TIILAMLWI KAPYIIMEI THA JUKAMATI 8:30 - KARANU KABI SAMTAM

³⁰ Teito Filip nii mpou da tatliit manangsanii mpounii Lungkakalingpii Isaiya mah larek fiikalei tei shiiwosii tamle, “Nangnii fiikalei tei ti timakpo?”

TIILAMLWI KAPYIIMEI THA JUKAMATI 8:30 Referans Kwoze

JONNII KARYII KABI RASAM JUKAMATI 5:39

Gonyiinii kabi rasam hangtei fiile, dapochiinii teihang lung kiteito gonyiinii kalui kaga karing doulesii maningle sateichii gumah kaang kito sakchyii pyiikalei tei teihang teile.

IPISAMEI 5:17

Teijangpii gonyiinii kapangmei tiisulo, nlenii Bangpiimah kamaning kamarei tei kadapeipo katu tilo.

METIU 15:10

Sateichii mpounii meimoi gotei mpou dakii lat magongsii ahnyii dakii tamle, “Koikinglo sateichii ti wolo!

METIU 13:23

Sateichii sazyii kabi kikii ralikai kabam ahnyii teinii samtam tei shii wosii teigotei tiwole; ahnyiinii kasangpii ti matile: kangkanii njai hai, kangkanii reksiirok, sateichii kangkanii tamrhii matile.”

METIU 13:19

Mei kata hangninanii sating gam sazyii mah samtam tei shii wosii, teigotei tikasu teinii kashyii teinii gongsii ah lungkikii maroukai kabam tei poitoi takle; pwidiku kikii rali kakei ahtei aile.

1 KORENMEI 14:19

Nlenii Charshgo tam ralipyii tang karam jangpii, lat hangniniipanii samkang tang kearii katam sungnii gulung swipiinii samkang mangii roinii katam Inii kisii mareile.

MARK 13:14

“Nlenii kahing ngou ka-nraang teinii satjyii kasu bam kiteito sat kalei tei gonyiinii ngou kalei tinglang kak, (kafiimeinii tiwolo) tei kak tei Judiya kito kalei mei teinii zang hangki pak kai matulo.

METIU 24:15

“Lungkakalingpii Danielnii ka- tam, ‘Ngoukahing tiisii kamage tang karam,’ gonyiinii ngou tangle, teitei kamatei bam kito satsii lei tangle!” (Kafiimeinii ai ai tiwolo).

METIU 13:51

“Aihang ai gonyiinii titakpo?” Ahnyiinii mpou dakii tamle. “Nle.”

MATIMANGOU KAPYII 13:18

Ainii swirek kabigo latsii leile: kati kalei meihangnii saramkoumah zeimah asaamah kaang tei fii mpat matulo. Kadapokii ai ai meinah mah asaale, aimah asaanii (666) haisiiruk reksiiruksii siiruk nkhiile.

TIILAMLWI KAPYIIMEI THA JUKAMATI 8:27

teito mpounii tusat tosii tat tutakle; sateichii julo, Ithopiyamei tiikatu sapfii mpou, Ithopiyamei mah sagong nou Kandaseh mah seh sana hang phyiiryiito sangkaleipii, kadipii tei- nii Jerosalem ki Saraago mata tang karam jangpii tat leile;

JONNII KARYII KABI RASAM JUKAMATI 4:34

Jisunii ahnyii dakii tamle, “N-gu lang kamagong mpoumah kamaning kamazhii katii ninado mpoumah tha tiikamashang ai gumah chiitakle.

TIILAMLWI KAPYIIMEI THA JUKAMATI 8:5

Sateichii Filipnii Samariya mah namdi kitei liit tosii ahnyii dakii Krista go tam mati mangoupyiile.

TIILAMLWI KAPYIIMEI THA JUKAMATI 8:29

Sateichii rangiinii Filip dakii tamle, “Ada khiiwosii takoi garyii aigo kaswi wolo.”

TIILAMLWI KAPYIIMEI THA JUKAMATI 8:31

Teito mpounii tamle, “Mei kata hangninanii n-gu tampyii suleponii, Inii kada takumpiinii tiwo tangpo? Teito mpounii Filip go: aigam tuwosii n-gu kaswisii bamseilo,” sii tam takle.