GALATIMEI 1:7 - KARANU KABI SAMTAM

⁷ Kataam kaki kabi rasam leile katu mah makle, nlenii Inii ai ai tam leile, katunii gonyiigo lung tiikamatai ninado Kristamah kabi rasam ai tiikali tang karam jangpii tiikaleimei leile.

GALATIMEI 1:7 Referans Kwoze

TIILAMLWI KAPYIIMEI THA JUKAMATI 15:24

Nyiinii Kamazhii pyii kasumei kangkanii nyii dato tatpat tosii, gonyii lung tiikamagesii gonyiigo sampiinii lung tii lungnyii lung- haopyii takle katu tei nyiinii shiiwo kalu jangpiinii,

GALATIMEI 5:10

Gumah lungswi tei supii lungswi kaki tei gonyiinii poilakle katu Inii Bangpii zei kito malumle, nlenii gonyiigo tii- magesii kalei ahtei, kata kata kado mpoumah samtak katii tei doutangle.

2 KORENMEI 11:13

Kadapokii tei kakum meihang teinii kashyii tha katii, ahnyii roi- napiinii Kristamah kasang tiilamlwi kapyiimei jai tiisii kalei, kasang kasu tiilamlwi kapyiimei teile.

GALATIMEI 5:12

Gonyiigo tiikamagesii kalei ahnyii gotei tiigyii kamalem doito kisii pum katangdo rum ndang aileponii Inii lungtei saat tangle.

2 KORENMEI 2:17

Kadapokii nyiinii mei kaki kakimeinii Saraamah kabi rasam gotei mai kamala pot takum- piinii jum kalei takum makle; nlenii Saraanii nyiigo langkai kapyii jangpii, Kristamah ki kaleimei nsang nsang tiisii mpou doito lung kamatei teipii nyiinii tamle.

MATIMANGOU KAPYII 20:3

Kathok nlai kaga ahom lungkii toikai aitakle, sateichii tingkum tangkii tei sang kasuta ahnii luihang go chuisii hem matulak tang karam jangpii chabyii kai aisii ah gamkii seal kai aitakle. Aitaito ahgo tinglang shangniika jangpii mpat tang karamle.

2 JON 1:10

Mei kata hangninanii gonyiida gongsii karali ai pung gongsu leponii, gonyiinii ahgo kikii lukai sulo, mak-kii ahgo salam kado pyiisulo.

1 JON 4:1

Lungkasyiimei, rangii hang go malum sulo, nlenii rangii hangtei Saraa datopo katu ai ajaijulo; kada- pokii kasang kasu lungkakalingmei hangkii sazyii pouryii lung tatpat takle.

MATIMANGOU KAPYII 19:20

Saram- kownah ninado ah doito siiti hang tiimangou sanii saramkownah mah siiti doukalumeigo ninado teimah tingtu paramgo mata katumeihang go kasang kasu teipii chuisii hem kalu, ahgo kaswi kalei kasang kasu lungkakalingmei gotei jum wotakle. Ai hangna aigo sulphur piinii song- kalei mimah jailungkii maringpii toikai aitakle.

MATIMANGOU KAPYII 13:14

sateichii karei saram- kow dateito tiimangou matutang karam jangpii ah dakii pyiikabam sung kaga hangteipii ahnii sazyii pouryiito lungkalei hang go chuisii hem wotakle, saryiikhangpii rajam wokido, ringkatu saramkow mah tingtu param hangninii ai sazyii pouryiito lungkalei hangnii tiilosii ahnii tam takle.

MATIMANGOU KAPYII 12:9

Ndou peipaomei mah sanhii, mwigatpwi sii kalat sara kashyii ninado seitan–- kasang kasupii chuisii kahem ah gotei sazyii pouryiikii toi m-mang aitakle, sateichii ahmah sating gamlui hangtei ahgo kaswisii toi m-mang aitakle.

MATIMANGOU KAPYII 2:20

Nlenii go phyiiryiikii Inii mazhii karou aile, katunii, Mpouroinapiinii lungkaklingpeisii kalat sapwi mpei Jezabelgo nangnii mazhii wotakle, sateichii mpoupeinii goki kaleimeigo sapwimei sapfiimei kashyii kahong tha tiimatutang karam jangpii sateichii tingtu param dakii karat toi kalei kachiipot gotei chiimatu tang karam jangpii kasang kasu tamsii hem wole.

MATIMANGOU KAPYII 2:6

Nlenii gomah ai leile, katunii, Inii ngoukarou Nikolaiten meimah tha tai nangniido ngou karangle!

