GALATIMEI 4:4 - KARANU KABI SAMTAM

⁴ Nlenii kadou tinglang tei kagong kak, Saraanii mpounah sapfii mpougo lang m-mangpyiile. Mpounii meinah sapfii mpou hangninii tiisii gongle, sateichii Jehudimei mah ajaiting- shang kangto lungle,

GALATIMEI 4:4 Referans Kwoze

ROMMEI 1:3

Nah sapfii mpou teinii Devit mah atat areng kito lungle;

JONNII KARYII KABI RASAM JUKAMATI 1:14

Samtam teinii pumzai ndat totakle, sateichii jumage kapyii ninado kasang teipii tokryiisii nyiikak kito lungle, Pfii mah nah sapfiimei hangniniisang hangninii roinii tiisii kalei pumtei kava takumpii nyiinii mpoumah pumtei kava tei ngoutakle.

MARK 1:15

Mpounii tamle, “Ting- lang tei gongtakle, Saraa mah sating sazyii tei natakle, gonyii lung kalisii kabi rasam gotei malum wolo.”

JONNII KARYII KABI RASAM JUKAMATI 3:16

Kadapokii Saraanii sazyii pou- ryiigo hangkasii lungkasyii jangpii, mpounah sapfii mpou hangniniisang hangninii roinii kalei go tei pyiitakle, teipiinii nah sapfii mpou gotei malum kalumei hang teinii gasupii, kalui kaga karing tei doutang karamle.

METIU 1:23

“Julo, ralhiipei kamatei pei teinii moi mpungsii, nah sapfiimei hangninii lung tangle, sateichii ah- nyiinii mpou zei tei Immanual lattangle” (teimah kaangnii, “Saraanii nyiigo kaswileile”).

1 JON 4:14

Sateichii Pfiinii nah sapfii mpou gotei sazyii pouryiimah keikapyiipii tiisii lang m-mangpyii takle katu nyiinii ngoutakle sateichii sakchyii pyii leile.

IPISAMEI 1:10

Tinglang tei gongsekchii Saraanii tiimatui tiimashang tang karam, tiitang karam ainii, Krista go aphyiikii kaikabam tei kaswisii, sating ninado sazyii lungto kalei Saraa baichem hang go poigong ndwitang karam teile.

LUKNII KARYII KABI RASAM JUKAMATI 2:7

Sateichii mpoupeinii nah narei sapfiimei hangninii manaa takle, sateichii mpougo peirapii kajyiisii, twom kokchyii kikii mazyii takle; dapochiinii siisang karhiini tei ahnyii jangpii bam gatakle.

ROMMEI 8:3

Kadapokii apum azainii kasui taiswisii ajaitingshangnii tiipei kalak tei Saraanii tiipyii takle: Saraanii mpounah sapfii mpou gotei kem katii pum zai mah jaitalui kito sateichii kem jangpii m-mang pyiisanii pum kito kalei kem gotei tam mashyii aitakle,

LUKNII KARYII KABI RASAM JUKAMATI 1:35

Teito Sating gamlui teinii mpoupei dakii tamle, “Rangii kama- tei teinii go phyiiryii humpyii tangle, Sateichii sagoi kaki mah teimaham teipii n-go akhii lakpyii tangle; teijang teipii lungtang karam nah tei Saraa nah, kamatei sii lat tangle.

JONNII KARYII KABI RASAM JUKAMATI 6:38

Kada- pokii gumaning gu marai roinii tiitang karam jangpii sating gamto Inii hum makle, nlenii n-gu lang ka m-mang ah mah kamaning kamazhii tei tiitang karam jangpii humle;

HEBRUMEI 2:14

Mpounii lat kalei nahmei hangtei pum zai kapungmei katu taiswisii, Jisunii ahnyii mah njoi tei poi wotakle, sateichii nunuto kalei meinah mah jaitalui tei Jisunii dou njoi takle. Mpoumah katai paikito kataimah teimaham kabam, seitan gotei mpounii tiimaga kabui tiisii mpounii ai ai tiile.

