TIILAMLWI KAPYIIMEI THA JUKAMATI 8:12 - KARANU KABI SAMTAM

¹² Nlenii Filipnii Saraa mah sating sazyii ninado Jisu Krista mah zei kito kabi rasam tam ralikapyii tei ahnyiinii malum wosek-kii, sapwi- meido sapfiimeido ahnyii hang dwi mpum wotakle.

TIILAMLWI KAPYIIMEI THA JUKAMATI 8:12 Referans Kwoze

TIILAMLWI KAPYIIMEI THA JUKAMATI 2:38

Pitarnii ahnyii dakii tamle, “Gonyii mah kem kaleipyii matutang karam jangpii gonyiinii lung kali wolo sateichii Jisu Krista zei kito gonyii hangnii dwi mpum wolo ninado gonyiinii rangii kamatei mah luha tei doutangle.

TIILAMLWI KAPYIIMEI THA JUKAMATI 1:3

Leimik rekdai lungki teito tiilamlwi kapyiimei dakii mangou kapyii sateichii Saraa mah sating sazyii mah kaang kito ralipyiisii, Mpounii kamage kalak leh kaleitai maning kariirhii katu gasii tiikamangou kadaziikapiinii mpou pumsek ai ringtakle katu tei ahnyii dakii mangoupyii takle.

METIU 28:19

Teijangpii gonyiinii maasii, lui hang go gutai kaswimei tiipyiilo, Apfii, anah ninado rangii kamatei zei kito dwi mpum pyiilo;

1 PITAR 3:21

Dwi ainii teimah ajai nda tei tiisii, katunii, dwi ka-mpum teipiinii, aitoi gonyiigo keipyiile, pumpotmah kahong kara poitoi tang karam jangpii makle, nlenii Jisu Kristamah ringkakhii paikito lung mateisii Saraa dakii riishii katii teile.

TIILAMLWI KAPYIIMEI THA JUKAMATI 2:41

Teijangpiinii mpou sam lukai kalu ahnyii hang gotei dwi mpum pyiitakle sateichii teipiinei leimik tei mei tangtumkii ahnyiida gong mpam wole.

GALATIMEI 3:28

Jehudimeido, Jehudimei kasu luikakimeido thamki makle, apum meido, kikaleimei do taamki makle, sapfiimeido, sapwi- meido tam kimakle, kadaponii gonyiinii Krista Jisugo kaswisii hangninii tiikalu kito gonyii hang ai hangniniile.

ROMMEI 10:10

Kadaponii meinahnii tii- majyii kapyii doutang karam jangpii Ah lungpiinii malumleile, sateichii kaleikapyii karing doutang karam jangpii Ah mwipiinii tam mpat leile.

1 KORENMEI 11:11

Nlenii Bangpii dato nyii tiilung kito, sapfiimei haisupiinii sapwimei mi- makle sateichii sapwimei haisupiinii sapfiimei mimakle.

TIILAMLWI KAPYIIMEI THA JUKAMATI 28:31

Mpougo meikaniido kanam tiisupii mpounii lungdisii Saraa mah sating sazyii mah tam ralipyiisii sateichii Bangpii Jisu Krista mah kaang kito ralipyiisii bamle.

TIILAMLWI KAPYIIMEI THA JUKAMATI 20:25

Sateichii aitoinii, julo, gonyii kak kito Inii Saraa mah sating sazyii rasam tam ralipyiisii tatsii leile, nlenii gonyiihangnii guju nlailoisii ngoulak takle katu ai Inii tile.

TIILAMLWI KAPYIIMEI THA JUKAMATI 20:21

mah kata bitang karam sam gonyii dakii tam ka-mpat kito sateichii mei machii doikii, aki-ki lungkado gonyii- go tam ralikapyii kito kada takumpii Inii nkhiimang makpo katu gonyiinii tile.

TIILAMLWI KAPYIIMEI THA JUKAMATI 18:8

Sateichii Jehudimei mah ndwinito apum katiipii Krispasnii mpouki kalung- mei hang go kaswisii Bangpiigo malum wotakle, sateichii Koren kito kaleimei hangkanii shiiwosii malumdo malum takle dwido mpum wotakle.

TIILAMLWI KAPYIIMEI THA JUKAMATI 11:20

Nlenii Kaipras ninado Sairen kito kalei mei kangkanii Antiyok ki gong wosii Grikmei dakiido Bangpii Jisu mah kabi rasam tei tam ralipyiitu takle.

TIILAMLWI KAPYIIMEI THA JUKAMATI 5:14

Nlenii Bangpiigo kamalummei sapwimei sapfiimei hangkii kisii kisii meitei moibuibuitu takle;

LUKNII KARYII KABI RASAM JUKAMATI 9:60

Jisunii mpougo khekalatle, “Kataimeinii kataimei gotei poigoi matulo. Nlenii nangnii maasii Saraa mah Sating Sazyii tamroi tulo.”

LUKNII KARYII KABI RASAM JUKAMATI 9:2

Sateichii mpounii Saraa mah sating sazyii tam tat matu tang karam jangpii ahnyiigo lang mpatle.

TIILAMLWI KAPYIIMEI THA JUKAMATI 8:4

Sateichii tat marou maruktu kaleimei hang teinii kabi rasam tei tamsii tamsii bamlyiihang ki tat tutakle.

TIILAMLWI KAPYIIMEI THA JUKAMATI 19:5

Sateichii ahnyiinii ai ai shii wosek-kii, Bangpii Jisu zei kito dwi mpum wotakle.