GALATIMEI 1:1 - KARANU KABI SAMTAM

¹ Meinah dato kasu, meinah mah paikitodo kasu, nlenii Jisu Krista sateichii mpougo katai kito tiimaring kapyii Pfii Saraamah paikito Tiilamlwi kapyiimei hangninii tiisii kalei Polnii,

GALATIMEI 1:1 Referans Kwoze

1 KORENMEI 1:1

Saraamah kamaning kamarei paikito Jisu Krista mah tiilamlwi kapyiimei hangninii tiisii lat kalu Polnii sateichii nyii sanapii Sostenesnii Koren kito kalei charsh dakii,

MATIMANGOU KAPYII 1:5

Sateichii malum kabui sakchyii, kataimei kak kito ringkhii karei, sateichii sazyii pouryii hangmah apum tiikalei Jisu Krista dato jumage kapyii ninado kamajung tei gonyiigo kaswipyii matulo. Nyiigo lungsyii kapyii mpoumah zai teipiinii nyiimah kem kito nyiigo laat mpatpyii takle;

ROMMEI 1:1

Jisu Krista ki kalaipii, tiilamlwi kapyiimei hangninii tiisii lat kalu, Saraa mah kabi rasam jangpii kalaikalu Polnii,

IPISAMEI 3:8

Saraago kamalum meihang kak kito ka-nkhii khiisang tei I-le, teitii kido fiipei kalak Kristamah kani kahiimah kaang kito luikakimei dakii kabi rasam ai tam ralipyii matu tang karam tinglang kabi ai Saraanii n-gu pyiile.

TAITAS 1:3

ai toinii ajhii kabi tinglang kiteito, mpounii tiilosii gudakii pyiikabam kabi rasam teipii Saraanii mpoumah tiimatu kanyii kaang tei nyiigo mati mangoupyii takle. Ai ai Inii nyiigo keikapyii Saraamah mwija teipii saa mpat leile.

2 KORENMEI 1:1

I-Pol, Saraanii kamaning kamarei kito Krista Jisu mah Tiilamlwi kapyiimei hangninii tiisii kalei sateichii nyii kangsanapii Timothi dato, Koren kito Saraanii lat mpat kalumei sateichii Akaiya sazyii lungto kalei kamalum meihang dakii:

2 TIMOTHI 1:1

Krista Jisu dato kalei karing mah riishii taiswisii, Saraanii kama- ning kamarei kito Krista Jisumah tiilamlwi kapyiimei hangninii tiisii kalei Polnii, Gumah lungkasyii gunah Timothi dakii: Krista dato kalei pyiitang lesii riishii tiikabam karing tei tam matilosii lang kai kabam Polnii–

ROMMEI 10:9

Ka- daponii nangnii gomwipii Jisugo Bangpii lesii tam mpat lepochiinii sateichii Saraanii mpougo katai kito tiimaringpyii takle katu tei golung kito malum woleponii n-go keipyii tangle.

TIILAMLWI KAPYIIMEI THA JUKAMATI 22:10

Teito Inii tamle, ‘Inii kadapei tiitangpo, Bangpii?’ Teito Bangpiinii gudakii tamle, ‘Gungtusii Damaskas kitei liitlo, sateichii teiki teito nangnii tiitang karam jangpii ada tiikabam tha hang mah kaang kiteito godakii tampyii tangle.’

TIILAMLWI KAPYIIMEI THA JUKAMATI 9:6

Nlenii tusat tosii namdi kitei liitlo, sateichii nangnii kada dapei tiitangpo katu Inii godakii tampyii tangle.”

MATIMANGOU KAPYII 2:8

“Smarna charshmah rangii dakii ryiilo: katai kito ringkhii kalu karei ninado kana, Ah teinii sam hang ai tam leile.

MATIMANGOU KAPYII 1:18

sateichii karing teile. Inii taitakle nlenii julo, aitoinii Inii kalui gasii ring takle sateichii kataimei ninado kataimei- mah sazyii pouryii chabyii tei guda leile.

1 PITAR 1:21

Katai kito tiimaring kapyii sateichii pumtei kava kapyii Saraa gotei, mpou paikito gonyiinii malumle; teijangpii gonyii mah kamalum ninado maning kama- lum tei Saraa dakii mik leeng bamle.

HEBRUMEI 13:20

Aitoinii kalui gasii sat tang karam samtam mah zai teipiinii Jaonah mah kadi Jao kakoipii, Nyii Bangpii Jisugo katai kito tiima- ringloi kapyii,

GALATIMEI 1:17

gu doito Tiilamlwi kapyiimei tha tiisii kaleimeinii kalei Jerosalem kido Inii maa makle, nlenii manoisekkii Inii Arabiya ki maale, teito Inii Damaskas ki nlaigongle.

ROMMEI 14:9

Kadaponii Kristanii katai ninado karing hangna mah Bangpii tiitang karam jangpii, aikaang kito mpounii taido taipyii takle, sateichii ringdo ringkhiipyii takle.

JONNII KARYII KABI RASAM JUKAMATI 20:21

Jisunii ahnyii dakii nlailoisii tamle, “Kamajung tei gonyiigo kaswi matulo. Gu Pfiinii n-gu lang ka-mpat takumpii, Iniido gonyiigo lang mpat leile.”

JONNII KARYII KABI RASAM JUKAMATI 10:30

I ninado Pfii teinii hangniniile.”

JONNII KARYII KABI RASAM JUKAMATI 5:19

Teipiinii Jisunii ahnyiigo khe- kalatle, “Inii gonyii dakii kasangpii tam leile, Pfiinii katiihang tei ngou- supiinanii nah sapfii mpou teinii mpou roinapii samah kado tiipei wolakle; kadapokii mpounii katii katiihangtei nah sapfii mpou teiniido teigotei njoisii tiileile.

TIILAMLWI KAPYIIMEI THA JUKAMATI 3:15

Sateichii karing bangpiigo gi aitakle; mpougo Saraanii kataimei kak kito tiima- ringpyii takle, aikaang kito nyiihang- nii sakchyii tiileile.

GALATIMEI 1:15

Nlenii n-gu lung kasunato Saraanii mpou mah jumage kapyii kito n-gu kalai wotakle sateichii mpou nga ngalosii latto takle;