kapyii Saraamah zaimah sat tang karam samtam go mai kamalamah pot hangninii takumpii poikalei, Saraa nah sapfii mpougo mazhii kasu gotei kadaziikapii kaki kadwi karat tei doumajyiile sii gonyiinii maning leipo?

1 PITAR 3:18

Kadapokii Saraa dakii pang gong pyii tang karam jangpii, kakui kama meihang jangpii kasang kamajyii katunii, Kristaniido kem jangpii binii taipyii takle hang jangpii; mpougo pumpot lamto tai malei takle, nlenii rangii lamto ringkhii matu takle;