TIILAMLWI KAPYIIMEI THA JUKAMATI 3:20 - KARANU KABI SAMTAM

²⁰ Sateichii gonyii jangpii kalaipyii kabam Kristago katunii, Jisugo Mpounii lang m-mangpyii tangle.

TIILAMLWI KAPYIIMEI THA JUKAMATI 3:20 Referans Kwoze

MATIMANGOU KAPYII 1:7

Julo, Mpounii kamong gotei ka- swisii gong leile; sateichii meihangnii, sateichii mpougo nghiipii kahuimei tei haisii mpougo ngoutangle; sateichii sazyii pouryii luihangnii mpou kaang kito kamadak tangle, nle, teitii tangle, Amen.

2 THESOLONIKAMEI 2:8

Sateichii teitinglangki kashyii kahong ahmah mei gotei mangou tangle, teito Bangpii Jisunii mpou mwi kito ngai ka-mpat chyiingai teipiinii mpougo girang tangle, sateichii gong kalei mpoumah vakaki teipii mpougo tiimaga tangle.

2 THESOLONIKAMEI 2:2

katunii, rangii kado, samtam piinii kado, nyiinii karyiigo njoi chiti piinii kado, Bangpiimah leimik aitoi gongtakle katu teipii gonyiimah kamaning lungswi kito kalangsii tiirampou matu sulo, mak-kii lung tiimatai matu sulo.

LUKNII KARYII KABI RASAM JUKAMATI 19:11

Teito sam hang ai ahnyiinii shii leibangpii, mpounii ndasam hang- niniido tamle, kadapokii mpounii Jerosalem namdiki manangpi lei- takle, sateichii Saraa mah Sating Sazyii tei kalangsii ngoutu tang taklesii ahnyiinii maningle.

HEBRUMEI 9:28

meihang mah kem hangtei pungpyii tang karam jangpii, binii pyiitoi kalei Krista teinii kem jangpii supiinii, mpougo saryiisii koikalei meihang go keipyii tang karam jangpii, hangna kashang tiisii gong tangle.

TIILAMLWI KAPYIIMEI THA JUKAMATI 17:31

Kada- pochiinii mpounii kalai kalu sapfii mpou hangninanii sazyii pouryiigo kasang kito samtak tiitang karam leimik hangninii retbam takle. Mpou gotei kataimei kak kito tiimaring kapyii aipiinii meihang dakii malum kabui tei mpounii pyiibam takle.”

LUKNII KARYII KABI RASAM JUKAMATI 21:27

Tei tinglangki meinah sapfii mpou teinii mpou mah pumtei kava ninado tei maham kadigo kaswisii mongjyii kito kagong tei ahnyiinii ngoutangle.

MARK 13:26

Sateichii meinah sapfii mpou tei kamong phyiiryiito teimaham ninado pumtei kava kito kahum tei ahnyiinii ngoutangle.

METIU 24:3

Jisunii Olip zang gamto bam kalei kak, Boumei teinii makumpii gong n-nhiile, “Aihang ai kadadou pat tangpo, sateichii gomah kagong ninado sazyii pouryii kalui mah tiikamangou siiti tei kadapei tangpo?” nyiidakii tam pyiilo.

METIU 16:27

Kadapokii meinah sapfii mpou teinii mpou pfii mah pumtei kava kito mpoumah sating gamlui hang go kaswisii gong tangle, sateichii tei tinglangki meihang dakii mpou mpoumah tha taiswisii alangh pyii tangle.

TIILAMLWI KAPYIIMEI THA JUKAMATI 3:19

Teijang- piinii gonyii mah kem hangtei tiimagapyii matu tang karam jangpii gonyiinii lung kali wosii nlaigonglo; teitei leponii Bangpii dato kamajung mah tinglang tei gongtangle.

TIILAMLWI KAPYIIMEI THA JUKAMATI 3:21

Saraanii kamatei Lungkakalingmei mah mwi kito ndouto reipii tam kabam takumpiinii mpougo sating gamkii mbam tang karamle, mahlyii hang tiikaranu tinglang tei gong kasuta.