HEBRUMEI 1:14 - KARANU KABI SAMTAM

¹⁴ Sating gamlui hang ai kada- peipo, teitiileponii? Ahnyiinii Saraa nga ngasii kalei ninado keikapyii karing doutang karam meigo tiiha matu tang karam jangpii mpounii m-mang kabam rangii teile.

HEBRUMEI 1:14 Referans Kwoze

METIU 18:10

“Gonyiinii ai kacheng hang kak kito hangninii godo maning kamala tiikasu tiisii tiigat tolo; kadapokii Inii gonyii dakii tam leile, Sating gamto ahnyii mah sating gamlui hangnii sating gamto kalei gu pfii jutei taksupii ngou leile.

TIILAMLWI KAPYIIMEI THA JUKAMATI 27:23

Kadaponii Inii mpou mei tiisii, sateichii mpou godo Inii nga ngasii kalei, Saraamah sating gamlui hangninanii ndazyii tinghum guda gong satsii tamle,

TIILAMLWI KAPYIIMEI THA JUKAMATI 5:19

Nlenii Bangpii mah sating gamlui teinii tinghumkii kabangki ki kamwi takam tei lattoi pyiisanii ahnyiigo pang mpatpyiisii tamle,

TIILAMLWI KAPYIIMEI THA JUKAMATI 12:7

Sateichii julo, Bangpii mah sating gamlui hangninanii ah dato satto takle, sateichii teibam kitei kava hangninii vatakle, teito Sating gam lui teinii Pitargo kachyiito dengsii makengsii tamle, “Kalangsii gungtu wolo,” teito mpoumah sagyii rangkat tei mpoubah kito tak khii takle.

LUKNII KARYII KABI RASAM JUKAMATI 1:19

Sateichii Sating gamlui teinii mpougo khekalatle, “Saraa doito sat kalei Gabrel I-le; sateichii karashii tang karam sateichii nha kabi ai godakii punghum tang karam jangpii n-gu lang m-mangle.

METIU 1:20

Nlenii mpounii aitiisii maning leibangpii, Julo, sating gamlui hangninanii mpou mah mang kito gongsii tamle, “He Devit nah sapfii mpou Joseph, gonou Merigo pang hing sulo, kadapokii mpoupei lungto mpung kalei tei rangii kamatei datole.

LUKNII KARYII KABI RASAM JUKAMATI 16:22

“Mah kagapii tei taitakle sa- teichii mpougo Abrahamda kasang- kii Sating gamluinii pangkhii kaipyii takle. Mah kanipii teido taitakle sa- teichii poigoi takle;

TIILAMLWI KAPYIIMEI THA JUKAMATI 12:23

Sateichii mpounii Saraago tam matoi kasu jangpii, teisek-kii Bangpii mah sating gam luinii mpougo tiirang aitakle, sateichii matainii chiisii rangii ga aitakle.

LUKNII KARYII KABI RASAM JUKAMATI 2:9

Sateichii Bangpii mah pumtei kava teipii ahnyii phyiiryiikii vapyii takle; teito ahnyiinii hangkapii hingtakle.

LUKNII KARYII KABI RASAM JUKAMATI 2:13

Sateichii binasek-kii sating gamluimah saryiimei hangteinii humsii Sating gamlui gotei kaswisii, lhii tiisii Saraa go tam matoile. Sagoi kaki Sating gamto kalei Saraa go toile:

METIU 2:13

Sateichii ahnyiinii tat katutai, Julo, Bangpii mah Sating gamlui hangninanii Joseph mah mang kito humsii tamle, “Gungtusii nah nei Pwigo tei pangsii Izip sazyiiki tat tulo, sateichii Inii tam kasuta bam teiki teito bamlo; kadaponii Herotnii nah aigo tiimaga tang karam jangpii fiigong leziitakle.”

TAITAS 3:7

nyiigo keikapyiipii Jisu Krista dato rangii kamatei gotei nyii phyiiryiikii Saraanii moisii rui mpatpyii takle.

MATIMANGOU KAPYII 5:6

Teito karing kounah madai ninado katingmei hangteinii bang- magwisii kabam, sagongbam sumteito Jaonah hangninii sat kalei tei Inii ngoutakle. Jaonah teinii gitat kabam takumle, sateichii teitei kha sana mik sana pungle, teiteinii sazyii pouryii bamlyii hang kikii lang mpat kabam Saraamah rangii sana teile.

1 PITAR 1:12

Lungkaka- lingmeinii saa mpat kalei kabi rasam hangtei ahnyii roinii jangpii kabi tei roisupii, gonyii hang jangpiile katu tei Saraanii lungkakalingmei dakii mati mangoupyii takle. Ahnyiinii katam tei kabi rasam katam mei teinii gonyii dakii aitoi mati mangoupyii takle. Ahnyiinii kabi rasam tam kalei kitei, sating gamto Saraanii m-mang kapyii rangii kamatei teinii ahnyiigo kaswipyiile, sateichii aihang ai rangii kamatei katangniido tinyiisii kalei teile.

