TIILAMLWI KAPYIIMEI THA JUKAMATI 4:27 - KARANU KABI SAMTAM

²⁷ Kadapokii nangnii thao manuk kapyii goki kaleipii kamatei Jisu kaswisii Herotniido, Pontios Pai- latniido,

TIILAMLWI KAPYIIMEI THA JUKAMATI 4:27 Referans Kwoze

METIU 27:2

sateichii ahnyiinii mpougo reng peisii, pangpatsii Governor Pailat dakii pyii aitakle.

TIILAMLWI KAPYIIMEI THA JUKAMATI 4:30

nangnii gobah hampatpyii kalei kak kii, hangkapii lung disii, gosam tam wokabui goki kaleimei dakii jumage pyiilo.”

LUKNII KARYII KABI RASAM JUKAMATI 9:22

“Meinah sapfii mpou teinii kamage kalak pung tangle, kating- mei hang, kanat kajum tingdimei hang sateichii ajaitingshang kati ojameinii mazhii kasu tei doutang takle. Mpougo gitoi tangle, sateichii leimik hangtum kashang piinei leimik mpounii ringkhii tangle.”

HEBRUMEI 7:26

Kadapokii ai kakum kamatei, tam kamashyiini kaga kahongrum kasu, kem katiimei hang dato poitaam kabam sateichii sating gam sung kisii poi kasagoi, kanat kajum Tingditupii hangninii nyiinii dou- tang karam sekle.

TIILAMLWI KAPYIIMEI THA JUKAMATI 10:38

teiteinii Nazaret ki Jisu rasam teile, kada takumpii mpougo Saraanii rangii kamatei ninado teimahampii thao manuk kaipyiisii mpounii tatsii tatsii tha kabi tei tiiwopo sateichii sara kashyiinii kaswi kaleimei go tii mbipyiipo katu teile; kadapokii Saraanii mpougo kaswipyiisii leile.

TIILAMLWI KAPYIIMEI THA JUKAMATI 2:27

Kadapokii nangnii gu rangii go kataibam kikii toipyii lakle, mak-kii gomah kamateimeigo kashyii kahong tei ngoumatu lakle.

JONNII KARYII KABI RASAM JUKAMATI 19:34

Nlenii saryiimei hangninanii mpoumah katu kalaat kikii angiipiinii hui takle, sateichii binasek-kii zai ninado dwi tei pat takle.

JONNII KARYII KABI RASAM JUKAMATI 18:28

Teito ahnyiinii Jisugo Kaifas ki kalungto Praetorium lungtei pangliit takle, teitei tingchoi nukiile, sateichii ahnyiinii kaakamaju takbai mah malot tei chiihai tang karam jangpii ahnyiinii mateisii mbam nyiile, teijangpii ahnyiinii Praetorium lung- tei liit makle.

JONNII KARYII KABI RASAM JUKAMATI 10:36

Inii Saraa nah sapfii mpoulesii Inii tam katu jangpii, Pfiinii kalai wosii sazyii pouryiikii lang m-mang kapyii ah gotei, nang Saraago tam mashyiilesii mpoumah kaang kito gonyiinii tam leipo?

JONNII KARYII KABI RASAM JUKAMATI 1:11

Mpounii lungkalei mpou sazyiiki mpounii gongle, nlenii mpou sazyii kito lungkalei mpoumeinii mpougo lukaipyii makle.

LUKNII KARYII KABI RASAM JUKAMATI 22:63

Sateichii Jisugo koi kaleimei teinii mpougo dzyii nuisii laakle;

LUKNII KARYII KABI RASAM JUKAMATI 4:18

“Bangpiimah rangii tei Guphyiiryii leile, Dapochiinii mpounii kagamei dakii kabi rasam tam matu tang karam jangpii n-gu thao manukpyii takle. Maringpouchyiimei hang go mpou rangra tiimatu katu sateichii mik kachet meigo nlailoisii mik ngou matu tang karam sam ai saa mpatpyii matu tang Karam jangpii, sateichii kamage kamarhii meigo laat mpatpyii tang karam jangpii,

LUKNII KARYII KABI RASAM JUKAMATI 1:35

Teito Sating gamlui teinii mpoupei dakii tamle, “Rangii kama- tei teinii go phyiiryii humpyii tangle, Sateichii sagoi kaki mah teimaham teipii n-go akhii lakpyii tangle; teijang teipii lungtang karam nah tei Saraa nah, kamatei sii lat tangle.

MARK 15:31

Tei takumpii atingmei hang teiniido, ajaitingshang kati ojamei hang go kaswisii ahnyii roipii ahnyii kakto hoksii nuisii tamle, “Mei kakimei gonii mpounii keipyiile, nlenii mpou roipii mpou gonii keiwo makle.

MARK 10:33

Mpounii ahnyii dakii tamle, “Julo, nyiinii Jerosalemki tatpi leile; teito meinah sapfii mpou gotei Tingdimei ninado Ajaitingshang kati ojamei bah kikii pyiitoi tang takle, teito ahnyiinii mpougo tam mashyiisii gitoi tangle, sateichii lui kakimei bah kikii pyiitoi tangle;

METIU 23:37

“Lungkakalingmeigo kagi satei- chii godakii lang kamagongmei hang go kuitupii karot, he Jerosalem, Jerosalem! ruipwinii mpou nahmeigo mpoupei mah kashii kangkii gom kalei takumpii Inii gonahmeigo kadaziikapii gompyii nyiisii leipo? Nlenii gonyiinanii mazhiinyii makle.

METIU 21:28

“Gonyiinii kadapei maningpo? Mei hangninanii nah sapfiimei hangna leile, mpounii katingpiida patsii tamle, ‘Gunah, tingnei darkha toipyiilu ki maasii tha tiitulo.’

METIU 14:1

Teitinglangki Sagong Herotnii Jisu mah nha tei shii wosii, mpouki kaleimei dakii tamle, “Jon dwi mpum kapyiipii tei aile,

METIU 14:3

Kadapokii mpou sanapii Filip nou, Herodias jangpii Herotnii Jon go jumsii reng pei wosii kabangki lungkii kaile.

METIU 14:6

Nlenii Herotgo kalung piinei leimik gong sek-kii, Herodias nah sapwi mpei teinii ahnyii doito takoi tiimangou takle, sateichii Herot tei hangkapii dzyii ranga takle,

LUKNII KARYII KABI RASAM JUKAMATI 23:1

Teito ahnyiihangnii gungtusii, mpougo Pailat doikii pang- khiile.

JONNII KARYII KABI RASAM JUKAMATI 18:29

Teipiinii Pailatnii ahnyiida patsii tamle, “Mei aipou phyiiryiikii kadapei kama leisii pang gong leipo?”