TIILAMLWI KAPYIIMEI THA JUKAMATI 4:13 - KARANU KABI SAMTAM

¹³ Teito ahnyiinii Pitar nei Jon mah lung kadi tei ngou wosek-kii, ninado larek tikasu meida meile katu tei tiwosek-kii, hangkapii sung ga- takle, sateichii mpoupiina ai Jisugo kaswisii kaleimeile katu tei ahnyiinii tigong takle.

TIILAMLWI KAPYIIMEI THA JUKAMATI 4:13 Referans Kwoze

1 KORENMEI 1:27

Nlenii kasakai meigo tii-nrou tang karam jangpii sazyii pouryiito kapang kamangmei gotei Saraanii kalai wotakle; sateichii kateimeigo tii-nrou tang karam jangpii, sazyii pouryiimah kasuimei gotei Saraanii kalai wotakle;

JONNII KARYII KABI RASAM JUKAMATI 7:15

Jehudimei hangteinii sung gasii tamle, “Mah kado larek rali katu gasanii mei aipounii kada takumsii larek tiwopo?”

METIU 11:25

Teitinglangki Jisunii saa mpatle, “Sating ninado Sazyii mah Bangpii, gu pfii, Inii n-go halangle; dapochiinii nangnii aihang aigo kasakai ninado katimei dato poikabei bamsanii nahmei kachengmei hang dakii mangoupyii takle.

METIU 26:73

Tinglang shangnakii sousek-kii dato sat kaleimei ahnyii teinii patsii Pitar dakii tamle, “Kasangpii nangdo ahnyii kak kito hangniniile, kada- pokii gomah gosamtam teinii n-go matisii leile.”

JONNII KARYII KABI RASAM JUKAMATI 7:49

Nlenii ajaitingshang tikasu meimoi ai asheeng doutakle.”

LUKNII KARYII KABI RASAM JUKAMATI 22:8

Sateichii mpounii Pitar nei Jon go lang mpatsii tamle, “Nyiinii chiitang karam Kaakamaju mah takbai tei nyiijangpiinii maasii tiikada tulo.”

METIU 26:71

Sateichii mpounii Sagong mah ki kajang kamwi tat kapat tinglang kak kikalei sapwimei kaki hangninanii mpougo ngou wosii, mpoupeinii dato sat kalei mei dakii tamle, “Sapfii mpou ai Nazaret ki Jisugo kaswi leile.”

JONNII KARYII KABI RASAM JUKAMATI 19:26

Jisunii lungkasyii mpou pwi ninado boumei teinii kuto sat kalei tei Jisunii ngou wosek-kii, mpou pwi dakii tamle, “He sapwi mpei, Julo, gonah sapfii mpougo!”

TIILAMLWI KAPYIIMEI THA JUKAMATI 4:14

Sateichii ara kani kito bikalupii teinii ahnyiigo kaswisii kabam tei ngou wosanii, ahnyiinii teiphyiiryii teikii samah kado katampii gatakle.

TIILAMLWI KAPYIIMEI THA JUKAMATI 4:19

Nlenii Pitar nei Jon-nii ahnyiigo khekalatle, “Saraa go sung kisii gonyii sam kaswi ai Saraa mah mikjot kito matoupo gonyiinii samtak tiipyiilo.

TIILAMLWI KAPYIIMEI THA JUKAMATI 4:29

Aitoinii he Bangpii, ahnyiinii neigo tiikahui kalei ai juseilo, sateichii ara kanimeigo tii mbi matutang karam ninado goki kaleipii kamatei Jisumah zei paiki teito tiikamangou hang ninado kamadat kamadat tiiwo kabui,

TIILAMLWI KAPYIIMEI THA JUKAMATI 4:31

Sateichii ahnyiinii riita ka- leitai, ahnyiinii ndwisii kalei bamtei nlai takle sateichii ahnyiihang tei rangii kamateipii tokryiisanii, kahing gasii Sara sam tam mpat takle.

TIILAMLWI KAPYIIMEI THA JUKAMATI 9:27

Nlenii Barnabasnii mpougo pangsii Tiilamlwi kapyii- meida pang gongpyiisanii, mpounii pwidi lamto Bangpii go kada takumpiinii ngou wopo, Bangpiinii mpougo sam karashii kalu sateichii kada takumpii mpounii Jisu zei kito Damaskas sazyii kito sangtingsii kabi rasam tam ralipyiipo katu tei ahnyii dakii tiigatpii tampyii takle.

TIILAMLWI KAPYIIMEI THA JUKAMATI 9:28

Sateichii bangpii zei kito sakhyii bisii kabi rasam tam ralipyiisii, Jerosalem ki tatpat tatliitsii mpounii ahnyiigo kaswisii bam takle.

1 KORENMEI 14:25

Ahmah kamakum lungswi tei laat kabam kamadu kikii poi mpat tangle, sateichii “Gonyii kak Saraa lei kasangle,” katupii mpounii nkwimangsii Saraago mata tangle.

2 KORENMEI 3:12

Nyiinii maning kamalum ai kalei taiswisii, nyiinii hangkapii lungdile.