TIILAMLWI KAPYIIMEI THA JUKAMATI 9:24 - KARANU KABI SAMTAM

²⁴ Nlenii ahnyii mah kamakum rashii tei Solnii tiwo takle; ahnyiinii mpougo gitang karam jangpii tinghum tingna namdi mah takam kamjao kuto mbeisii bamle.

TIILAMLWI KAPYIIMEI THA JUKAMATI 9:24 Referans Kwoze

2 KORENMEI 11:32

Inii Damaskas kito kalei tinglang kak, sagong Aritas kangto Governornii n-gu jumtang karam jangpii Damaskas namdi kimah kamwi hang kiteikii sangtang karam jangpii saryiimei kai aitakle.

TIILAMLWI KAPYIIMEI THA JUKAMATI 25:3

Sateichii pwidi lamto mpougo makumpiinii gitoi tang karam jangpii mpougo Jerosalem kikii lat mpisei matu tang karam jangpii Festas dato ahnyiinii tiihalosii khangle.

TIILAMLWI KAPYIIMEI THA JUKAMATI 20:19

Katunii, Inii hang- kapii lung manoisii, mikdwi kapat ninado Jehudimeinii n-gu makumpii jumtang karam kito n-gu ajai kaju kapat tei njasii Bangpii mah nga ngasii;

TIILAMLWI KAPYIIMEI THA JUKAMATI 20:3

Sateichii mpounii teiki teito sakhiitum bamsanii Sairiya ki katang malyii hoisii tat tanglesii bamleibangpii Jehudimeinii mpougo jumtang karam makumpii tiikajyii tei tigong sek-kii, mpounii Mesi- doniya lampang nlai tang taklesii maning wotakle.

TIILAMLWI KAPYIIMEI THA JUKAMATI 25:11

Nlenii Inii tiima aitak dinchii sateichii Inii tai kamajyii tha tiibamle lepochiinii Inii katai kito nlek tang karam gale; nlenii mei aimeinii guphyiiryiikii tam mashyii kalei hang kito kasang hangninii kado gale lepochiinii, mei kaniido n-gu ahnyii dakii pyiipei wolakle, Inii Kaisar dato riita leile.”

TIILAMLWI KAPYIIMEI THA JUKAMATI 23:30

Sateichii sapfii mpou aipougo gitang karam jangpiinii makumpii tha tiikajyii leitangle katu ai gudakii tam mangou sek-kii, Inii mpougo tam kamashyiimei hang godo godoito gong mpou phyiiryiikii tam matulo katupii kakhat pyiisii mpougo godakii kapousii lang mpat leile.”

TIILAMLWI KAPYIIMEI THA JUKAMATI 9:25

Nlenii mpou boumeinii mpougo tinghumkii razyii hangninii lung kikii kaiwosii mbaang phyiiryiito toi m-mangpyii aitakle.