GALATIMEI 3:1 - KARANU KABI SAMTAM

¹ Oh kapang Galatimei gonyii doi- sekto Jisu Kristago krosh gamkii dhangsii gikalei tei mateitengsii mangoupyii takle; Gonyiigo tanii riikuhii pyiibam takpo?

GALATIMEI 3:1 Referans Kwoze

2 KORENMEI 11:3

Nlenii Sanhiinii mpoumah kasakai kamarek teipii Eve go satui sadzyii tiikalu takumpiinii, Krista dato pyiikalei gonyiimah kasang lungswi ninado kamatei kito tiimahong katugo Inii hingle.

MATIMANGOU KAPYII 2:20

Nlenii go phyiiryiikii Inii mazhii karou aile, katunii, Mpouroinapiinii lungkaklingpeisii kalat sapwi mpei Jezabelgo nangnii mazhii wotakle, sateichii mpoupeinii goki kaleimeigo sapwimei sapfiimei kashyii kahong tha tiimatutang karam jangpii sateichii tingtu param dakii karat toi kalei kachiipot gotei chiimatu tang karam jangpii kasang kasu tamsii hem wole.

GALATIMEI 1:6

Kristamah jumage kapyii kito gonyiigo lat kapyii Mpougo hangkapii kalangsii toi aisii, kathaam kaki kabi rasam hangniniigo gonyiinii lukai kalu kito Inii sung gale.

1 PITAR 4:17

Kadapokii Samtak tiihao tang karam tinglang tei gongtakle, satei- chii Saraamah mei sek gotei samtak tiirei tangle. Samtak tei nyiidato tiihao takleponii, Saraamah kabi rasamgo malum kasumei mah kamaswi teinii kadapei tangpo?

2 PITAR 2:18

Kadapokii swikaga kapang det kadi sam tamsii, kama kito lungsii kaleimei hang dato nlek wosii lungpat haosii kaleimeigo pumzaimah kamarei ka-ntha hang- teipiinii hemle.

HEBRUMEI 11:8

Kamalum jangpii Abrahamnii, mpougo lat katu tinglang kak, mahtou toutang karam mei hangninii takumpii, mpounii doutang karam sazyiiki katang tei tatpat tang karam jangpii katam tei swiwo takle; sateichii mpounii kadaki tat tangpo katu tisupiinii tatpat takle.

IPISAMEI 4:14

Teitii leponii nyiinii meinahnii poi ka-mpat chem katham kathampii meigo kama kikii tiikai tang karam jangpii ralikapyii dwi n-nok kapat sateichii tingkainii lulam lulamkii gwipungsii katat nahmei takumloi lakle.

GALATIMEI 4:9

Nlenii aitoinii gonyiinii Sa- raago tigong takle, nle, teidoito kisii Saraanii gonyiigo tigong taklepokii, kasui ninado ka-nkhii rangii hang datei kada takumpii gonyiinii nryiigong loitupo? Teikito nlailoisii gonyiinii kikaleimei katii tei mareipo?

GALATIMEI 3:3

Gonyii teiziikapii pang takpo? Rangiipanii tiimakhiibam sanii, pum zai teipii aitoinii gonyii tiimashang leitakpo?

1 PITAR 1:22

Kristamah kakhatsam hang gotei gonyiinii katam swiwo takle, teipiinii gonyiimah kem hangtei magapyii takle, sateichii rangii lamto gonyiinii matei takle. Aipiinii gonyii kangsanameigo mateisii lungsyii matu tang karam tei gonyiigo doumatu wole. Teijangpii gonyii mei hang- ninanii hangniniigo lung matum madumpii lungsyii tang karamle.

HEBRUMEI 5:9

sateichii mpounii sajek gasii bimatui wokalu taiswisii, mpounii katam kaswimei hang jangpii kalui kaga keikapyii karing- mah kapat bam tei mpounii tiiwo takle,

IPISAMEI 5:15

Teipiinii gonyiinii lungkalei tiilung tei machyiigat wolo, kapang kamangmei takumpiinii lung sulo; nlenii kasakaimei takumpiinii lunglo.

1 TIMOTHI 6:4

mpounii tang katii teipii sagoitu takle... sateichii mpounii samah kado timakle. Mpounii samtam hang jangpii ka n-gi kazyii kanyii, pumzai mah matou kasu kamarei ka-ntha tei leile, sateichii aipiinii kamaimhii katu, swilung nja kasu, tam kamashyii, kashyii swi kamaning,

GALATIMEI 2:14

Nlenii ahnyiinii kabi rasam mah kasang teitei swisii majyiisii tat makle katu tei Inii ngou wosek-kii, ahnyii hang doito Inii Pitar dakii tamle, “Nangnii Jehudimei hangninii tiisii leikado, Jehudimei mah ajaitingshang takumpii tat supiinii, Jehudimei kasu luikakimei takumpii tat leponii, nangnii lui kakimei hang go Jehudimei takumpii lung matu tang karam kada takumpiinii atei tiitangpo?”