MATIMANGOU KAPYII 2:2

Gomah tha, katii kapung, lung leh kati ninado kashyii kahongmeigo nangnii lung lehpei lakle katu ninado mpouroinapii mpougo tiilamlwi kapyiimeisii kalat, nlenii kasang kasumei hang go jai jusii ahnyiimah kachui nangnii doutakle katu Inii tile.

JUD DATO KAGONG CHITI JUKAMATI 1:4

Ka- dapokii Saraa haikasu mei kangkii makumpii gonyii kak ki liitto takle, mei aimeinii doutang karam kaset kalak teinii kabi rasam kikii ndouto reipii tambam takle. Ahnyiimah tingshangrali kashyii gotei gomnei tang karam jangpii mei aimeinii Sa- raamah jumage kapyiimah samtam gotei jumle, sateichii Jisu Krista ai nyiimah pumpiile ninado Bangpiile katu tei ahnyiinii mazhii makle.

2 JON 1:7

Kadapokii Jisu Kristanii pumzai pungsii gongpyiile katu tisei kasumeigo chuisii kahem mei hangkii sazyii pouryii lung tatpat takle. Ai ai meigo chuisii kahem mei teile–sateichii Kristago ngou karoumei teile.

1 JON 2:26

Gonyiigo chuisii hemtang karam jangpii tiisii kaleimei mah kaang kito Inii gonyii dakii samhang ai ryiile.

2 TIMOTHI 2:18

Aitoinii katai kito ringkakhii ai maju taklesii tamsii kasangmah pwidi kito mpaasii tat tukaleimei ainii mei kangkiimah kamalum tei tiimagasii leitakle.

GALATIMEI 6:17

Teijangpii meikaniido n-gu tiikamage matu sulo, kadapokii Jisu mah jam hangtei Inii gupum kikii pung leile.

GALATIMEI 4:17

Mei kakimei teinii gonyiigo hangkapii lungkaring tei mangousii leile, nlenii ahnyii lungswi teinii bimakle, ahnyiinii kamarei teinii kadapeipokii gudato gonyii aigo paitam tang karam aile kadaponii ahnyiinii gonyiigo lungkaring kabam takumpii ahnyii lungto kalei lungkaring tei gonyiiniido bam matu tang karam jangpiile.

GALATIMEI 2:4

Mei kangkanii teitii matunyiisii leikado, nyiinii Jisu Kristago nja wosii hangninii tiiwo kalu kito nyiinii doukalu arangra katiimah kaang kito fii-mpat tang karam jangpii, aimei hang ainii mwi kashyiimei tiisii nyii bouki kak gongliit takle. Ahnyiinii nyiigo kabangmei tii- matunyiisii leile,

2 KORENMEI 4:2

Kamakum ninado ka- nrou kasangam tha hangtei nyiinii tiiloi sutakle; meigo satui sadzyii katii kachui tha tei nyiinii tiimakle sateichii Saraamah samtam gotei tamtaisii tam makle. Nlenii kasang- mah kava kito nyiinii Saraa doito lungsii kabi kashyii tikabui meihang- mah lungswi kikii nyiinii nyii roinapii tam matoi matule.

TIILAMLWI KAPYIIMEI THA JUKAMATI 20:30

Sateichii gonyii kak ki sek aito ahnyiitai switang karam jangpii boumeigo chyii mpat tang karam jangpii tiikarampou sam katam sapfiimei pat tangle.

TIILAMLWI KAPYIIMEI THA JUKAMATI 13:10

“Nang sara kashyii mah nah sapfii mpou! Nangnii kabi hang gotei ngouroule. Nang kashyii chem katham kathampii tokryiile sateichii nangnii Bangpii mah kasang ka- majyii pwidi hang gotei tii-nkhuisii kalei tei ntak lakpo?

METIU 24:24

Kadapokii kasang kasu Krista ninado kasang kasu Lungkakalingmei gong tangle; satei- chii mazhii leponii Saraanii kalai kalumeigo katangdo hemsii kama pwidi kikii chyiitat tang karam jangpii mei tiikalak tiikamangou siiti kadi hang sateichii sung kaga hang tiimangou tangle.

GALATIMEI 1:6

Kristamah jumage kapyii kito gonyiigo lat kapyii Mpougo hangkapii kalangsii toi aisii, kathaam kaki kabi rasam hangniniigo gonyiinii lukai kalu kito Inii sung gale.