TIILAMLWI KAPYIIMEI THA JUKAMATI 9:20 - KARANU KABI SAMTAM

²⁰ Sateichii mpounii Jehudimei mah ndwini hangki tei liitsii, “Jisu ai Saraanah sapfii mpoule” sii tam ralipyiitu takle.

TIILAMLWI KAPYIIMEI THA JUKAMATI 9:20 Referans Kwoze

JONNII KARYII KABI RASAM JUKAMATI 20:28

Thomasnii mpougo khekalatle, “Gu Bangpii ninado gu Saraa!”

GALATIMEI 2:20

Teipiinii ringkalei ai I-makle, nlenii gulungto ringkalei ai Kristale. Inii aitoi ringsii kalei tiilung ai, n-gu lungsyiipyiisii gujangpii mpoumah karing kapyii, Saraa nah sapfii mpougo kamalum kito Inii ring leile.

JONNII KARYII KABI RASAM JUKAMATI 1:49

Nathanelnii mpougo khekalatle, “Rabbi,” (katunii Madhiikapyiipii) “Nangnii Saraa nah sapfii mpou teile, Nang Isrelmeinah mah Sagongle.”

METIU 27:43

Mpounii Saraa go malumle, sateichii Saraa nah sapfii mpou lesii tamle, bitakle, teitii leponii Saraanii mpougo aitoi keikapyii nyiinii jude.”

METIU 4:3

Teito Seitan teinii mpouda gongsii “Nang Saraa nah Sapfii mpou lepochiinii, kuitu hang ai tiirok ndat tolosii kakhatlo,” sii tamtakle.

MATIMANGOU KAPYII 2:18

“Sateichii Thyatira kito kalei Charshmah rangii dakii ryiilo: mi mishong takum katu mik kapung ninado piitmatei kalei kamaleek sa- nahgyii takumpii vakalei pi kouzhii kapung, Saraa nah sapfii mpou teinii sam hang ai tam leile.

ROMMEI 1:4

sateichii kamateimah rangii reng lamgpangto mpounii katai kito ringkhii kalu kito teimaham go kaswisii Saraa nahle katu tei mangoupyii takle, teitei nyii Bangpii Jisu Kristale;

TIILAMLWI KAPYIIMEI THA JUKAMATI 13:14

Sateichii ahnyiinii Parga kito tat majupat tosii Pisidiya kito kalei Antiyok sazyiiki gong wotakle; sateichii ahnyiinii bam ntak piinei leimik tei Jehudimei mah ndwibamni tei liitsii bam takle.

TIILAMLWI KAPYIIMEI THA JUKAMATI 13:5

Sateichii mpoupiinanii Salamis kitei gong wosek-kii, Saraamah kabi rasam tei Jehudimei ndwibam hangki liitsii tam mpatpyii takle sateichii Jon-nii ahnyiigo tiihale.

TIILAMLWI KAPYIIMEI THA JUKAMATI 9:22

Nlenii Solnii tam rali kapyii tei kisii kisii teisii, Jisu ai Kristale katu maning kariirhii tei gasii tam rali kapyii kito, Damaskas kito kalei Jehudimei hang go sung tiimaga aitakle.

TIILAMLWI KAPYIIMEI THA JUKAMATI 8:36

Sateichii ahnyiinii aitiisii pwidi lamto tatleibangpii dwi kalei nitei gong wotakle; teito Ithopiyamei mi katupii teinii tamle, “Julo, aiki dwi lei takle, n-gu dwi mpumpyii tang karam kito kadapei kadang leipo?”

JONNII KARYII KABI RASAM JUKAMATI 20:31

nlenii Jisu ai Saraa nah sapfii mpou Kristale katu tei gonyiinii malum matutang karam jangpii sateichii malum wosii gonyiinii mpou zei kito karing tei doumatutang karam jangpii aihang ai ryiikai bamle.

JONNII KARYII KABI RASAM JUKAMATI 19:7

Jehudimeinii mpougo khekalatle, “Nyiimah ajaitingshang leile sa- teichii teimah ajaitingshang taiswisii mpounii taitang karamle. Dapochii- nii mpou roinapii mpougo Saraa nah sapfii mpou tiitakle.”

