TIILAMLWI KAPYIIMEI THA JUKAMATI 5:39 - KARANU KABI SAMTAM

³⁹ nlenii Saraa datoleponii, gonyiinii ahnyiigo tiimagapei wolakle, Saraanii mazhii kasudo gonyiinii kadoutu tangle!”

TIILAMLWI KAPYIIMEI THA JUKAMATI 5:39 Referans Kwoze

METIU 16:18

Sateichii Inii godakii tam leile, Nang Pitar-le, sateichii kuitu kadi aiphyiiryiikii Inii gumah charsh tiimakhii tangle sateichii katai teinado teigotei ngamsang ngampei wolakle.

TIILAMLWI KAPYIIMEI THA JUKAMATI 7:51

“Gonyii kadaziikapii kamalum gapo? Gonyii lung ai kadaziikapii teipo? Saraa sam shii tang karam kito gonyii khoi ai kadaziikapii teipo! Gonyii ai gonyii pfii gonyiipoumei takum takle; gonyiiniido rangii ka- mateigo mazhii makle!

1 KORENMEI 1:25

Kadaponii Saraamah kapang kamang teinii meinah sung kisii sakaile; sateichii Saraamah kasui teinii meinah sung kisii teile.

TIILAMLWI KAPYIIMEI THA JUKAMATI 11:17

Teijangpiinii nyiinii Bangpii Jisu Krista go malum wosek-kii, Saraanii nyiida kado ahnyiidakiido njoi chak-thii katu satoi pyii takleponii I-tasii Saraago namwo tangpo?”

TIILAMLWI KAPYIIMEI THA JUKAMATI 9:5

Teito mpounii tamle, “Bangpii, nang tapo?” Saraanii tamle, “Inii nangnii tiikamagesii kalei Jisu teile.

TIILAMLWI KAPYIIMEI THA JUKAMATI 6:10

Nlenii mpounii swirek kabi ninado rangiipii tam kalei doi teito ahnyiinii satpei wolak takle.

LUKNII KARYII KABI RASAM JUKAMATI 21:15

Kadapochiinii gonyiigo ngou karoumei hangnii gonyii phyiiryiito nryiipei kalak mak-kii malhiipei kalak samtam ninado swirek kabi tei Inii gonyii dakii pyiitangle.

TIILAMLWI KAPYIIMEI THA JUKAMATI 23:9

Teito hangkapii koi nrung pat tutakle sateichii Farasismei ndwilam pang kahaimei ajaiting- shang katimei kangkanii gungtu satsii sampii kajyiitu takle, “Nyiinii mei aipou gamto kashyii samah kado doumakle. Tanii titang mpou dakii rangii hangninanii mak-kii sating gamlui hangninanii karashii leikado malahle.”

1 KORENMEI 10:22

Mak-kii nyiinii Bangpiigo rarhii matu tang karam jangpii maimhii depo? Mpou sung nyii tei buipo?