JONNII KARYII KABI RASAM JUKAMATI 10:36

Inii Saraa nah sapfii mpoulesii Inii tam katu jangpii, Pfiinii kalai wosii sazyii pouryiikii lang m-mang kapyii ah gotei, nang Saraago tam mashyiilesii mpoumah kaang kito gonyiinii tam leipo?

1 TIMOTHI 3:16

Nyiimah dormomah kamakum kathok sam ai kada- ziikapii dipo katu ai meikaniido mazhii kasu tei tiiwo lakle: Mpounii meinah mah pumzai pungsii gong pyiile, kasangle katu tei rangiinii mangoule sateichii sating gamlui hangnii ngoule, mpou go luihang dakii tam ralipyii takle, sateichii sazyii pouryii bamlyii hang kito malum wotakle, sateichii pumtei kava kito sating gam pangkhiitu takle.

ROMMEI 15:8

Kadaponii Inii tam leile, peipaomei dakii riishii tiipyii kabam hangtei gongmatwi matu tang karam jangpii sateichii luikakimei hangnii mpoumah lungkasyii jangpii Saraa go tam matoi matutang karam jangpii,

TIILAMLWI KAPYIIMEI THA JUKAMATI 1:7

Teito Jisunii ahnyii dakii tamle, “Gu pfiinii Mpou mah teimaham sek teipii tiida kabam tinglang mak-kii tingkum tinglang tei kadadou tangpo katu titang karam tei gonyii mah makle.

LUKNII KARYII KABI RASAM JUKAMATI 1:31

Julo, nangnii mpung tangle sateichii nah sapfiimei hangninii lung tangle, sateichii nangnii mpougo Jisu sii lat tangle.

METIU 3:15

Nlenii Jisunii mpougo kheka- latle, ‘Aitoi jangpii teitii maleilo, kadaponii aitiisii nyiinii kasang kamajyii tha hangtei tiimatwi gong kajyiile,’ teito Jon-nii mazhii takle.

1 JON 4:2

Aipiinii Saraamah rangii gotei gonyiinii tiwo buile: Jisu Kristanii pumzai pungsii gonglesii katam rangii hangtei Saraa datole;

HEBRUMEI 9:10

Kadapokii ahnyiinii kachii kasak ninado tiikamatei mah kanat hang gotei kaswisii kalei taiswisii, aihang ainii bitang karam jangpii tiikaliloi katumah tinglang tei gong kasuta jumtang karam poumah tat kalei ajaihang teile.

KOLOSIMEI 2:14

Nyiidato ti katheisii kalei nyiigo mazhii supii ngourousii kalei ajaitingshang teimah abah zaimah samret tei piit toipyiisii, teitei krosh gamkii jotpyii geekai pyiisii, nyiikak kito teitei mpounii poitoi pyiitakle.

ROMMEI 9:5

Ahnyii teinii Hebrumei peipao dato lung humle, sateichii meinah hangninii tiisii Krista tei, ahnyii mah atat areng kitole, kalei kaga hang pyiiryiito apum tiikalei Saraago tei kalui gasii tam matoi matulo. Amen.

JONNII KARYII KABI RASAM JUKAMATI 8:42

Jisunii ahnyii dakii tamle, “Saraa ai gonyii Pfii leponii, gonyiinii n-gu lungsyii tangle; dapokii Inii Saraa dato patsii gongtakle, Inii gumah kamaning kamazhiipii gong- makle, nlenii mpounii n-gu lang magongle.

METIU 5:17

“Ajaitingshang ninado Lungka- kalingmei mah rali kapyii hangtei Inii tiimagalesii gongziilesii maning sulo; Inii tiimagalesii gong makle, nlenii tiimatwi tang karam jangpii gongle.

ROMMEI 5:6

Kadaponii nyiinii suisii kalei tinglang kak Saraanii, Saraago tika- sumei jangpii taipyii takle.

1 TIMOTHI 2:6

mpou teinii mpou pum sekgo meihang jangpii lai ka-mpatmei tiisii pyiikalei mei Krista Jisu teile. Sak- chyii ai kamajyii tinglang sek kikii pyiile;

LUKNII KARYII KABI RASAM JUKAMATI 20:44

Devit nii mpougo Bangpii sii latle; teitii lepochiinii kada takumpiinii mpou ai Devit nah tangpo?”