METIU 27:54

Sateichii saryiimei mei hai phyiiryii kasatpii nei mpougo kaswisii Jisugo koikalei mei teinii malyii kachyii ninado pat kalei hangtei ngou wosek-kii, hangkapii hingsii tamle, “Kasangpii mpou ai Saraa nah sapfii mpoule!”

TIILAMLWI KAPYIIMEI THA JUKAMATI 13:33

Katunii, Saraanii Jisugo mpat pyiisii ahnyii nahmei dakii teitei madougong mpyii takle; aitiisiido hangna kashang tam matoi lhii kikii ryiibam takle, ‘Nang gunah sapfii mpou teile, tingnei Inii go pfii tiiwo takle.’

TIILAMLWI KAPYIIMEI THA JUKAMATI 13:46

Teito Pol nei Barnabasnii lungdisii tamle, gonyii dakii Saraa mah kabi rasam ai tamrei tang karamle. Nlenii teitei gonyiinii gonyii dato kataitoisii kalui kaga karing doutang karam ai doumajyii maklesii gonyii roinapiinii maning kalu jangteipii, julo, nyiinii lui kakimeida tat tutakle.

TIILAMLWI KAPYIIMEI THA JUKAMATI 14:1

Toinii Ikoniam ki teito mpou- piinanii kaswisii Jehudimei mah ndwiki nitei liit takle sateichii samtei tam katu kito Jehudimeido Grikmeido mei hangkii malum wotakle.

TIILAMLWI KAPYIIMEI THA JUKAMATI 16:13

Sateichii bam ntak piinei leimik nyiinii kongkarang Takam ki teito tatpat tosii karyii kuto riita tang karam jangpii bamlei tanglesii maningsii teiki tei maa takle. Sateichii nyiinii bamsanii gong ndwi kalei sapwimei hang dakii tam ralipyiitu takle.

TIILAMLWI KAPYIIMEI THA JUKAMATI 17:2

Sateichii Polnii mpou jai taiswisii ahnyiida tatliit sanii bam ka-ntak piinei hangtum kashang tiisii kabi rasam bung kito ahnyiigo kaswisii maning njoile.

TIILAMLWI KAPYIIMEI THA JUKAMATI 17:10

Teito kangsanamei teinii ting- hum manoisekkii Pol nei Sailas go Beriya kikii langtoi aitakle, sateichii mpoupiinanii gongtang wosek-kii, mpoupiinanii Jehudimei mah ndwiki tei liit takle.

TIILAMLWI KAPYIIMEI THA JUKAMATI 17:17

Teijangpiinii mpounii Jehu- dimei mah ndwi kiteito Jehudimei, Saraago kamaning lui kakimei ninado salikijangto sating kata mpougo kadou kaleimeigo kaswisii karashii njoile.

TIILAMLWI KAPYIIMEI THA JUKAMATI 18:4

Sateichii mpounii bam ntak piinei leimik mata Jehudimei ndwi nito sam kajyiisii Jehudimei ninado Grikmei hang go malum matu tang karam jangpiinii hemle.

TIILAMLWI KAPYIIMEI THA JUKAMATI 18:19

Sateichii ahnyiinii Ipisa ki gong wosii mpounii ahnyiigo teibam kikii kai aitakle, nlenii mpoupum sek teinii Jehudimei mah ndwiki tei liit tosii Jehudimeigo sam kajyiitu takle.

TIILAMLWI KAPYIIMEI THA JUKAMATI 19:8

Sateichii mpounii Jehudimei mah ndwiki lung tei liit tosii Saraa mah sating sazyii kaang kito sam kajyiisii ninado hemsii sakhii hangtum katang lungdisii ralipyiile.

GALATIMEI 1:16

sa- teichii Inii luikakimei hang dakii mpoumah kaang kito kabi rasam tam ralipyii tang karam jangpii, mpounii mpounah sapfii mpou gotei gudakii mati mangou tang taklesii satto sek- kii, Inii pum ninado zaigo kaswisii rashii makle,

TIILAMLWI KAPYIIMEI THA JUKAMATI 8:37

(Teito Filipnii tamle, Golung matum madum haisii malum takle leponii mazhiile, teito mpounii khekalatle, Saraa nah sapfii mpou tei Jisu Kristale katu Inii malumle.)