GALATIMEI 1:4 - KARANU KABI SAMTAM

⁴ Nyii Pfii ninado nyii Saraamah kamaning kamarei taiswisii tingnei- shang kashyii kahong sazyii pouryii ki aito nyiigo keipyii tang karam jang- pii, mpou pum sektei nyii kem jang- piinii pyiitakle.

GALATIMEI 1:4 Referans Kwoze

METIU 20:28

Teita- kumpii meinah sapfii mpou teinii nga-ngamatu tang karam jangpii gong makle, nlenii nga ngatang karam jangpii sateichii mei hang- kago kaleipyii tang karam jangpii mpou mah karing tei pyiilesii gongle.”

ROMMEI 4:25

Jisu go nyii kem jangpii gitoi takle, sateichii nyiigo tiimajyii pyii tang karam jangpii tiimaring pyii takle.

GALATIMEI 2:20

Teipiinii ringkalei ai I-makle, nlenii gulungto ringkalei ai Kristale. Inii aitoi ringsii kalei tiilung ai, n-gu lungsyiipyiisii gujangpii mpoumah karing kapyii, Saraa nah sapfii mpougo kamalum kito Inii ring leile.

1 PITAR 2:24

Kem kito tai aisii nyiinii kasang kamajyii kito ringtang karam jangpii mpou sekpiinii Krosh gamto mpoumah pumpot kikii nyiimah kakui kama hangtei pungpyii takle; mpoumah rajam jam teipiinii gonyiigo tii mbipyii takle.

TAITAS 2:14

Mpounii nyiigo kakui kama hang kito poi mpatpyii tang karam jangpii satei- chii nyiigo mpou kuto kalei kama- teimei tiimatu tang karam jangpii sateichii tha kabi tiinyii matutang karam jangpii mpou pumsek tei mpounii nyiijangpii pyiile.

2 KORENMEI 4:4

Ahnyiinii malum makle, dapokii sazyii pouryii mah sara kashyii teinii ahnyii lungswi tei kamyii kikii kai aitakle. Saraamah njoi karei takum sek katu Kristamah pumtei kavamah kaang kabi rasam kito kagong, ahnyii phyiiryiito vakalei kava tei mpounii ahnyiigo mangou sutakle.

1 TIMOTHI 2:6

mpou teinii mpou pum sekgo meihang jangpii lai ka-mpatmei tiisii pyiikalei mei Krista Jisu teile. Sak- chyii ai kamajyii tinglang sek kikii pyiile;

IPISAMEI 2:2

Tei tinglangki gonyiinii sazyii pouryiimah kashyii tai tei swisii, aitoi tinglang ki Saraanii katam swikasu sating nei sazyii kak kamarong kito apum tiisii kalei rangiimah teimaham hang gotei gonyiinii kaswisii leile.

1 THESOLONIKAMEI 3:13

Aitiisii nyii Bangpii Jisunii mpoumah kama- teimei hang go kaswisii kagong ki, nyii Pfii Saraa doito mpounii gonyiigo sajek gasii kamatei kito tiisangting pyiitangle.

ROMMEI 12:2

Sazyii pouryii mei mah ajairali gotei poisulo, nlenii Saraanii kama- ning kamarei kabi sateichii lukai kamajyii sateichii bikamatui tei gonyii tikabui tiisii gonyii lung kali katu teipii tiikali ailo.

PILIPIMEI 4:20

Nyii Saraa ninado nyii Pfii dakii kalui gasii tam matoi matulo, Amen. Kaluimah salam kapyii

IPISAMEI 5:2

Sateichii Kristanii nyiigo lungsyii pyiisanii, nyii jangpii mpou- mah pumsekpii pyiitoi tang karam manam kabi pot hangninii tiisii, Saraa dakii karat kapyii takumpii gonyiinii lungkasyii kito tatpyiilo.

MATIMANGOU KAPYII 1:5

Sateichii malum kabui sakchyii, kataimei kak kito ringkhii karei, sateichii sazyii pouryii hangmah apum tiikalei Jisu Krista dato jumage kapyii ninado kamajung tei gonyiigo kaswipyii matulo. Nyiigo lungsyii kapyii mpoumah zai teipiinii nyiimah kem kito nyiigo laat mpatpyii takle;

MATIMANGOU KAPYII 5:9

Sateichii ahnyiinii lhii kasatai tiile: “Kajui kabam larek nangnii kapoi ninado teimah seal tiipaksii laat majyiile. Kadapokii n-go gitat aitakle sateichii sadung, lat, meilui meirek hang kito gomah zai teipii meinahgo Saraa jangpii lyii mpatpyiile.

