TIILAMLWI KAPYIIMEI THA JUKAMATI 7:38 - KARANU KABI SAMTAM

³⁸ Sinai zang gamto mpou dakii tam kapyii Sating gamlui teinei nyii pfii nyiipao meigo kaswisii sazyii kamarong kito meimoi kakto kabam mpou tei aile. Mpounii nyii dakii pyiitang karam ringkalei samtei doutakle.

TIILAMLWI KAPYIIMEI THA JUKAMATI 7:38 Referans Kwoze

ROMMEI 3:2

Akaang hang kito hangkii leile, karei reisang kito Jehudimei dakii Saraanii mpoumah samtam tei kaipyii takle.

HEBRUMEI 5:12

Ka- dapokii tinglang taiswisii gonyiinii madhiikapyiimei tiitu kajyii kito, mei kata hangninanii gonyiigo Saraa samtam mah karei roukatii hang tei nlailoisii ralikapyii tei gonyii jangpii bitang takle; sateichii gonyiinii chiitak katei chiitang karam sungnii ranadwi sak tang karam takle.

1 PITAR 4:11

Tam ralipyiisii kaleimei teinii Saraamah samtam takumpii tam ralipyii tang karamle; nga ngasii kaleimei teinii ahgo Saraanii pyiisii kalei teimaham teipiinii nga ngatang karamle, dapokii teipiinii mahlyii hang kito Saraago Jisu Krista zei kito tam matoi tang karam jangpiile. Mpou dato kalui kaga pumtei kava ninado teimaham tei leile, Amen.

TIILAMLWI KAPYIIMEI THA JUKAMATI 7:53

Gonyiinii Saraa mah ajaitingshang tei doukalu mei- hangle, teitei sating gamlui dato m-mangpyiile, nlenii gonyiinii swisu takle.”

JONNII KARYII KABI RASAM JUKAMATI 1:17

Kadapokii ajaitingshang tei Moses paito pyiitakle; nlenii jumage kapyii ninado kasang tei Jisu Krista paito gongle.

HEBRUMEI 4:12

Saraamah samkang teinii ring- kalei sateichii nlaisupii bam kasu, mwi hangna kapung saryiikhang sungdo kisii mwi bikile, rakot nei rangiigo sateichii ashaang nei akeeng go jaitaam katu katang tei jowkalale, sateichii meinah mah kamaning lungswi ninado alungmah karaang kamaning hang go samtak tiile.

HEBRUMEI 2:2

Nyiipei nyiipaomei dakii sating gamluinii pyii katu samtam tei kasangle katu mangou takle, sateichii teigo tei swikasu mak-kii katam swikasumei teinii mpounii doukamajyii kadwi karat tei doutakle.

GALATIMEI 3:19

Teitiileponii, ajaitingshang ai kadapei kaang jangpii pyiibampo? Riishii tiikabam Abraham mah taa nahmei teinii gong kasuta leimatu tang karam jangpii, sateichii kakui kama katii katu ai kadapeipo katu mangou tang karam jangpii teitei kai mpam bamle. Ajaitingshang ai akakto katat meinah jaikatii, sating gamluinii punghum kabaila pyiile.

ROMMEI 9:4

Ahnyii teinii Isrelmei teile; makot kalei nah sapfiimei katii, pumtei kava, sat tang karam samtam hang, ajaitingshang kapyii, kasang kamata, sateichii riishii tiikabam hangtei ahnyii mahle;

TIILAMLWI KAPYIIMEI THA JUKAMATI 7:35

“Tanii n-go pum katii ninado samtak katiipii tiimatu pyiipo? sii ahnyiinii mazhii kasu Moses aigo rangum kabi kito mpou dakii mangou kapyii sating gamlui bah teipiinii apum katii ninado pang mpatpyii matutang karam jangpii Saraanii lang mpatpyii takle.

TIILAMLWI KAPYIIMEI THA JUKAMATI 7:30

“Tingkum rekdai sang sek-kii, sinai zang mah sazyii kamarong kito sating gamlui hangninanii rangum hangninii ki misung lung teito mpougo mangoule.

JONNII KARYII KABI RASAM JUKAMATI 6:63

Karing kapyii tei Saraa mah rangiiniile, meinah mah teimaham teinii samah kado kabi tei gale. Inii gonyii dakii katam samtei rangiile, ninado karingle.