TIILAMLWI KAPYIIMEI THA JUKAMATI 8:37 - KARANU KABI SAMTAM

³⁷ (Teito Filipnii tamle, Golung matum madum haisii malum takle leponii mazhiile, teito mpounii khekalatle, Saraa nah sapfii mpou tei Jisu Kristale katu Inii malumle.)

TIILAMLWI KAPYIIMEI THA JUKAMATI 8:37 Referans Kwoze

TIILAMLWI KAPYIIMEI THA JUKAMATI 8:36

Sateichii ahnyiinii aitiisii pwidi lamto tatleibangpii dwi kalei nitei gong wotakle; teito Ithopiyamei mi katupii teinii tamle, “Julo, aiki dwi lei takle, n-gu dwi mpumpyii tang karam kito kadapei kadang leipo?”

TIILAMLWI KAPYIIMEI THA JUKAMATI 8:38

Teito mpounii takoi garyii tei sat tang karam jangpii kakhat takle, ninado Filipdo Ithopiyamei mi katupiido mpoupiinanii dwi kalei nitei hum wosii, mpounii mpougo dwi mpumpyii takle.

METIU 16:16

Simon Pitarnii khekalatle, “Nang karing Saraanah sapfii mpou teile.”

METIU 28:19

Teijangpii gonyiinii maasii, lui hang go gutai kaswimei tiipyiilo, Apfii, anah ninado rangii kamatei zei kito dwi mpum pyiilo;

MARK 16:16

Malum kalumei ninado dwi mpum kalumei hang go tei keipyii tangle; ninado malum kasumei hang gotei tam mashyii tangle.

JONNII KARYII KABI RASAM JUKAMATI 6:68

Saimon Pitarnii mpougo khekalatle, “Bangpii, nyiinii tada tat tutangpo? Godato kalui kaga karing mah samkang hangtei leile.

JONNII KARYII KABI RASAM JUKAMATI 9:35

Ahnyiinii mpougo paktoi aitakle katu Jisunii shiitakle ninado mpougo dou wosii mpounii tamle, “Nangnii meinah sapfii mpou gotei malum makpo?”

JONNII KARYII KABI RASAM JUKAMATI 11:27

Mpoupeinii mpou dakii tamle, “Nle malumle Bangpii, Nangnii Saraa nah sapfii mpou Krista, sazyii pouryii gongtang karampii teile katu Inii malumle.”

JONNII KARYII KABI RASAM JUKAMATI 20:31

nlenii Jisu ai Saraa nah sapfii mpou Kristale katu tei gonyiinii malum matutang karam jangpii sateichii malum wosii gonyiinii mpou zei kito karing tei doumatutang karam jangpii aihang ai ryiikai bamle.

TIILAMLWI KAPYIIMEI THA JUKAMATI 2:38

Pitarnii ahnyii dakii tamle, “Gonyii mah kem kaleipyii matutang karam jangpii gonyiinii lung kali wolo sateichii Jisu Krista zei kito gonyii hangnii dwi mpum wolo ninado gonyiinii rangii kamatei mah luha tei doutangle.

TIILAMLWI KAPYIIMEI THA JUKAMATI 8:12

Nlenii Filipnii Saraa mah sating sazyii ninado Jisu Krista mah zei kito kabi rasam tam ralikapyii tei ahnyiinii malum wosek-kii, sapwi- meido sapfiimeido ahnyii hang dwi mpum wotakle.

TIILAMLWI KAPYIIMEI THA JUKAMATI 8:21

Atha aiki aito go njai mak-kii golangh samah kado gale, kadapokii golung matei makle.

TIILAMLWI KAPYIIMEI THA JUKAMATI 9:20

Sateichii mpounii Jehudimei mah ndwini hangki tei liitsii, “Jisu ai Saraanah sapfii mpoule” sii tam ralipyiitu takle.

ROMMEI 10:10

Kadaponii meinahnii tii- majyii kapyii doutang karam jangpii Ah lungpiinii malumleile, sateichii kaleikapyii karing doutang karam jangpii Ah mwipiinii tam mpat leile.

1 KORENMEI 12:3

Teijangpii Saraamah rangii teipii- nii tamsii kalei meihangninii kaniido “Jisugo sheeng takle!” Katu ai tam- sang tam leimakle. Sateichii rangii kamatei teipiinii katam teisupiinii mei kaniido “Jisu ai Bangpiile” katu ai tamsang tampei wolakle.

1 PITAR 3:21

Dwi ainii teimah ajai nda tei tiisii, katunii, dwi ka-mpum teipiinii, aitoi gonyiigo keipyiile, pumpotmah kahong kara poitoi tang karam jangpii makle, nlenii Jisu Kristamah ringkakhii paikito lung mateisii Saraa dakii riishii katii teile.

1 JON 4:15

Jisu Kristago Saraa nah sapfii mpoulesii kata kangkanii tam mpat leponii, Sa- raanii mpou dato sateichii mpounii Saraa dato taksupii leile.

1 JON 5:1

Jisugo Kristale katupii kamalum meihangnii Saraa nahmeile sateichii Pfiigo lungkasyiimei hang- teinii mpougodo lungsyiile.

1 JON 5:5

Sateichii Jisugo Saraa nahlesii kamalum ah tei supiinii, sazyii pouryiigo kangam ah tei tapo?

1 JON 5:10

Saraa nah sapfii mpougo kamalum ah teinii ah roinapii sakchyii tei leile, Saraago malum kasu ahteinii mpougo chuimatu aitakle, kadapokii Saraanii mpounah sapfii mpou mah kaang kito pyii kabam sakchyii tei ahnii malum sutakle.