TIILAMLWI KAPYIIMEI THA JUKAMATI 9:22 - KARANU KABI SAMTAM

²² Nlenii Solnii tam rali kapyii tei kisii kisii teisii, Jisu ai Kristale katu maning kariirhii tei gasii tam rali kapyii kito, Damaskas kito kalei Jehudimei hang go sung tiimaga aitakle.

TIILAMLWI KAPYIIMEI THA JUKAMATI 9:22 Referans Kwoze

TIILAMLWI KAPYIIMEI THA JUKAMATI 18:5

Sateichii Sailas nei Timothinii Misidoniya kito tat kahum tinglang kak, Polnii Jisu ai Kristale katu tei Jehudimei hang dakii sakchyii pyiisii samtam kiteito lungliitsii bamle.

LUKNII KARYII KABI RASAM JUKAMATI 21:15

Kadapochiinii gonyiigo ngou karoumei hangnii gonyii phyiiryiito nryiipei kalak mak-kii malhiipei kalak samtam ninado swirek kabi tei Inii gonyii dakii pyiitangle.

1 KORENMEI 1:27

Nlenii kasakai meigo tii-nrou tang karam jangpii sazyii pouryiito kapang kamangmei gotei Saraanii kalai wotakle; sateichii kateimeigo tii-nrou tang karam jangpii, sazyii pouryiimah kasuimei gotei Saraanii kalai wotakle;

TIILAMLWI KAPYIIMEI THA JUKAMATI 28:23

Sateichii ahnyiinii mpou dakii tingneikii leimik karet kalu kito, ahnyiimei moi mpounii kazyiibam kitei gong takle. Mpounii ahnyii dakii Moses mah ajaitingshang kiteito sateichii Lungkakalingmei mah larek kiteito Saraa mah sating sazyii mah kaang kiteito sakchyii tiisii, sateichii Jisu mah kaang kiteito ahnyiigo malum tang karam jangpii hemsii tingchoito tingkhii katang tam ralipyiile.

PILIPIMEI 4:13

N-gu teima- ham pyiisii tiisangting kapyii Krista zei kito Inii mahlyii hang tiiwo buile.

TIILAMLWI KAPYIIMEI THA JUKAMATI 17:3

Teitei tam mpatpyii sii Kristanii kamage kalak lehsii kataimei kak kito ringkhii tang karamle sateichii “Inii gonyii dakii tam ralipyiisii kalei Jisu ai Kristale” sii tiigatpii tam ralipyiile.

TIILAMLWI KAPYIIMEI THA JUKAMATI 9:20

Sateichii mpounii Jehudimei mah ndwini hangki tei liitsii, “Jisu ai Saraanah sapfii mpoule” sii tam ralipyiitu takle.

TIILAMLWI KAPYIIMEI THA JUKAMATI 9:21

Sateichii shiikalu meihangnii madatsii tamle, “Jerosalem kito zei aigo kamata mei hang go tiimaga tang karam jangpii katii tei mei aipou makde? Sateichii mpounii aikito ahnyiigo jum wosii kanat kanhii kajum tingdimei doikii pang gong tang karam jangpii gongle.”

TIILAMLWI KAPYIIMEI THA JUKAMATI 9:23

Teitai tinglang kathangkii sou- kaleitai, Jehudimei hangnii mpougo gitoi tang karam jangpii sam rashii wotakle.

TIILAMLWI KAPYIIMEI THA JUKAMATI 9:27

Nlenii Barnabasnii mpougo pangsii Tiilamlwi kapyii- meida pang gongpyiisanii, mpounii pwidi lamto Bangpii go kada takumpiinii ngou wopo, Bangpiinii mpougo sam karashii kalu sateichii kada takumpii mpounii Jisu zei kito Damaskas sazyii kito sangtingsii kabi rasam tam ralipyiipo katu tei ahnyii dakii tiigatpii tampyii takle.

GALATIMEI 1:18

Sateichii tingkum hangtumtai, Kaifas go kadoutang karam jangpii Inii Jerosalem ki tat pile, teito Inii mpougo kaswisii leimik keariisii mangii nkhii bamle.

1 TIMOTHI 1:12

N-gu tiisangting kapyii nyii Bangpii Krista Jisugo Inii halangle, dapokii nga ngamatu tang karam jangpii mpounii n-gu kalaipyiisii malum kabuimei hangninii tiipyii takle.