TIILAMLWI KAPYIIMEI THA JUKAMATI 4:21 - KARANU KABI SAMTAM

²¹ Sateichii meimoi jangteipii ahnyiinii mpoupiinago kada takumpii tiikamage tangpo katu samah kado tei gasii, mpoupiinago kisii kakahwi sam tamsanii mpat aitakle, kadapokii meihangnii pat kalei teijang teipii Saraago tam matoile.

TIILAMLWI KAPYIIMEI THA JUKAMATI 4:21 Referans Kwoze

TIILAMLWI KAPYIIMEI THA JUKAMATI 5:26

Teito Saraa kamaning kilungto kadipii teinii kadi kathang- mei go kaswisii maa ahnyiigo jum pang gong takle, nlenii kalak kathai tei tiimakle, kadapokii meimoi teinii ahnyiigo kuitupii rot tutang karam gotei hingtakle.

LUKNII KARYII KABI RASAM JUKAMATI 22:2

Sateichii kanat kajum tingdimei ninado ajaiting- shang kati ojamei teinii mpougo kada takumpii gitangpo katu pwidi fiitu takle; kadapochiinii ahnyiinii meimoi gotei hingle.

LUKNII KARYII KABI RASAM JUKAMATI 20:19

Teito ajaitingshang kati ojamei sateichii kanat kajum tingdimeinii teitinglang sek-kii, mpougo jumtang karam jangpii tiile, nlenii ahnyii teinii meimoi gotei hingtakle. Kada- pochiinii mpounii ahnyii phyiiryiikii ndasam ai tam leile katu tei ahnyiinii titakle.

LUKNII KARYII KABI RASAM JUKAMATI 20:6

Nlenii nyiinii meinah dato lesii tam lepochiinii, meihangpii nyiigo kuitu rot tangle, kadapokii ahnyii hangnii Jon aigo Lungkakalingmei hang- niniile katupii malumle.”

METIU 21:46

Nlenii ahnyiinii mpougo jumlesii tiikido, ahnyiinii meimoi gotei hing takle; kadapokii ahnyiinii mpougo Lungkakalingmei hangniniilesii poile.

METIU 9:8

Meimoi teinii mpougo ngou wosii hing takle, sateichii meinah dakii tei kakum teimaham pyiisii kalei Saraago ahnyiinii tam matoile.

TIILAMLWI KAPYIIMEI THA JUKAMATI 5:40

Teito mpounii katam tei ahnyiinii shii wosii ahnyiinii Tiilamlwi ka- pyiimei gotei lat maliit tosii ahnyiigo dat datpyiisii, Jisu zei kito tam matu kasu tiisii hungsii kakhat- pyiisanii, ahnyiigo mpat aitakle.

TIILAMLWI KAPYIIMEI THA JUKAMATI 4:17

Nlenii ai ai meihang dakii kisii tam kahi kasu tiisii ahnyiinii toisekpii meida kado zei aikito tam matu kasu tiisii nyiinii ahnyiigo tii kahuile.”

LUKNII KARYII KABI RASAM JUKAMATI 13:17

Sateichii samhang ai tamsanii, mpougo mazhii kasumei hang go tii-nroupyii takle; sateikii mpounii tiikapyii kamadat tha kadi hang jangpii meihangnii nta takle.

LUKNII KARYII KABI RASAM JUKAMATI 5:26

Sateichiiahnyii teinii hangkapii sung gasii, Saraago tam matoile, sateichii kahingpii tokryiisii ahnyii- nii tamle, “Tingnei nyiinii kamadat tha tei ngoutakle.”

METIU 26:5

“Nlenii meimoi kak tito khoi nrung pat matu kasu tiisii, nyiinii ai ai takbai ki kak tiilak tang karamle, sii ahnyiinii tam takle.”

METIU 15:31

Teipiinii lat kaga meinii lat pat kalu, pi katwimeinii tat kalu, mik kachet meinii ngou kalu ai ngou wosii meihangnii sung gasii Isrelmei mah Saraa go tam matoile.

METIU 9:33

Sateichii sara kashyii tei baatoi ai sek-kii, lat kagapii teinii lat pat takle; teito meihang teinii sung gasii tamle, “Isrelmei kak kito aikakum ai mahdou kado ngou makle.”

TIILAMLWI KAPYIIMEI THA JUKAMATI 4:22

Kadapokii ai ra kani kito tii-mbi kapyii tiikamangou sapfii mpou tei tingkum rekdaisii kikii takle.

TIILAMLWI KAPYIIMEI THA JUKAMATI 5:13

Nlenii sabato kalei bemei teinii ahnyiigo kaswi makle, meihangnii ahnyiigo tam mbisii leikado.