METIU 25:34

Teitinglangki sagong teinii mpou- bah ajiilam pang kabam meihang dakii tam tangle, ‘Patlo, Gu pfii mah satoi doukalumei, sazyii pouryii tii ka-mpat saroi sekto gonyii jangpiinii tiida kabam sagong sazyii tei douwolo.

JUD DATO KAGONG CHITI JUKAMATI 1:14

Sateichii aimei hang dakiido Adam sekto ha sana kashang Inoknii doireisii Saraa sam saa mpatsii tamle, “Julo, Bangpiinii mpoumah kamatei sating gamlui tang tang go kaswisii gong tangle.

1 PITAR 1:4

Teipiinii Saraanii mpoumah mei jangpii kaidek kabam raguiga kalak maikateeng gotei doutang karam jangpii nyiinii doilamkii ra- jangsii leile; gonyii jangpii gakalak, tiimahongwo kalak, ninado ragui- gawo kalak tei sating gamto mpounii kaidek bamsii leile.

HEBRUMEI 6:17

Mpounii riishii tiikabam gotei doutang karam ahnyii dateikii, mpounii tiimatu kanyii tei mpounii tiisang tiikali lakle katu tei Saraanii matei sagaisii timatunyiile, tei- jangpii mpounii hangna kak kiteikii riishii teipii satpyiile.

2 THESOLONIKAMEI 1:7

gonyiigo kaset kalak doumatu katumeigo kamage kalak, sateichii kamage kalak doukaleimei gonyii dakii nyiigo kaswisii ka-ntak tei Saraanii pyii tangle,

PILIPIMEI 2:25

Nlenii Inii nyii kangsanapiigo kaswisii tha tii njoisii kalei ninado kaswisii saryii tiisii kalei, sateichii gonyii dakii sampao kapungmei tiisii kalei ninado tiikaha kamarei gumah tha katii kito nga ngakapyii, Ipapro- ditas go gonyii dakii lang magongsu shyii taklesii maningle;

2 KORENMEI 9:12

Kadapokii gonyiinii tiikalei ngam aipii kamateimei mah tang- kasu hangtei tiikaha roinii makle, nlenii Saraago hakalang katam hangkii kitei todo kisii tokryii nlem matule.

ROMMEI 15:27

Nle, ahnyii- mah dzyii karanga tei leitakle, sateichii kasangpii ahnyii teinii ahnyii dakii pyii kamajyii pow tei pungleile, kadaponii Jehudimeinii ahnyiimah rangii mah satoi tei luikakimei dakii njai leponii luikakimei teinado mah pot mah satoi tei poi mpatsii Jehudimeigo tiiha kajyiile.

ROMMEI 15:16

Rangii kamateinii tiimatei kalei luikakimeigo pyiikatoi tei lukai kabui tiisii, Inii kanat kajum Atingmei takumpii Saraa mah kabi rasam mah nga ngaleile.

ROMMEI 13:6

Kadaponii ai kaang jangpii gonyiinii ahado pyii leile, kadapokii ahnyiinii tha ai jangpii taksupii lungliitsii Saraa nga kangamei tiileile.

TIILAMLWI KAPYIIMEI THA JUKAMATI 13:2

Sateichii ahnyiinii Bangpii dato matasii malot- ryii leibangpii, rangii kamateinii tamle, “Barnabas nei Solgo Inii tha tiimatu tang karam jangpii latto takle; teijangpiinii mpoupiinago gujangpii aitoi mpat pyiilo.”

TIILAMLWI KAPYIIMEI THA JUKAMATI 11:22

aimah tingha ai Jerosalem kito kalei Kristanii lat kalumeihang khoi kito shiiwo sek-kii, ahnyiinii Bar- nabas go Antiyok kikii lang mpatle.

LUKNII KARYII KABI RASAM JUKAMATI 1:23

Sateichii mpou mah tha tiitang karam tinglang tei sang sek-kii, mpounii mpouki gongtu takle.

METIU 24:31

Sateichii mpounii mpou mah sating gamlui hang go kachem kong kalei roktei kaswisii lang mpat tangle sateichii ahnyiinii mpoumah kalei kalumei hang go sating nlai hangninii kito nlai hangninii katang saka madaito poi ndwi tangle.

METIU 13:41

Meinah sapfii mpou teinii mpou mah Sating gamlui lang m- mangsii meigo kem kikii chyiikakai mei sateichii kashyii kahong tha katiimei hang go mpoumah sagong sazyii kito poi ndwi wosii ahnyiigo mibam kikii toikai tangle.

1 PITAR 3:7

Tei takumpii gonyii naamei, gonyii noumei ai kisii kasui pumle katu tei tiigatpii tikasei tei njasii gonyii noumeigo kaswisii lung tang karamle. Ahnyiigo sadzyii ngariit tii- sii jupyiilo, dapokii gonyiigo kaswisii, ahnyiiniido Saraanii matapii kapyii kalui kaga karing tiilung tei doutangle. Gonyiimah kariita hang kito mah kado doidang matulak tang karam jangpii ai ai tiilo.

