TIILAMLWI KAPYIIMEI THA JUKAMATI 7:32 - KARANU KABI SAMTAM

³² Inii gonyii pfii gonyii paomei mah Saraa Abra- ham mah, Isakmah ninado Jakob mah Saraa teile; teito Mosesnii nchyiidung dungsii tiigatpii jusu- takle.

TIILAMLWI KAPYIIMEI THA JUKAMATI 7:32 Referans Kwoze

METIU 22:32

‘Inii Abraham, Isak ninado Jakob mah Saraale sii gonyii dakii Saraanii tam kabam tei gonyiinii fiimakde?’ Mpounii katai mei mah Saraa makle, nlenii karingmei mahle.”

MATIMANGOU KAPYII 1:17

Inii mpougo ngou wosek-kii kataimei takumpii Inii mpou doito koumang takle. Sateichii mpounii mpou bah ajiilam tei guphyiiryiikii poikai pyiisii tamle, “Hingsulo, karei ninado kana tei Ile,

HEBRUMEI 11:16

Nlenii kisii bikaki sazyii katunii, sating gam mah ki hangninii, ai ahnyiinii dounyiiwo takle. Teijang- piinii ahnyiimah Saraale sii lat tang karam ai Saraanii nroumakle, kada- pokii mpounii ahnyii jangpii namdi hangninii tiikadapyii bamtakle.

TIILAMLWI KAPYIIMEI THA JUKAMATI 3:13

Abraham, Isak ninado Jakob mah Saraa katunii, nyiipei nyiipao- mah Saraa teinii mpouki kaleipii isugo pumtei kava tei pyiitakle, nlenii gonyiinii mpougo teimaham kajum mei bah kikii pyiitoi aitakle, ninado Pailatnii mpougo mpatpyii tanglesii maning kalu katang tei gonyiinii Pailat doisek todo mpougo mazhii makle.

LUKNII KARYII KABI RASAM JUKAMATI 5:8

Sateichii Simon Pitar nii aihang ai ngouwo sek-kii, Jisu doito kok kumsii tamle, “He Bangpii, gudato tat tuseilo, dapochiinii Inii kakui kama meile.”

METIU 17:6

Boumeinii roktei shii wosek-kii hangkapii hingtakle sateichii ju makumpii sazyii koumang takle.

METIU 22:46

Sateichii mei kado mpougo sam hangninii kado khekalatpei wolak takle, sateichii teipiinei leimik sekpii meikado mpougo nlailoisii kachyii- nhii hingtakle.

TIILAMLWI KAPYIIMEI THA JUKAMATI 7:31

Sateichii Mo- sesnii teitei ngou wosii, mpounii ngou kalei gotei madat takle sateichii tii- gatpii jutang karam jangpii mpounii tatkhii manang sek-kii, Bangpii dato rok hangninii gongle.