1 JON 3:16

Aipii nyiinii lungkasyii tei tile, ka- tunii, mpounii nyii jangpii mpoumah karing tei pyiitakle, sateichii nyiiniido nyii kangsanamei jangpii nyiimah karing tei pyiitang karamle!

1 JON 2:2

Sateichii mpou ai nyii kem jangpii pow ruipyii tang karam teile, nyii kem jangpii roinii makle, nlenii sazyii pouryii kem hang jangpiidole.

1 PITAR 3:18

Kadapokii Saraa dakii pang gong pyii tang karam jangpii, kakui kama meihang jangpii kasang kamajyii katunii, Kristaniido kem jangpii binii taipyii takle hang jangpii; mpougo pumpot lamto tai malei takle, nlenii rangii lamto ringkhii matu takle;

JEMS 4:4

Gonyii sapwimei sapfiimei kashyii kahong tha katiimei! Sazyii pouryiigo kanghe katii ai Saraago ngou karoumeile katu gonyiinii timakde? Teijangpii kata kangkanii sazyii pouryiigo kanghe tiikanyiimei teinii ah roinapiinii ahgo Saraamah angouroumei tiisii leile.

HEBRUMEI 6:5

Saraamah samtak mah sateichii gong tang karam aha kanamah teimaham hang mah, chiikabi chiikashyii masei kalei ahnyii teinii koukalei kito,

2 THESOLONIKAMEI 2:16

Aitoinii nyii Bangpii Jisu Krista pum sekpii sateichii gonyiigo lung- syii kapyii, kalui gasii nyiigo tii-nta kapyii, sateichii jumage kapyii pai- kito bisii maning kamalum kapyii, nyii Pfii Saraa teinii gonyii lung tiisamoupyii matulo,

JONNII KARYII KABI RASAM JUKAMATI 12:31

Sazyii pouryii aigo samtak tiitang karam tinglang tei aitoile, sazyii pouryii mah apum katiimeigo baatoi tang karam tinglang tei aitoile.

METIU 26:28

“Kadapokii ai ai kem kito kaleipyii tang karam mei hangka jangpiinii majou mang kapyii sat tang karam karanu samtam mah gumah zai teile.

HEBRUMEI 9:14

Ai ai kasang katu taiswisii, kadaziikapiinii moikaki kabi ai Kristamah zai teipiinii kaswi leipo? Kalui kaga rangii paikito mpounii mpou roinapii Saraa dakii sajek kaga kakarat pot hangninii tiisii pyiitoi aitakle. Nyiinii karing Saraa gotei nga ngakabui tiisii, kakadak kanat hang kiteito kabi kashyii tikabui nyiimah lungswi hangtei mpoumah zai teipiinii tiimateipyii tangle.

HEBRUMEI 2:5

Kadapokii nyiinii riishii kalei gong tang karam kasatai sazyii pouryii tei Saraanii sating gamlui kang nkang matu makle.

1 THESOLONIKAMEI 3:11

Aitoinii nyii Saraa sateichii Pfii pum sekpii, sateichii nyii Bangpii Jisunii gonyiida gong tang karam pwidi tei nyii jangpii tiidapyii matulo!

IPISAMEI 6:12

Kadapokii nyiigo ngoukarou saryiimei teinii pumzai phyiiryiikii makle, nlenii apum katiimei hang phyiiryiikii, teimaham kajum mei hang phyiiryiikii, kamyii ai sazyii pouryiimah apum katiimei phyiiryiikii, sating gam mah bam hang kito kashyii rangii tiisii kalei hang phyiiryiikii, saryii tiitang karam jangpiile.

IPISAMEI 1:11

Saraanii tiikanyii kamaning kamarei taiswisii mahlyii hang ai tiibam takle; sateichii saroi roisang kito mpounii kamaning gotei jubam- sii, mpoumah tiikanyii kamaning kamarei roinii jangpii, Kristago nyiinii njasii kalei kito, mpoumah mei tiimatu tang karam jangpii, Saraanii nyiigo kalai wotakle.

GALATIMEI 6:14

Sazyii pouryiinii gudakii sateichii Inii sazyii pouryii dakii krosh kito taikapyii, nyii Bangpii Jisu Kris- tamah kaang kito supiinii detkadi tei gudato dhii matulo.

ROMMEI 8:32

Mpou nah sapfii mpougodo masak supiinii nyii jangpii pyiitoi kalei mpou teinii meinah sapfii mpou gotei kaswisii mahlyii hangdo nyii dakii kada takumpiinii pyiilak tangpo?

