TIILAMLWI KAPYIIMEI THA JUKAMATI 5:30 - KARANU KABI SAMTAM

³⁰ Gonyiinii ating gamkii kuikajusii gitoi kalei Jisu go nyii pwi nyii pfii mah Saraa teinii tiimaringpyii takle.

TIILAMLWI KAPYIIMEI THA JUKAMATI 5:30 Referans Kwoze

GALATIMEI 3:13

Nyiijangpii Kristanii kasang tei tiisii, ajaitingshang mah kasheeng kiteito kalei mpatpyii takle kada- pokii aitiisii ryiibamle, katunii, “Ating gamto njusii siikaksii taikalei meihang tei Saraamah kasheeng tei doutakle.”

1 PITAR 2:24

Kem kito tai aisii nyiinii kasang kamajyii kito ringtang karam jangpii mpou sekpiinii Krosh gamto mpoumah pumpot kikii nyiimah kakui kama hangtei pungpyii takle; mpoumah rajam jam teipiinii gonyiigo tii mbipyii takle.

TIILAMLWI KAPYIIMEI THA JUKAMATI 10:39

Sateichii mpounii Jehudimei Sazyii kito sateichii Jerosalem kito tiikalei tha hangmah sakchyii tei nyiile; ahnyiinii mpougo ting gamkii kuikajusii gi aitakle.

TIILAMLWI KAPYIIMEI THA JUKAMATI 22:14

Teito mpounii tamle, Nyiipei nyii- paomei mah Saraa teinii n-go mpoumah kamaning tikabui, kasang kamajyiipii gotei ngoumatu tang karam sateichii mpou mwi kito mpou roktei shii matutang karam jangpii kalai mpatpyii takle;

TIILAMLWI KAPYIIMEI THA JUKAMATI 13:33

Katunii, Saraanii Jisugo mpat pyiisii ahnyii nahmei dakii teitei madougong mpyii takle; aitiisiido hangna kashang tam matoi lhii kikii ryiibam takle, ‘Nang gunah sapfii mpou teile, tingnei Inii go pfii tiiwo takle.’

TIILAMLWI KAPYIIMEI THA JUKAMATI 3:26

Sateichii teijangpii Saraanii Mpouki kaleipiigo kalai takle ninado karei kito mpougo gonyii dakii lang m-mangpyii takle, gonyii mah kem pwidi hang kito tat nrek matusii satoi pyiitang karam jangpii.”

TIILAMLWI KAPYIIMEI THA JUKAMATI 2:32

Jisu aigo Saraanii tiimaringpyii takle, tei kaang kito nyiihangnii sakchyii tii- ziile.

LUKNII KARYII KABI RASAM JUKAMATI 1:72

Nyii pei nyii paogo jumage kapyii tei mangou tang karam jangpii, sateichii mpoumah sat tang karam karanu samtam hangtei maning matu tang karam jangpii,

LUKNII KARYII KABI RASAM JUKAMATI 1:55

Nyii pei nyii paomei dakii tam kabam takumpiinii, mpouki kaleimei, Isrelmeinahgo tiiha takle.”