GALATIMEI 1:6 - KARANU KABI SAMTAM

⁶ Kristamah jumage kapyii kito gonyiigo lat kapyii Mpougo hangkapii kalangsii toi aisii, kathaam kaki kabi rasam hangniniigo gonyiinii lukai kalu kito Inii sung gale.

GALATIMEI 1:6 Referans Kwoze

2 KORENMEI 11:4

Ka- dapokii daziikapii tiinyiisii gonyiinii gonyiida kagongmei gotei leh pyiipo katu tei Inii ngoule. Inii tam rali kapyii Jisumah kabi rasam doito tham kido gonyiinii ahnyiimah kabi rasam gotei malum wole! Nyii dato gonyiinii doukalu rangii kamatei tei kasu, ahnyiinii pyii tanglesii riishii tiikapyii rangii gotei gonyiinii lukai wole! Nyiinii tam ralikapyii kabi rasam doi teito thamsii leikado ahnyiinii tam ralipyiisii kalei kabi rasam gotei gonyiinii lukai wole!

1 TIMOTHI 1:3

Inii Mesidoniya ki gongtang karam jangpii tat leibangpii, n-go tiilosii katam takumpii, Inii n-go Ipisas kito bam matunyiile, mei kangkanii teikito kasang kasu kanat kanhii ralipyiisii leile, teimei gotei ntak ailosii nang tamlo.

1 KORENMEI 4:15

Kadapokii gonyiimah Kristen tiilung kito gonyiigo majang kapyiimei tang kearii lei kido, gonyiinii Pfii hangkii bam makle; kadaponii Jisu Krista lamto kabi rasam paikito Inii gonyii Pfii tiiwo takle.

TIILAMLWI KAPYIIMEI THA JUKAMATI 15:11

Nlenii Bangpii Jisu mah kalungset teipiinii ahnyiigo njoisii nyiido Keikapyii kasaga karing doutangle katu tei nyiinii malumle.”

GALATIMEI 5:4

Ajaitingshang paikito tiimajyii tiimatwi pyii matu tang karam jangpii mahungsii tiisii kalei gonyii Krista dato tak ndang gatakle, gonyiinii jumage kapyii kiteito kougatakle.

ROMMEI 10:3

Kadapokii Saraa dato kagong kasang kamajyii gotei tisupii mpou mpoumah pwidi fiikalei taiswisii ahnyiinii Saraamah kasang kamajyii kangtei nkang makle.

1 TIMOTHI 1:14

Sateichii nyii Bangpiinii mpoumah jumage kapyii kamoi tei guphyii- ryiikii ruikaipyiile ninado Krista Jisugo nyiinii njasii hangninii tiikalu kito kamalum sateichii lungkasyii tei n-gu pyiitakle.

MATIMANGOU KAPYII 22:21

Bangpii Jisumah jumage kati tei kamateimei hang go kaswipyii matulo, Amen.

2 TIMOTHI 2:1

Teijangpii gunah sapfii mpou Krista Jisu dato kalei jumage kapyii kiteito nang sangtingsii bamlo.

2 TIMOTHI 1:9

Mpounii nyiigo keipyii takle sateichii kamatei kalat teipii nyiigo lat pyii takle, nyii tha taiswisii makle, nlenii mpoumah kamaning sateichii jumage kapyii taiswisii lat pyiile. Jumage kapyii ai ndou kareiki Krista Jisu paito mpounii nyiigo pyiitakle.

2 THESOLONIKAMEI 2:14

Nyiimah kabi rasam paikito mpounii gonyiigo, nyii Bangpii Jisu Kristamah pumtei kava doumatu tang karam jangpii latpyiile.

ROMMEI 5:2

Mpou paikito aitoi nyiinii lung kalei Saraa mah jumage kapyii ai doutakle, sateichii Saraa mah pumtei kava mah njai tei nyiinii doutang karam kamalum jangteipii ntale.

JONNII KARYII KABI RASAM JUKAMATI 9:30

Sapfii mpou teinii khekalatle, “Teinii kadaziikapii madatpo! Mpounii kada kito gongpo katu gonyiinii timakle, nlenii mpounii gu mik kachet kito n-gu tii mbipyii takle!

