TIILAMLWI KAPYIIMEI THA JUKAMATI 3:21 - KARANU KABI SAMTAM

²¹ Saraanii kamatei Lungkakalingmei mah mwi kito ndouto reipii tam kabam takumpiinii mpougo sating gamkii mbam tang karamle, mahlyii hang tiikaranu tinglang tei gong kasuta.

TIILAMLWI KAPYIIMEI THA JUKAMATI 3:21 Referans Kwoze

ROMMEI 8:21

Kadapokii baichem hang teinado thamsii ramtang karam kito laat mpatpyii tangle, sateichii Saraa nahmeinii araangra katii pumtei kava tei doutangle.

TIILAMLWI KAPYIIMEI THA JUKAMATI 1:11

ninado tamle, “He Galili kito kaleimei, gonyii dajangpii sating gamkii jumakhiisii sat leipo? Gonyii dato sating gam pangmakhii katu Jisu ai sating gam khii katu tei gonyiinii ngou katu takumpiinii, mpounii ai takumpiinii gong tangle.”

MATIMANGOU KAPYII 22:6

Teito Ahnii gudakii tamle, “Samkang hang ai malum kamajyii ninado kasangle; sateichii lungka- kalingmei mah rangii hangmah Bangpii Saraa teinii madousupii pat tang karam hangtei ahmah kikalei- mei hang dakii mangou matu tang karam jangpii ahmah sating gamluigo lang mpat takle.”

LUKNII KARYII KABI RASAM JUKAMATI 1:70

Ndouto mpounii mpou mah Lungkakalingmei paito riishii tiipyii takle:

2 PITAR 3:2

katunii, ndou kareiki lung- kakalingmeinii tam kabam ninado tiilamlwi kapyiimei mah paikito gonyii dakii pyiikabam Bangpii ninado nyiigo keikapyiipiimah kakhatsam tei gonyiinii maningloi matu tang karam jangpiile.

2 PITAR 1:21

Kadapokii Saraamah adoisam reipii saa ka-mpat ai meinah mah kamaning kamazhii kito patsang patlei makle, nlenii rangii kamateinii dengpyiisii meinahnii Saraa dato tamle.

TIILAMLWI KAPYIIMEI THA JUKAMATI 10:43

Lungkakalingmei hangnii mpou kaang kito sakchyii tiile, katunii mpougo kamalum meihangnii mpou zei kito kem maga kapyii tei doutangle.

MATIMANGOU KAPYII 18:20

Hesating gam, kamateimei, tiilamlwi kapyiimei ninado lungka- kalingmei hang mpoupeigo tiimaga kalei jangpii ntalo! Kadapokii Sa- raanii mpoupei phyiiryiikii gonyiimah samtak tei tiipyii takle!

TIILAMLWI KAPYIIMEI THA JUKAMATI 3:19

Teijang- piinii gonyii mah kem hangtei tiimagapyii matu tang karam jangpii gonyiinii lung kali wosii nlaigonglo; teitei leponii Bangpii dato kamajung mah tinglang tei gongtangle.

TIILAMLWI KAPYIIMEI THA JUKAMATI 3:20

Sateichii gonyii jangpii kalaipyii kabam Kristago katunii, Jisugo Mpounii lang m-mangpyii tangle.

HEBRUMEI 1:1

Ndou kareiki Saraanii lungka- kalingmei paikito nyiipei nyii- paomeigo jairali kataam kataam kito nlai nlailoisii sam rashiile,