JEMS 2:5

Gulungkasyii kangsanamei, shiilo, kamalum kito mah nimatu tang karam jangpii, sateichii Saraago lungkasyiimei hang dakii pyii- tanglesii riishii tiikabam sating gam sazyiimah matou katoumei tiimatu tang karam jangpii, sazyii pouryiito mah kagameigo mpounii kalaipyii makpo?

HEBRUMEI 10:11

Sateichii kanat kajum atingmei hangnii sating kata nga ngasii sateichii njoi katu kakarat hangtei nlai nlai loisii pyiitoi sii satle. Kakarat aipiinii madou kado kem tei poitoi peiwo lakle;

HEBRUMEI 8:6

Nlenii ai- toinii Jisunii Saraa ninado mpoumah meihang kak kiteikii sat tang karam samtam hangninii tiida kapyii tei bibwi katu takumpii, ahnyiimah sung kisii bikaki kanat kajum atingmei tha tei mpou dakii pyiibam takle. Kadapokii ai ai kisii kabi riishii hang phyiiryiito tiibamle.

HEBRUMEI 6:12

gonyii hangnii kalui katang maning malum katu tiigatpii lung leh kati katang tei lungliit katu tei katang gonyiinii tiikamangou nyiinii mareile.

HEBRUMEI 5:9

sateichii mpounii sajek gasii bimatui wokalu taiswisii, mpounii katam kaswimei hang jangpii kalui kaga keikapyii karing- mah kapat bam tei mpounii tiiwo takle,

PILIPIMEI 2:17

Gonyiimah kamalum kito pyiitoisii kalei kakarat phyiiryiikii guzai ai ruikai tang karam leichiido, I-ntale, ninado gonyiigo kaswisii rangale.

IPISAMEI 3:6

Kamakum teinii kabi rasam paikito luikakimei hangteinii Sara- amah satoi doutang karam kito Jehudimeigo kaswisii njai bamle, ahnyii ai pumpot hangniniimah nsang nsangle ninado Saraanii pyiitanglesii mpounah Krista Jisu paikito riishii tiikabam mah njai poi njoi katumeile.

GALATIMEI 3:29

Sateichii gonyii ai Kristamah leponii gonyiinii Abraham taa, nahmei, riishii tiikabam taiswisii mahtou toutang karam mei teile.

GALATIMEI 3:9

Teipiinii kamalum meihang go satoi pyiitakle, kamalum kalei Abrahamgo kaswisii.

GALATIMEI 3:7

Tei- tiileponii, Abraham mah kasang ataa anah meihang teinii kamalum mei hangteile katu tei gonyiinii tiwolo.

ROMMEI 8:17

Sateichii Saraa nahmeile ponii mahtou katoumeido takle, mpougo kaswisii nyiinii pumtei kava tei dou njoitang karam jangpii Kristago kaswisii nyii kamage kalak pung njoi leponii, Saraa mahtou katoumei sateichii mpougo njoisii mahtou katoumei takle.

TIILAMLWI KAPYIIMEI THA JUKAMATI 16:26

teito binasekkii katei malyii kachyii hangninii gongsanii kabang kibangmaa hang- tei nlai takle; sateichii binasekkii takam hangteido laat takle, meihang go pei kabam sagyiireng hangteido tak takle.

METIU 4:11

Teito seitan teinii mpougo toi aitakle, sateichii julo, sating gamlui- hangnii humsii mpougo tiihale.

MARK 10:17

Sateichii mpounii tat kapat tinglangki, mei hangninanii mpou doi pakpi kok-kumsii mpougo n-nhiile, “Kabi Madhiikapyiipii, Kalui kaga karing doutang karam jangpii Inii dapei tiitangpo?”

ROMMEI 11:14

Mazhiileponii gupum guzai lamto n-gu njoisii kalei Jehudimei gotei tii maimhii pyiisanii ahnyii mei cheng- niikiigo keiwo tang karam jangpii- niile.

1 KORENMEI 1:21

Kadaponii Saraanii mpoumah swirek kabi kito, sazyii pouryiimeinii ahnyiimah swirek kabi teiroinapii mpougo timatu sutakle. Nlenii nyiinii tam ralikapyii kapang kamang mah samtam teipii malum kalumei hang go keipyii tangle katupii Saraanii satto takle.

HEBRUMEI 2:3

Teitii leponii tei kakum kadi keikapyii karing gotei nyiinii alung liit suleponii, kada takumpii nyiinii nlek wotangpo? Bangpii sekpiinii karei reisang kito keikapyii karing ai saa mpat takle, sateichii mpounii katam swikasumei hang teinii maning kariirhii gasii ai ai kasangle katupii nyii dakii ma- ngoutakle,

HEBRUMEI 9:28

meihang mah kem hangtei pungpyii tang karam jangpii, binii pyiitoi kalei Krista teinii kem jangpii supiinii, mpougo saryiisii koikalei meihang go keipyii tang karam jangpii, hangna kashang tiisii gong tangle.