GALATIMEI 2:4 - KARANU KABI SAMTAM

⁴ Mei kangkanii teitii matunyiisii leikado, nyiinii Jisu Kristago nja wosii hangninii tiiwo kalu kito nyiinii doukalu arangra katiimah kaang kito fii-mpat tang karam jangpii, aimei hang ainii mwi kashyiimei tiisii nyii bouki kak gongliit takle. Ahnyiinii nyiigo kabangmei tii- matunyiisii leile,

GALATIMEI 2:4 Referans Kwoze

JUD DATO KAGONG CHITI JUKAMATI 1:4

Ka- dapokii Saraa haikasu mei kangkii makumpii gonyii kak ki liitto takle, mei aimeinii doutang karam kaset kalak teinii kabi rasam kikii ndouto reipii tambam takle. Ahnyiimah tingshangrali kashyii gotei gomnei tang karam jangpii mei aimeinii Sa- raamah jumage kapyiimah samtam gotei jumle, sateichii Jisu Krista ai nyiimah pumpiile ninado Bangpiile katu tei ahnyiinii mazhii makle.

GALATIMEI 5:1

Mpou rangra tiimatu tang karam jangpii Kristanii nyiigo laat mpatpyii takle, tei jangpiinii tiigat- piinii satlo, sateichii kikalei mah kamaswi pot tei pungloi sulo.

GALATIMEI 4:3

Teitakumpii nyiinii tiina kaleidou sazyii pouryiigo apum tiisii kalei rangiihang kang nkang matusii nyiigodo paineisii kaibamle.

2 KORENMEI 11:26

Gumah mbui hangkii kito sadoi kashyii tei Inii kadoule, dwi kadi kito sadoi kashyii sateichii karagamei bah kito sadoi kashyii, n-gu njoi katu Jehudimei bah kito sadoi kashyii sateichii lui kakimei hang bah kito sadoi kashyii; namdi hang kito sadoi kashyii, sazyii kamarong kito sadoi kashyii, dwijai kito sadoi kashyii sateichii kasang kasu kangsanamei bah kito sadoi kashyii.

1 JON 4:1

Lungkasyiimei, rangii hang go malum sulo, nlenii rangii hangtei Saraa datopo katu ai ajaijulo; kada- pokii kasang kasu lungkakalingmei hangkii sazyii pouryii lung tatpat takle.

2 PITAR 2:19

Kasang kasu ralikapyiimei teinii ahnyiigo arangra katii pyii tanglesii riishii tiipyiile, nlenii ahnyii sekpiinii kashyii ka- hongmah kikaleimei tiisii leile; kadaponii mei katago apum tiikalu mah kata hangninii teinii ahgo kikaleimei tiimatule.

2 TIMOTHI 3:6

Kadaponii ahnyiihang aikak kito mei kangkanii kikilung tatliitsii kem mah kamaswi pungkalei ninado pumzaimah kamarei ka-ntha hang teipiinii chyiitatsii kalei,

GALATIMEI 5:10

Gumah lungswi tei supii lungswi kaki tei gonyiinii poilakle katu Inii Bangpii zei kito malumle, nlenii gonyiigo tii- magesii kalei ahtei, kata kata kado mpoumah samtak katii tei doutangle.

2 KORENMEI 11:20

Kadapokii mei kata hangninanii gonyiigo tamsii kakhat katu kito, mak-kii gonyiigo mphee kaisii kalei kito mak-kii, gonyiigo satuisii kalei kito, mak-kii gonyiigo gonyiiju gamkii kaphyiisii kalei kito gonyiinii lehpyiile.

2 KORENMEI 11:13

Kadapokii tei kakum meihang teinii kashyii tha katii, ahnyii roi- napiinii Kristamah kasang tiilamlwi kapyiimei jai tiisii kalei, kasang kasu tiilamlwi kapyiimei teile.

2 KORENMEI 3:17

Aitoinii, Bangpii teinii rangiile, sateichii Bangpii mah rangii kaleini hang kitei, laat kabam arangra katii tei leile.

TIILAMLWI KAPYIIMEI THA JUKAMATI 20:30

Sateichii gonyii kak ki sek aito ahnyiitai switang karam jangpii boumeigo chyii mpat tang karam jangpii tiikarampou sam katam sapfiimei pat tangle.

TIILAMLWI KAPYIIMEI THA JUKAMATI 15:24

Nyiinii Kamazhii pyii kasumei kangkanii nyii dato tatpat tosii, gonyii lung tiikamagesii gonyiigo sampiinii lung tii lungnyii lung- haopyii takle katu tei nyiinii shiiwo kalu jangpiinii,

TIILAMLWI KAPYIIMEI THA JUKAMATI 15:1

Sateichii Judiya kito mei kangkanii tatliitsii “Moses mah ajaitingshang taiswisii tiigyii malem suleponii gonyiinii keikapyii kasaga karing tei doupei wolakle” sii kangsanamei dakii ahnyiinii tam ralipyii tutakle.

1 PITAR 2:16

Laat kabam arangra katiimei takumlo, teitii kado gonyiimah laat kabam arangra katii kashyii kahong go gomtwum tang karam jangpiinii jum sulo, nlenii Saraamah kikaleimei takumpiinii lunglo.

GALATIMEI 4:25

Arab sazyii kito kalei Sinai zangtung tiisii kabam Hagar ai aitoitoi kalei Jerosalemgo raile, daponii lupeinii mpoupei nahmeihang go pangsii kikaleimei tiisii bamle.

2 KORENMEI 11:17

Inii aitoi tam kalei ainii Bangpiimah teimaham kito tam makle; detkadi ai kaang ki aito Inii swikagamei hang- ninii takumpii tam leile.

ROMMEI 8:15

Kadaponii gonyii dakii Saraanii pyii kabam rangii teinii gonyiigo kabangnah tiimatu makle sateichii hingmatu makle, nlenii rangii teinii gonyiigo Saraa mah nahmei tiimatupyii takle, sateichii rangii mah teimaham teipii nyiinii Saraa dakii saa mpatle “Abba, Katunii Pfii-o.”

GALATIMEI 1:7

Kataam kaki kabi rasam leile katu mah makle, nlenii Inii ai ai tam leile, katunii gonyiigo lung tiikamatai ninado Kristamah kabi rasam ai tiikali tang karam jangpii tiikaleimei leile.

JEMS 1:25

Nlenii meinahgo laat mpat kapyii, sajek kaga ajaiting- shang kiteikii jusii kalei, teikikii lung pyiisii kalei sateichii mahkupii shiikasu ninado teigo tei mangai kasu, nlenii poisii tha katii, teimei gotei mpounii tha katii hang kito satoi pyii tangle.

LUKNII KARYII KABI RASAM JUKAMATI 5:38

Nlenii jou kasatai tei bung kasatai kikii ruikai leile.