1 KORENMEI 11:26

Kadapokii gonyiinii tiirok ai kachiita, sateichii peek ai kasakta, Bangpii gong kasuta tei gonyiinii mpoumah katai tei tam mati leile.

1 KORENMEI 2:2

kadaponii Inii gonyiigo kaswi kalei kak, Jisu Kristago ninado mpounii krosh gamto taikapyii teisupiinii, mahlyii hangtei Inii mangai aitang takle katupii gulung swi satto takle.

ROMMEI 6:17

Nlenii Saraago halangle kadaponii tinglang hang- niniiki gonyiinii kem mah kabang- nah tiisii leikido gonyiigo ralikapyii kito doukalu kasang gotei gonyii lung matum madumpii gonyiinii swi wotakle.

ROMMEI 2:8

Sateichii mei kangkanii mpou jangpii roinii fiisii kasang kamajyii gotei mazhii supii kama tai swi kanyiimei gotei Sa- raanii ahnyii phyiiryiikii mpoumah rakarhii ninado ngou kahing tei rui mpat tangle.

TIILAMLWI KAPYIIMEI THA JUKAMATI 6:7

Sateichii Saraa mah sam tei dipat tutakle ninado Jerosalemto boumei tei hangkapii moibuibuitu takle sateichii kanat kanhii kajum Atingmei hangteinii kamalum kito sam swile.

MATIMANGOU KAPYII 18:3

Kadapokii lui hangnii mpoupeimah matei kasu mareimah jou katei tei sak wotakle, sateichii sazyii pouryii sagong hangnii mpou- peigo kaswisii mashung maha aitakle; sateichii samah kado mazhii kasu kaga mpoupeimah marei majangmah kani kahii teipii sazyii pouryii lilaa katiimei hangnii mahni wotakle.”

2 THESOLONIKAMEI 1:8

tei tinglang kak Saraago mazhii kasumei ninado nyii Bangpii Jisumah kabi rasamgo swikasu meigo Saraanii powrui tangle.

IPISAMEI 3:8

Saraago kamalum meihang kak kito ka-nkhii khiisang tei I-le, teitii kido fiipei kalak Kristamah kani kahiimah kaang kito luikakimei dakii kabi rasam ai tam ralipyii matu tang karam tinglang kabi ai Saraanii n-gu pyiile.

2 KORENMEI 10:5

Saraamah swirek katigo mazhii kasu detkadi doi kadang hang gotei nyiinii tiimashyiile, sateichii swi kamaning hangtei nyiinii ma- ringpouchyii chyiisii Kristanii katam swimatule.

ROMMEI 10:16

Nlenii ahnyii hangnii kabi rasam gotei shiipyii makle, kadaponii Isaiyanii tamle, “Bangpii nyii dato shiiwosii tanii malumwo takpo?”

LUKNII KARYII KABI RASAM JUKAMATI 24:25

Teito mpounii mpoupiina dakii tamle, “Oh kapangmei, ninado lungkakalingmeinii katam sam gotei malum kalang kasumei!

METIU 24:24

Kadapokii kasang kasu Krista ninado kasang kasu Lungkakalingmei gong tangle; satei- chii mazhii leponii Saraanii kalai kalumeigo katangdo hemsii kama pwidi kikii chyiitat tang karam jangpii mei tiikalak tiikamangou siiti kadi hang sateichii sung kaga hang tiimangou tangle.

METIU 7:26

“Sateichii Gu mah samkang hang ai shii wosii katam swikasu meihang teinii swi kagamei hangni- nanii kangneng phyiiryiikii mpou-ki tiimakhii kalu takumle.

TIILAMLWI KAPYIIMEI THA JUKAMATI 16:6

Sateichii Asiya kito kabi rasam tam ka-mpat tei, rangii kamateinii mazhii kasu jangpiinii ahnyiinii Phairgiya ninado Galati sazyiiki tat majupat-to takle.

GALATIMEI 1:2

sateichii n-gu kaswisii kalei kangsanamei hang dato Galati kito kalei Charsh hang dakii:

GALATIMEI 5:11

Nlenii kangsanamei, aitoi katangpii tiigyii kamalem tei tam ralipyiisii leileponii, kadajangpii n-gu aitoi katang tiikamagesii leipo? Teileponii kroshnii doikadang tei mpat takle.