ROMMEI 8:3

Kadapokii apum azainii kasui taiswisii ajaitingshangnii tiipei kalak tei Saraanii tiipyii takle: Saraanii mpounah sapfii mpou gotei kem katii pum zai mah jaitalui kito sateichii kem jangpii m-mang pyiisanii pum kito kalei kem gotei tam mashyii aitakle,

ROMMEI 1:7

Rom kito kalei, Saraanii lung- kasyii meihang kamateimei tiimatu tang karam jangpii lat kalumei hang go nyii Pfii Saraa sateichii Bangpii Jisu Kristanii jumage kapyii Sateichii kamajung tei gonyiigo pyii matulo.

JONNII KARYII KABI RASAM JUKAMATI 10:11

“Inii kabi Jaokakoipii teile. Kabi Jaokakoipii teinii mpou mah Jaonah hang jangpii mpou mah karing tei pyiile.

JONNII KARYII KABI RASAM JUKAMATI 6:38

Kada- pokii gumaning gu marai roinii tiitang karam jangpii sating gamto Inii hum makle, nlenii n-gu lang ka m-mang ah mah kamaning kamazhii tei tiitang karam jangpii humle;

JONNII KARYII KABI RASAM JUKAMATI 5:30

“Inii gumah teimaham roina- piinii samah kado tiipei wolakle; Inii kashii takumpii, Inii samtak tiile; sateichii gumah samtaknii kasangle, dapochiinii n-gu lang kamagong mpoumah kamaning kamazhii tei supiinii gumah kamaning kamazhii tei Inii fiimakle.

LUKNII KARYII KABI RASAM JUKAMATI 22:42

“He Pfii-o, Nangnii mazhii lepo- chiinii, kamage kalak mah Peek ai gudato poitoi seilo. Nlenii katalyii tiikido Inii kamaning kamarei tei tiimatu supiinii nangnii kamaning kamarei tei tiimatulo.”

MARK 10:45

Kadapokii meinah sapfii mpou teiniido nga-ngasei matutang karam jangpii gongmakle, nlenii nga ngalesii sateichii mpou mah karing tei meihang kago keipyii tang karam jangpii pyiilesii gongle.”

METIU 26:42

Nlailoisii hangna kashang tiisii mpounii tatpatsii riita takle “Gu pfii, peek ai Inii sak kasuta gudato ma- jutu wolak leponii, gomah kamaning kamazhii tei tiimatulo.”

METIU 6:9

“Teipiinii gonyiinii aitiisii riitalo: ‘Sating gamto kalei nyii Pfii, Go zei kamatei tei matulo;

MATIMANGOU KAPYII 7:9

Aitaito Inii ngoutakle, sateichii julo, mei kaniido meiphyii fiipei kalak, lui hang kito sadung, mei, ninado lat hang kito paijou kathang kaha nat kai kalei sateichii bah hang kiteikii kananhii poi kalei meimoi moisang sagongbam ninado Jaonah dateito satsii,

ROMMEI 8:27

Sateichii meinah lunghang go jusii kaleipii teinii rangii mah kamaning lungswi teido tile. Kadaponii Saraanii kamaning kamarei tai swisii rangiinii kamateimei hang jangpii khang- pyiisii bamle.

LUKNII KARYII KABI RASAM JUKAMATI 22:19

Sateichii mpounii tiirok tei poisii hakalang pyiisii, tiirak takle sateichii ahnyii dakii pyii siinii tamle, “Ai ai gonyii jangpii pyii kabam gu-tchiile, gonyiinii n-gu maningsii leitang karam jangpii ai ai tiilo.”

METIU 13:22

Sateichii tu tiirat kak kikii ralikai kabam ahnyii teinii samtam tei shii wosii, sazyii pouryii swi kamaning ninado kani kahii kamarei teinii samtam gotei giitnei wosii ti mati leimakle.

1 KORENMEI 15:3

Kadapokii Iniido doukalu, hang doito rou katii tei gonyii dakii pyii leile, katunii kabi rasam taiswisii Kristanii nyii kem jangpii taipyii takle.

IPISAMEI 5:16

Gonyiinii kadou tinglang kabi hangtei kabi tha tiisii jum matou wolo. Kadapokii tinglang ai bimakle.

1 THESOLONIKAMEI 1:3

Kadapokii gonyiimah kamalum tei dakumpii poisii tha tiileipo, gonyii mah lungkasyii teinii dakumpii gonyiigo teisii tha tiimatupo, satei- chii nyii Bangpii Jisu Krista dakii gonyii maning kamalum tei daziikapiinii sangtingpo katu tei nyiinii maningle.