2 PITAR 1:3

Mpoumah pumtei kava ninado bikakimah njai dou njoi matutang karam jangpii, nyiigo lat kapyii, Saraa ahmah kamatei teimaham teinii Saraa kamaning mah kasang tiilung lungtang karam jangpii, mpougo kati paikito nyiinii doukamajyii tei nyiigo pyiitakle.

1 PITAR 1:15

gonyiigo lat kapyii ahnii kamatei takumpii gonyiimah jairali hang kito mateilo,

MARK 6:6

Sateichii ahnyiinii malum kasu tei ngou wosii mpounii hangkapii sung gatakle, sateichii Jisunii nam namki tat maguisii ralipyiile.

ROMMEI 8:28

Sateichii Saraanii mpougo lungkasyiimei hang dakii katunii, mpounii tiimatu kanyii kamaning kamarei kalei tai swisii lat kalumei dakii bitang karam jangpii tha hang kaswisii tiipyiile katu nyiinii tile.

ROMMEI 8:30

Sateichii mpounii ndouto reipii tiida kabam gotei latdo latpyii takle. Lat kalumei gotei tiido tiima- jyii pyiitakle, sateichii tiimajyiipyii kaleimei gotei mpounii pumtei kavado pyiitakle.

2 KORENMEI 2:17

Kadapokii nyiinii mei kaki kakimeinii Saraamah kabi rasam gotei mai kamala pot takum- piinii jum kalei takum makle; nlenii Saraanii nyiigo langkai kapyii jangpii, Kristamah ki kaleimei nsang nsang tiisii mpou doito lung kamatei teipii nyiinii tamle.

GALATIMEI 1:7

Kataam kaki kabi rasam leile katu mah makle, nlenii Inii ai ai tam leile, katunii gonyiigo lung tiikamatai ninado Kristamah kabi rasam ai tiikali tang karam jangpii tiikaleimei leile.

GALATIMEI 1:11

Kangsanamei, Inii gonyiigo mati leile, katunii Inii gonyiigo tam ralikapyii kabi rasam teinii meinah mah makle,

GALATIMEI 1:15

Nlenii n-gu lung kasunato Saraanii mpou mah jumage kapyii kito n-gu kalai wotakle sateichii mpou nga ngalosii latto takle;

GALATIMEI 2:2

I-tatsu shyiilesii Saraanii gudakii mati mangou kapyii jangpii Inii tatpile. Inii Jehudimei kasu luikakimei hang dakii tam ralipyiisii kalei Kabi rasam mah samtam tei doimajangtat pyiisii kaleimei dakii adoidoi tiisii tampyii takle. Tinglang kareiki mak-kii tingneishang gutha katii kito tiidoulak tang karam katu ai Inii mareimakle.

GALATIMEI 2:5

nlenii kabi rasam mah kasang tei tiimashyii katu gasii gonyii jangpii kaibam tang karam jangpii, ahnyii dakii minit hangninii jangpii katangdo akang-nkang tang karam tei nyiinii pyiimakle.

GALATIMEI 2:7

Nlenii malatpii tiigyii malem kaleimei hang jang- piinii kabi rasam tei Pitar dakii pyii- kabam takumpiinii, tiigyii malem kasumei hang jangpii gudakii kabi rasam ai pyiibam takle katu tei ahnyiinii ngou wosek-kii,

GALATIMEI 2:14

Nlenii ahnyiinii kabi rasam mah kasang teitei swisii majyiisii tat makle katu tei Inii ngou wosek-kii, ahnyii hang doito Inii Pitar dakii tamle, “Nangnii Jehudimei hangninii tiisii leikado, Jehudimei mah ajaitingshang takumpii tat supiinii, Jehudimei kasu luikakimei takumpii tat leponii, nangnii lui kakimei hang go Jehudimei takumpii lung matu tang karam kada takumpiinii atei tiitangpo?”

GALATIMEI 5:14

Kadapokii ajaitingshang mpum madum ai kakhatsam hangninii kikii fii-ndwi bamle, teinii “Goroinapii n-go lungkasyii takumpii goki tiinanii- pamei hang go lungsyiilo.”